Wednesday, October 29, 2008

Soek hulp met skêr in haar rug

Oct 27 2008 10:25:30:190PM - (SA)

Amanda Roestoff

Terwyl sy nog van dubbele longontsteking probeer herstel het, is 'n
64-jarige ontvangsdame die naweek ses keer met 'n mes in haar woonstel
in Krugersdorp gesteek.

Mev. Juffie van der Westhuizen, ontvangsdame van dr. Anne-Marie Nel,
moes Sondag 'n noodoperasie ondergaan om die aar by haar wangbeen en
slukderm te heg.

Van der Westhuizen was volgens haar dogter, mev. Christa Ras nog baie
swak nadat sy vroeër die week vir dubbele longontsteking behandel is.

Die aanvaller het Sondag kort ná middernag vermoedelik tussen 'n
veiligheidshek en 'n geut na die boonste verdieping van mev. van der
Westhuizen se woonstel by Golfview-kompleks in Paardekraalweg,
opgeklouter en toegang tot 'n venster gekry wat op 'n skrefie oop was.

"My ma sê sy het wakker geskrik toe haar aanvaller bo-op haar sit en
haar begin steek," sê mev. Ras.

Haar aanvaller het haar glo herhaaldelik met die vuis geslaan, met die
skêr in haar gesig gekrap.

Daarna het hy haar twee keer in die nek, een keer in haar rug en
onderskeidelik drie keer met die skêr naby haar skouer- en borsbeen
begin steek.

Met die skêr nog in haar rug gedruk, het die aanvaller haar uit haar
kamer gestamp en die deur gesluit om vermoedelik na sy buit te soek.

Sy het die kans aangegryp om hulp by inwoners in die woonstelblok te gaan soek.

Sy het volgens Ras "al bloeiend en kaalvoet in die reën, die trappe
afgeklim en by 'n buurvrou op die grondvloer gaan aanklop.

Die familie is toe telefonies ontbied, terwyl inwoners 'n handdoek om
van der Westhuizen se nek gedraai het om die "geweldige bloeding" te
stol.

Die familie het haar agter op 'n motor se sitplek gelaai en hospitaal
toe gehaas.

Volgens Ras het sy haar ma stewig vasgehou, sodat die skêr nie verder
in haar rug insteek nie.

Haar aanvaller het vermoedelik deur dieselfde kamer na onder geklouter
en met haar beursie, wat sowat R500 kontant bevat het, gevlug.

Me. Melanie Besselaar, woordvoerder van die Netcare
Krugersdorp-private hospitaal, het gesê mev. van der Westhuizen word
steeds in die trauma-intensiewe eenheid van die hospitaal behandel.

Sy is steeds in 'n bedenklike, maar bestendige toestand.

Kapt. Jacob Raboroko, polisiewoordvoerder, sê niemand is nog in
verband met die aanval op Van der Westhuizen in hegtenis geneem nie.

Oorsprong:Beeld

http://www.news24.com/Beeld/Suid-Afrika/0,,3-975_2416982,00.html

Saturday, October 25, 2008

VF+ wil hoë hof toe oor strate se name

Oct 24 2008 09:02:06:537PM - (SA)
Cobus Claassen

Die VF+ gaan die hooggeregshof vra om 'n stokkie te steek voor die
Tshwane-metroraad se planne om die name van 27 Pretoriase strate te
verander.

Mnr. Willie Spies, VF+-LP, het gister gesê sy party is optimisties dat
die hof deur 'n verklarende bevel die raad se besluit oor die
naamveranderings tersyde sal stel.

Die burgerregte-waghond AfriForum en die FAK het bevestig hulle gaan
saam met die VF+-applikante tot die hofstryd toetree.

Volgens Spies sal hofstukke Maandag ingedien word.

Die VF+ se regsadviseurs meen die raad het wetgewing verkeerdelik
vertolk en drie wette – die Wet op Munisipale Stelsels, die Wet op
Munisipale Finansiële Bestuur (MFMA) en die Nasionale
Erfenishulpbronwet – verontagsaam.

Spies het gesê die raad het boonop sy eie beleid geïgnoreer met die
besluit wat hy op 27 September verlede jaar geneem het.
Opposisiepartye was erg ontstoke toe die ANC op dié vergadering die
raad se beleid oor naamsveranderinge opsy geskuif het. Die ANC het die
beleidsriglyn teengestaan wat beslis dat "in die gees van demokrasie
minstens 51% van ge- registreerde kiesers in 'n betrokke straat
skriftelik met 'n voorgestelde naamsverandering van die straat moet
saamstem".

Al sal die saak waarskynlik eers in middel-2009 aangehoor word,
beteken dit die raad sal nou sekere reëls moet gehoorsaam en nie die
proses kan stoomroller nie, het hy gesê.


# Mnr. Henk van de Graaf, president van die Verkennersbeweging van
Suid-Afrika, het intussen gister in 'n verklaring toegegee lede van sy
jeugbeweging was by Woensdagaand se chaotiese straatnaamvergadering in
die Pretoria-Noord-stadsaal betrokke.

Die vergadering het op 'n rassegeveg tussen inwoners uitgeloop.

"Ek stel dit onomwonde dat ons nie gaan optree teen enige lede van ons
jeugbeweging nie. Ons kan hulle net gelukwens met hul optrede."

Woeste rassegeveg by straat-vergadering: metroraad in spervuur

Oct 23 2008 09:37:47:197PM - (SA)

Cobus Claassen

Die Tshwane-metroraad is in die spervuur oor sy hantering van die
openbare straatnaamdebat nadat eergisteraand se vergadering in die
Pretoria-Noord-stadsaal op 'n woeste rassegeveg tussen inwoners
uitgeloop het.

Emosies oor dié raad se voorgestelde veranderings van straatname het
so oorgekook dat die polisie die oproeriges met traangas
uitmekaargejaag het.

Die geveg is glo ontketen toe 'n inwoner 'n ander man met 'n stoel oor
die kop geslaan het. Twee groepe van verskillende rasse het onder
mekaar ingevlieg. Die polisie en die metropolisie moes bontstaan om
die situasie te ontlont en het versterkings ontplooi.

Na verneem word, is niemand ernstig beseer nie.

Ontevredenheid het agterna geheers toe net een groep toegelaat is om
verder aan die vergadering deel te neem, terwyl die ander groep
toegang geweier is.

Chaos en onderlinge rassespanning het die raad se reeks
deelnamevergaderings deurgaans gekenmerk.

Mnr. Kallie Kriel, uitvoerende hoof van AfriForum wat self onder die
geweld deurgeloop het, het gister bevestig hy het 'n klag van
aanranding teen dir. Ndumiso Jaca van die Tshwane-metropolisie
ingedien.

Kriel sê Jaca het hom hardhandig begin rondstamp nadat hy dit onder
Jaca se aandag gebring het dat die man "wat vir die stoelslanery
verantwoordelik was", steeds in die saal is.

"Ek het dit duidelik gemaak dat ek geen aandeel gehad het in die
ontwrigting nie en het my nie teëgesit nie."

Volgens Kriel is daar ooggetuies "wat bereid is om die gebeure onder
eed te bevestig".

Jaca wou nie gister met Beeld praat nie.

AfriForum het sy kommer uitgespreek oor die polisie en die
metropolisie "wat as instrumente van die ANC gebruik is om almal by
die vergadering te teiken wat teen die straatnaamveranderings gekant
is".

Die VF+ meen die ANC se roekelose hantering van die kwessie het
krisis-afmetings aangeneem en ingryping is dringend nodig.

"Die geweld het uitgebreek toe 'n swart inwoner 'n wit inwoner met 'n
stoel geslaan het. 'n Wit man is gearresteer, terwyl die stoelslaner
nie eens aangespreek is nie," het mnr. Willie Spies, VF+-LP, gesê.

Die polisie het bevestig 'n 26-jarige man is in hegtenis geneem.

Mnr. Dana Wannenburg, DA-raadslid, het gesê die proses wat die ANC
volg om die straatname te verander is onaanvaarbaar.

Die DA distansieer hom "van wat op die vergadering gebeur het" en vra
dat 'n geloofwaardige en onafhanklike proses begin word.

Mnr. Khorombi Dau, die raad se speaker, het gesê dit is jammer die
vergadering het op so 'n "onaangename wyse" afgeloop.

Oorsprong:Beeld

http://www.news24.com/Beeld/Suid-Afrika/0,,3-975_2415118,00.html

2 broers se trane toe moordenaars skuldig bevind word

Mev. Yvette Maritz, die vermoorde se weduwee, buite die hof. Foto: Herman Verwey

Oct 23 2008 09:37:54:353PM - (SA)

Hilda Fourie

Twee broers het gister die trane afgevee toe twee mans weens die moord
op hul broer skuldig bevind is.

Mnr. Manie Maritz (47), 'n takbestuurder van BMW, is op 15 Julie
verlede jaar voor sy gestremde dogter by hul huis in Constantiapark,
in die ooste van Pretoria, doodgeskiet.

Frans Mthabesitha (26) en Patric Sithole (36) is in die Pretoriase
hooggeregshof skuldig bevind weens die moord op Maritz en die
aanranding van sy dogter.

Sithole is ook skuldig bevind op 'n aanklag van die onwettige besit
van 'n vuurwapen.

Waarnemende regter Vivian Tlhapi het Mthabesitha en Sithole op grond
van omstandigheidsgetuienis skuldig bevind.

Tlhapi het bevind die twee het Maritz oorval toe hy in die oprit van
sy huis gery het. Daarna is Maritz op die stoep van sy huis
doodgeskiet en sy gestremde dogter is aangerand.

Maritz se buurman het gesien wat aangaan, geskree dat hulle die dogter
moet uitlos en drie skote afgevuur. Een van dié skote het Sithole in
die been getref.

Hy het oor die vurktandheining geklim, maar sy tekkies het agtergebly.
'n Vuurwapen is ook langs die heining gekry. Daarby is 'n paar
handskoene buite Maritz se huis gevind waarop Sithole se DNS gevind
is.

Die gestremde dogter se selfoon is in Mthabesitha se besit gevind.

Tlhapi het bevind hulle het 'n gemeenskaplike doel gehad. Sy het
Sithole en Mthabesitha vrygespreek op 'n aanklag van huisbraak met die
opset om te steel.

Mnr. Louw Maritz het gesê hy is verlig dat Sithole en Mthabesitha
skuldig bevind is, want "nou kan ons met ons lewens aangaan".

Maritz, wie se ander broer, Coen, ook die verrigtinge bygewoon het,
het gesê hy hoop hulle word kwaai gestraf.

Die staat het vir 'n lewenslange vonnis gevra, terwyl adv. Bafana
Mamba gevra het Mthabesitha moet net tien jaar tronkstraf kry.

"Dié moord was nie die wreedste wat daar al in die howe was nie," het
hy gesê, waarop Tlhapi hom gevra het hoe 'n mens dit kan regverdig dat
dié moord nie wreed was nie. Mamba het aangevoer Mthabesitha het nie
die sneller getrek nie.

Staatsadv. Alicia Lewis het daarop gesê Mthabesitha het die besluit
geneem om dié aand by Maritz se huis te wees en dat hy geweet het sy
medebeskuldigde was in besit van 'n vuurwapen.

Mev. Yvette Maritz het ter strafverswaring getuig Maritz was die man
saam met wie sy wou oud word.

Die twee skuldiges hoor volgende maand hul vonnis.

Oorsprong:Beeld

http://www.news24.com/Beeld/Suid-Afrika/0,,3-975_2415094,00.html

Friday, October 24, 2008

Uit die Kantoor van die Verkennerspresident

Die Verkennersbeweging van Suid-Afrika

Kantoor van die Verkennerspresident


24 Oktober 2008

Openbare Verhore oor Naamsveranderings


Sekere sake moet in perspektief geplaas word rondom die gebeure by die
sogenaamde openbare konsultasies oor Pretoria se
straatnaamsveranderings.

Dit was veral jongmense, en spesifiek lede van die Verkenners se
Jeugbeweging, wat betrokke was by die openbare "verhore". Dit was een
van die lede van die Verkenners wat deur die polisie weggevoer was, en
wat later maar weer laat gaan is toe dit blyk dat hier sprake was van
magsvergryp deur lede van die SAPD, en dat dit neerkom op 'n onwettige
arrestasie.

Die Dagbestuur van die Verkennersbeweging stel dit onomwonde dat hy
nie gaan optree teen enige lid van die Verkenners se Jeugbeweging nie.
Hulle het in hulle jeugdigheid, aangevoer deur erge frustrasie, sake
dalk op 'n ander wyse benader as wat ouer mense dit moontlik sou doen.
Dit is egter so dat hulle nog meer die slagoffer is van 'n bestel en
omgewing wat Afrikaner-onvriendelik is. Hulle kry slegs met uiterste
inspanning werk, want affirmative action tel teen hulle. As hulle 'n
eie onderneming wil begin, is SEB daar om 'n deel van hulle
onderneming van hulle af te vat. Op universiteite word hulle gedwing
om te integreer, en die reg tot assosiasie en disassosiasie word hulle
ontneem, onder die valse beskuldiging dat hulle dan rassisties is.
Ook hulle wil die bietjie erfenis wat hulle vadere aan hulle oorgedra
het, in die vorm van 'n ontwikkelde stad met historiese name, sien
behoue bly – iets wat lynreg bots met die sinnelose naamsveranderings.

Bowendien is dit duidelik dat die openbare verhore 'n klug is en net
bedoel is om te dien as rubberstempel op 'n besluit wat reeds geneem
is.

Die ANC-bestel lok sodanige optrede uit, en as iemand te blameer is,
is dit die ANC self. Die ANC moet dalk kennis neem dat optredes van
dié aard, in die toekoms eerder sal toeneem as afneem, as die ANC
voortgaan met sy Afrikaner- en Boere-vervolging.

Die Verkennersbeweging is trots op hierdie lede van hom, wat nie
skroom om standpunt in te neem nie, en selfs bereid is om daarvoor
opgesluit te word in omstandighede wat bekend is as haglik. Dit is
wonderlik om te sien dat seuns mannemoed openbaar oor iets waaroor
hulle sterk voel. Ons kan hulle net gelukwens met hulle optrede.

Ons doen ook 'n beroep op elkeen van hulle wat ook maar net gedreig is
met geweld deur arrogante polisielede wat skynbaar nie weet waar hulle
bevoegdhede eindig nie, om aanrandingsklagtes teen dié polisielede
aanhangig te maak nie, ongeag of hulle wit of swart is. Die
Verkennersbeweging sal help met regshulp indien nodig.


Henk van de Graaf

President

Pasop wat jy sing !!

Dit is wel bekend dat die ANC leier Jacob Zuma gereeld stydliedere
sing. Sy volgelinge sing ook gereelde sy kenmerkende "bring my masjien
geweer" wanneer hulle steun aan hom wil wys of om persone wat hulle
teenstaan te intimideer. Daar is egter ander liedere wat hierdie
radikale elemente sing, die temas waarvan heelwat die geweld wat hulle
gaan pleeg teen blankes en veral boere bevat. Teen hierdie persone is
nog nooit opgetree nie en dit blyk dat dit as aanvaarbaar ge-ag word
deur die polisie.

Daarteenoor is "Jan Pierewiet", "Sarie Marais" en ander
Afrikanervolksliedere heeltemal onaanvaarbaar. 'n Bewys hiervan is die
reusagtige polisie teenwoordigheid by die openbare vergadering oor
straatnaamveranderings by die Pretoria-noord stadsaal. Die Polisie het
slegs opgetree teen die Afrikaners wat hierdie liedere gesing het en
nie eens die geweldadige wyse waarop 'n ANC/SAKP lid die Afrikaners
met 'n stoel aangerand het, kon die polisie motiveer om teen die
ANC/SAKP lid op te tree nie.

'n Versoek sal gerig word aan die FAK om 'n waarskuwingsnota aan die
FAK-sangbundel te heg: "Hierdie liedere kan polisiegeweld veroorsaak".

Die uwe,

Ben Geldenhuys

Thursday, October 23, 2008

ANC soek konfrontasie in Pretoria

Die ANC wil etniese konflik in Suid-Afrika hê. 'n Mens kan tot geen
ander gevolgtrekking kom as jy die party se optrede rondom die
straatnaamkwessie in Pretoria beskou nie. Gisteraand het geweld
uitgebreek tussen Afrikaners wat teen straatnaamveranderings gekant
is, aan die een kant, en lede van die ANC/SAKP en die metropolisie aan
die ander kant.

Die metropolisie het openlik kant gekies in hierdie etniese
konfrontasie waar een groep poog om die geskiedenis en kultuur van 'n
ander uit te wis. Dit was die laaste spyker in die doodskis van
Suid-Afrikaanse demokrasie. Want demokrasie in die normale sin kan net
bestaan waar die staat en veral die polisie onpartydig optree om orde
tussen mededingende etniese of belangegroepe te handhaaf. Waar die
polisie in kultureel bevooroordeelde gedrag begin verval, verloor
hulle alle legimiteit en begin as 'n soort proregeringsmilisie optree
soos mens in soveel Afrikalande aantref.

Eintlik is die onlangse wending skokkend. Mens het nog altyd gedink
dat Pretoria met sy groot Afrikanerbevolking 'n potensiële
territoriale strydperk tussen Afrikaners en die Xhosa- en
Zoeloe-oorheersde ANC sou word. Gedurende die Kemptonparkse
onderhandelinge in die vroeë negentigerjare het die ANC sy bes gedoen
om Pretoria as opposisiegebied lam te lê. In die aanloop tot die
munisipale verkiesings in 2000, het die ANC se dr. Michael Sutcliffe
die grense so getrek dat die groot aantal Afrikanerkiesers in die
gebied geneutraliseer is en verhoed word om enige invloed uit te
oefen.

Hoewel ons by Praag reeds 'n aantal jare gelede Pretoria as 'n
moontlike konflikgebied uitgesonder het, kon ons nie die huidige
situasie voorsien wat so vinnig besig is om in 'n klassieke etniese
konflik van die Afrika-tipe te verval nie - baie soortgelyk aan die
DRK, Oeganda of die Ivoorkus waar een groep 'n ander probeer uitstoot
en alle spore van sy vorige bestaan uitwis.

Eintlik is dit 'n wonderwerk, gegewe die vyandigheid op voetsoolvlak,
dat veel meer geweld nie reeds uitgebreek het nie. As mens die
internasionale modelle van etniese wrywing toepas, het Pretoria reeds
van geel na rooi oorgeslaan.

Dat verdere konflik in Pretoria op pad is, is seker. Sosiale onrus,
onluste of erger is binne die volgende ses maande onafwendbaar.
Afrikaners sal móét saamstaan om dit te hanteer.


http://praag.co.za/index.php?option=com_content&task=view&id=3276&Itemid=197

Oplossing dringend nodig vir Pretoria straatnaamgeskil

AfriForum beskou die geweld wat gisteraand in Pretoria-Noord tydens
die openbare oorlegplegingsvergadering rakende die voorgestelde
straatnaamveranderings uitgebreek het, as onaanvaarbaar. Volgens
AfriForum is dit in almal se belang dat daar nou dringend op ʼn
konstruktiewe wyse na oplossings vir die straatnaamgeskil gesoek moet
word. AfriForum se reaksie volg nadat dié organisasie se uitvoerende
hoof, Kallie Kriel, self tydens die vergadering onder geweld
deurgeloop het.

Kriel het gisteraand ʼn klag van aanranding by die Pretoria-Noord
polisiestasie teen die direkteur van die Tshwane Metropolisie, Ndumiso
Jaca, ingedien. Volgens Kriel was hy uiters verbaas dat Jaca hom
tydens die vergadering hardhandig begin rondstamp het, terwyl hy
(Kriel) op geen wyse by enige ontwrigtende aktiwiteite betrokke was
nie, en eenkant gestaan en toekyk het wat gebeur.

"Ek het agter in die saal gestaan en die ongelukkige gebeure aanskou
waartydens teenstanders en voorstanders van die straatnaamveranderings
mekaar verskree het. Toe sien ek hoe ʼn persoon uit die ANC-groep
iemand met ʼn stoel slaan, waarna geweld uitgebreek het. Ek het steeds
agter in die saal bly staan. Nadat die polisie verskeie van die mense
wat die straatnaamveranderings teenstaan uit die saal verwyder het,
het ek gesien dat die persoon wat vir die stoelslanery verantwoordelik
was, nie verwyder is nie. Ek het op ʼn beskaafde wyse aan
Superintendent Connie Ngomane, wat in bevel van die polisie op die
toneel was, uitgewys wie die stoelslaner was. Ngomane het geweier om
my van hulp te wees en verkeerdelik beweer dat ek die vergadering wil
ontwrig. Hierna het Jaca, wat in siviele klere geklee was en homself
nie geïdentifiseer het nie, my begin rondstamp. Om konflik te vermy,
het ek besluit om my nie teen te sit nie," het Kriel gesê. Volgens
Kriel het hy ooggetuies wat bereid is om sy weergawe van die gebeure
onder eed te bevestig.

Kriel het sy kommer uitgespreek dat die polisie en metropolisie-lede
wat by gister se vergadering was, as instrumente van die ANC opgetree
het deur almal wat teen die straatnaamveranderings gekant is, te
teiken – selfs diegene soos hyself wat nie deel van die oproer was
nie. "Die polisie is veronderstel om almal in die land se belange te
dien en nie net dié van een politieke groepering nie," het Kriel
bygevoeg.


http://www.afriforum.co.za/?p=1769#more-1769

Straatnaamkwessie 'n krisis

Straatnaamkwessie 'n krisis, sê VF Plus
Geskryf deur verslaggewer
Donderdag, 23 Oktober 2008

"Die ANC se roekelose hantering van die straatnaamkwessie in Pretoria
het nou krisisafmetings aangeneem en verg nou dringend ingryping."

Dit was die reaksie van die VF Plus se LP en voorsitter in die
Groter-Pretoria streek, Willie Spies, op die geweld wat gisteraand in
die Pretoria-Noord stadsaal uitgebreek het tussen strydende faksies
oor die naamkwessie.

Die geweld het uitgebreek toe 'n swart inwoner 'n wit inwoner, volgens
berigte van agter met 'n stoel geslaan het. Tydens die daaropvolgende
hewige argumente is 'n wit inwoner gearresteer, terwyl die persoon wat
die aanval met die stoel geloods het nie eens aangespreek is nie - hy
is trouens later weer deur die organiseerders van die vergadering na
die verrigtinge teruggenooi.

Spies het gesê die saak moet nou uit die hande van die plaaslike ANC
geneem word omdat die ernstige spanning wat deur hulle aksies geskep
word, 'n landswye impak kan hê. Die party het gesê dat hy sy
voorbereiding van regsaksie teen die stadsraad gaan versnel om die
proses so gou moontlik onwettig te laat verklaar deur die howe.

http://praag.co.za/index.php?option=com_content&task=view&id=3266&Itemid=402

Polisie tree soos Gestapo op in Pretoria

Swart polisieman gebruik geweld teen blanke Afrikaanse vrou,
gisteraand in Pretoria07:34:07 'n Vergadering oor
straatnaamsveranderings in Pretoria gisteraand het handuit geruk, met
swart metropolisielede wat geweld teen blanke Afrikaanse vroue gebruik
het (sien foto hiernaas).

Die vergadering is deur verskeie Afrikanergroepe bygewoon, waaronder
Afriforum en die Verkennersjeug. Die byeenkoms het sonder probleme
begin maar toe Mnr. Jan Beyers van die Verkenners se punt van orde
blatant van die tafel gevee is, het ontstoke lede van die vergadering
hul stemme laat hoor.

Mnr. Beyers se punt van orde het behels dat die vergadering moet
verdaag aangesien dit 'n onwettige vergadering was. Terwyl daar
aangedring is dat die punt van orde aanvaar moes word, het
polisieverteenwoordiging skerp toegeneem. Gemoedere het begin oplaai
tussen diegene wat gekant was teen die naamsveranderings en diegene
wat daarvoor was.

Lede van die SAKP en ANC in T-hemde van hul partye het luidkeels hul
steun vir die naamsveranderings te kenne gegee. Geweld het uitgebreek
toe 'n lid van die SAKP/ANC 'n stoel na die Verkenners geslinger het.
Die swart Metropolisielede het hul egter aan die kant van die SAKP/ANC
geskaar en hardhandig teen Verkennerlede begin optree. Een lid van die
Verkenners is in hegtenis geneem.

Mnr. Werner Smook, voorsitter van die Verkennersjeug, het gesê: "Die
arrestasie is onregmatig en die behandeling van die polisie was
hardhandig en uiters eensydig. Verskeie lede van die Verkenners
oorweeg regstappe in verband hiermee."

Ná die arrestasie is die ligte van die saal afgeskakel en die polisie
het die aanwesiges met traangas bestook. Die meeste mense wat teen die
naamsverandering gekant was, het op dié stadium die saal verlaat.

Hierna is die vergadering egter hervat met die doel om "steun" vir die
naamsveranderings te betoon. Volgens mnr. Werner Smook "is verskeie
van ons lede met arrestasie gedreig indien hulle weer die saal sou
betree. Gevolglik is die vergadering verder bykans net bygewoon deur
lede van die SAKP/ANC. Dit is uiters ondemokraties en op grond daarvan
alleen is die vergadering 'n klug en verwerp ons die uitkoms daarvan."

Mnr Kallie Kriel van Afriforum het 'n poging aangewend om die polisie
te oortuig om die SAKP/ANC-lid wat die Verkenners met die stoel
geslaan het, te arresteer. Hy het die persoon aan die polisie
uitgewys, maar is toe self hardhandig uit die saal verwyder. Blykbaar
is mnr Kriel ook deur 'n senior lid van die Metropolisie aangerand.

Agterna is vorms uitgedeel waarop voorstelle vir nuwe straatname
gemaak kon word. Volgens die Verkenners se woordvoerder "bevestig dit
weereens dat die metroraad die besluit alreeds geneem het om die name
te verander. Geen kans word dus gegun om teen die veranderings te
protesteer nie. Die Verkenners is 'n vreedsame kultuurorganisasie en
betreur die gewelddadige optrede van die ANC/SAKP en die polisie wat
van Gestapo-tipe optrede gebruik gemaak het."


http://praag.co.za/index.php?option=com_content&task=view&id=3260&Itemid=402

Vuiste klap oor straatnaamveranderings

Mense het mekaar gisteraand links en regs met die vuis bygedam toe in
die Pretoria-Noord-stadsaal probeer is om 'n vergadering oor
straatname te hou.

Mnr. D.G. Wannenburg, DA-raadslid vir wyk 2, het in 'n verklaring gesê
selfs die polisie en metropolisie wat diens gedoen het, het onder die
vuishoue deurgeloop.

Die geweld het volgens Wannenburg behoorlik losgebars toe iemand 'n
stoel na die twee groepe – diegene vir straatnaamveranderings en dié
teen straatnaamveranderings – gegooi het.

'n Lid van die groep teen straatnaamveranderinge is deur die polisie
gearresteer, lui Wannenburg se verklaring.

Die man wat die stoel na die twee groepe gegooi het, is nie in
hegtenis geneem nie en dit het ook glo die aanwesiges omgekrap.

Volgens Wannenburg was die persoon wat in hegtenis geneem is, " 'n
blanke man" en die stoelgooier " 'n nie-blanke persoon".

Die eerste straatnaamvergadering wat op 13 Oktober gehou is, is weens
die ontwrigting daarvan uitgestel. Die DA stel voor dat 'n
onafhanklike komitee wat nie polities gedryf word nie, aangestel word
uit kundige mense wat verteenwoordigend van die inwoners is.

Kapt. Lucas Sithole, polisiewoordvoerder, het gisteraand laat bevestig
die polisie is na die Pretoria-Noord-stadsaal uitgeroep. Hy kon nie
enige inhegtenisnemings bevestig nie.

http://www.news24.com/Beeld/Suid-Afrika/0,,3-975_2414483,00.html

Tipies Beeld , klomp liegbekke wat die waarheid weerhou

Metroraad gebruik Gestapo tipe polisiëring

MEDIA-VERKLARING
deur die Pretoria Verkenners Jeug
uitgereik: 23 Oktber 2008 om 01h45


Die "Tshwane" Metroraad se sogenaamde "publieke deelname" vergadering
van 22 Oktober oor die voorgenome verandering van 27 straatname in
Pretoria, is deur 'n aantal lede van die Pretoria Verkenners Jeug
bygewoon.

Die Verkenners het 'n orde-mosie ingedien dat die verrigtinge
onreëlmatig is aangesien steun vir die behoud van bestaande straatname
by voorbaat geïgnoreer is, en die aanwesiges bloot uitgenooi is om
nuwe straatname voor te lê. Die orde-mosie is blatant van die tafel
gevee en Polisie-betrokkenheid het skerp toegeneem. Oproerige Swartes
het stoele na die Verkenners geslinger, sonder dat die Polisie
tussenbeide getree het.

Een van die Verkenners, Adv. Jan van Zyl, het die situasie probeer
ontlont en is in die proses deur die Polisie aangerand en onregmatig
gearresteer. Ook Mnr. Kallie Kriel van die burgerregte-inisiatief
Afriforum is deur die Polisie aangerand.

Toe die vergadering hervat is, is verskeie Blankes gedreig met arres
indien hulle die saal weer sou betree en die byeenkoms is voortgesit
met oproeriges wat straatnaam-veranderinge steun. Adv. Van Zyl was
eers teen 23h00 ná tussenkoms van sy regspan op borgtog vrygelaat; en
beoog regstappe teen die Polisie.

Mnr. Werner Smook, voorsitter van die Pretoria Verkenners Jeug,
bestempel die vergadering as 'n klug en sê die gebeure is tipies van
'n polisie-staat wat baai in die son van meerderheid-tirannie. Hy sê
die Verkenners verwerp die uitkoms van die sogenaamde "publieke
deelname" vergadering met die minagting wat dit verdien.


Werner Smook
Voors.: Pretoria Verkenners Jeug
Tel. 084 271 4777
Ben Geldenhuys
Tel. 083 309 1300

Wednesday, October 22, 2008

NEE vir Pretoria straatnaamveranderings

Baie dankie vir u ondersteuning van die aanlyn petisie teen die
verandering
van 27 straatname in Pretoria. 'n Raadsamptenaar het al gekla dat sy een
naweek na haar verlof skielik 500 e-posse van beswaarde inwoners ontvang
het.

Dit is 'n goeie teken. Dit wys dat almal in die stadsraad kennis neem
van
die besware vy die publiek. Die projek moet egter nou nuwe lewe kry. As
elkeen wat sovêr die petisie geteken het weer 10 mense kan aanmoedig om
dieselfde te doen dan stuur ons 'n baie duidelike boodskap.

Al wat ons dus vra is dat u vir 10 kontakte hierdie e-pos stuur en hulle
versoek om die webwerf http://www.vf.co.za/pretoria te besoek en die
aanlynpetisie
te teken.

Dankie vir jou hulp hiermee.

Groete

Willie Spies

Tel: 083-676-0639

Fax: 0866-705-651

Verkennerspos gestig in Brittanje

Op 21 Oktober 2008, is 'n Verkennerspos gestig in die Afrikanerkolonie
Britanje. Hierdie eiland is gekonaliseer deur Afrikaners in 'n poging
om beskawing ook daar te vestig. Die Afrikaner se vermoe om beskawing
te vestig is welbekend, dit is met groot sukses gedoen in Natal,
Oranje Vrystaat en Transvaal.

Die Britte se konsentrasiekampe en verskroeide-aarde beleid tydens die
tweede vryheidsoorlog is bewys van hulle onbeskaafde barbaarsheid.

Kultuur vorm 'n belangrike fondament van beskawing en dus is dit
belangrik dat 'n pos van die kultuur beweging Die Verkenners ook op
daardie eiland gestig word, in 'n poging om daardie barbare te
beskaaf.

Daar le egter 'n reuse taak voor vir die poslede, om 645 miljoen
britte 'n beskaafde taal soos Afrikaans te leer.

Ek het egter volle vertroue in hierdie jongmanne.

Wednesday, October 15, 2008

Bravolanders se gedigte - Afrikakind

Afrikakind

Ek drink Savanna
in die bosveld
wyl die Afrikason
op my neerbrand.

Dit roer in my
soos grassaad in die wind,
wuiwend.
Dit roep na my
die visarende kringen
ver bo my op Afrikalugstrome.

My wortels, dit roep my!
Dis diep geplant in Afrikagrond.

Ek Afrikakind
is diep geanker
in Afrika.


deur : Heiletje Olivier. 2007/05/14

Tuesday, October 14, 2008

Volkstem 1, nuusbrief van die Afrikaner Volksparty

Eerste uitgawe van Die Volkstem , die mondstuk van die Afrikaner Volksparty
Dokument beskikbaar by :
http://groups.google.com/group/onsstem-van-die-nasie/browse_thread/thread/d64b3b8459622bd2

Groete

Mediaverklaring Verkennersjeug – en hoor jy die magtige dreuning?

Dit is die liedere van 'n jeug se ontwaking wat weerklink het in die
Pretoria-noord-stadsaal by 'n vergadering oor naamsveranderings, wat
harte laat sidder en beef het. Dit volg nadat die Verkennersjeug
besluit het om na hierdie vergadering te gaan om te hoor waaroor gaan
die beplande naamsveranderings. As kultuurorganisasie ag die
Verkenners die straatname wat na ons volkshelde vernoem is, as deel
van ons kultuurerfenis.

Die vergadering is geadverteer vir 19:00, maar teen 19:20 het die
vergadering nog nie begin nie, die verskoning wat gebruik is, was dat
die klankman laat was. Die Verkennersjeug het dus maar volksliedjies
gesing om die tyd om te kry. Liedjies soos: "Vat jou goed en trek
Ferreira", "Bobejaan klim die berg" en "Sarie Marais". Die DA se
hoofsweep van Pretoria het die jongmanne berispe dat hulle die
vergadering (wat nog nie begin het nie) ontwrig. Die
Zuma-ondersteuners het losgebars en "bring my masjiengeweer" en "slaan
die boere" gesing. Die DA het blykbaar nie probleme met daardie
liedere nie, aangesien geen DA-sweep daaroor geklap het nie.

Die DA het ook die Verkennersjeug laat verstaan dat die Verkennersjeug
asb. nie verder die vergadering moet ontwrig nie, want hulle wat die
DA is wil onderhandel en hierdie optrede van die Verkenners gaan niks
help nie.

Wat uit die oog verloor word deur die sweep, is dat die lede van die
Verkennersjeug groot waarde heg aan hul kultuurerfenis en dit nie ook
soos die land wil laat weg-onderhandel nie. Die VF+ het na die mense
as terroriste verwys en is daarom uit die stadsraad se
raadsvergadering gejaag. Nêrens in die wêreld onderhandel beskaafde
mense met terroriste nie, aangesien hulle weet terroriste kan nie
vertrou word nie.

Verder word daar ook uit die oog verloor dat daar vir een of ander
rede op hierdie kontinent geglo word dat 'n kultuurerfenis maar
gesteel mag word. Dat die geskiedenis verdraai mag word om die
propagandamasjien van die regeerder van die dag te pas.

'n Beskaafde persoon besef dat as jy iets gebou het, gekoop het of
geboorte geskenk het daaraan, dan het jy die reg om dit 'n naam te
gee. Die DA en die ANC het dit blykbaar nog nie besef nie. Die DA was
self betrokke by naamsveranderings in die Kaap, maar nou in Pretoria
is hulle blykbaar teen dit. Dit klink maar redelik beginselloos, want
mens is of vír kulturele diefstal, of jy is daarteen.

Die Verkennersjeug se lede beleef daagliks die nagevolge van
onderhandelings. Die nagevolge van gedwonge integrasie, die nagevolge
van Affirmative action en die nagevolge van kwotasport is alles deur
politikuste onderhandel op wie dit geen effek het nie.

Die Verkennersjeug gaan nie toelaat dat hulle toekoms in die land van
hulle vaders, verder belemmer word deur onderhandelings nie. Net soos
president Paul Kruger, glo die Verkennersjeug "Ons weerstand sal die
wêreld verstom". Daarom is die Verkennersjeug trots daarop dat die
vergadering verdaag moes word, dat hulle die proses van onderhandeling
oor kulturele diefstal kon stuit.

Saturday, October 11, 2008

Rowers skiet ma van twee dood ná biduur

Oct 10 2008 09:22:27:957PM - (SA)

Amanda Roestoff

'n Vroulike sendeling is eergisteraand deur rowers agter haar motor se
stuurwiel in die voorkop geskiet nadat sy met haar dogtertjies wou
vlug en in 'n boom vasgery het.

Mev. Rianna Henning (31) is by die ingang van die Fishersman's
Village-Christelike sentrum in Honeydew aan die Wes-Rand doodgeskiet.

Henning en haar man, Abri (35), het hulle sowat ses weke gelede as
hoofbestuurders by die Christelike bediening van pastoor Linda
Patterson (59) hier aangesluit.

Patterson het dié sentrum, wat ook as ontvlugtingsoord dien, sowat
vier jaar gelede op 'n hoewe naby Johanweg gestig.

Patterson sê 'n groep vroue wat 'n bidsessie by die sentrum bygewoon
het, het omstreeks 22:00 vertrek.

Me. Heather Costaras (35), Patterson se oudste dogter, sê sy vermoed
die gewapende mans het in die riete langs die veld weggekruip en die
perseel binnegesluip toe die hek oopgemaak is sodat die vroue kon
uitgaan.

Patterson wou die biduur-vertrek gaan sluit toe haar worshond naby 'n
bos gegrom het.

'n Man het uit die bos gespring, haar mond en neus toegedruk en haar
beveel om stil te bly, terwyl hy haar in die huis ingedwing het.

Nog rowers het toe reeds Patterson se jongste dogter, Suzanne (33),
voor haar rekenaar op die boonste vlak van die huis oorval.

Die twee vroue se hande is met skoenveters agter hul rug vasgebind en
hul koppe is met handdoeke toegegooi terwyl die rowers die huis vir
buit deurgesoek het.

Die Henning-egpaar en hul twee dogtertjies, Marcelle (2) en Anika (10
maande), was ondertussen op pad terug na die sentrum, waar hulle ook
woon, van 'n ander bidsessie buite die perseel.

By die hek het hulle Patterson gebel om die hek oop te maak. Een van
die rowers het die hele tyd 'n pistool teen Suzanne se kop gedruk,
terwyl sy Rianna probeer waarsku het deur te sê: "Ons kan nie nou die
hek vir julle oopmaak nie. Gaan asseblief weg en kom môre weer terug,"
het Patterson vertel.

Abri het toe glo uit die motor geklim en deur die riete na die hut van
'n Malawiese priester, net bekend as Ernest, gestap om te vra dat hy
die hek oopmaak, toe hy hom in die rowers vasloop waar hulle die buit
in Patterson se kar gelaai het. Hy is ook aangehou. Mev. Henning het
in die gesin se BMW teruggespring en wou met haar twee dogters wegjaag
toe sy agteruit in 'n boom vasjaag.

"Een van die rowers het bloot na haar gestap en haar in die voorkop
tussen die oë geskiet," het Patterson gesê.

Patterson het die noodknoppie in die gang met haar ken gedruk voordat
die vroue hulself in die badkamer toegesluit het.

Hulle kon skreeuende bande, die botsing en die doodskoot van buite
hoor. Die rowers het egter te voet gevlug met net twee selfone, 'n
skootrekenaar en salarisgeld vir die werkers.

Mnr. Henning het met sy vrou en kinders na die Wilgeheuwel-hospitaal
gejaag. Sy was by haar aankoms by die hospitaal dood.

Henning het die veiligheidsdiens ADT ontbied wat Patterson en haar
dogter gaan help het. "Ek wil net God se werk doen en ek word
telkemaal deur misdadigers geteiken. Dis my roeping om hier te wees.
Ek sal nie weggaan nie," sê Patterson.

Niemand is nog in hegtenis geneem nie.

Oorsprong:Beeld

http://www.news24.com/Beeld/Suid-Afrika/0,,3-975_2408027,00.html

Friday, October 10, 2008

Paul Kruger se standbeeld as President van Suid-Afrika ingehuldig

Op die 9 Oktober 2008 het die Paardekraal Verkenners die standbeeld
van Paul Kruger getooi met 'n ampserp. Daar was bykans 'n honderd
mense teenwoordig by die geleentheid wat insluit lede van Die Brandwag
en lede van die Volkspele. Die Paardekraal Verkenners het dit verlede
jaar ook gedoen en beplan om dit elke jaar met Oom Paul se verjaarsdag
te doen, maar hierdie jaar het dit simbolies ook 'n ander betekenis.

Vir die afgelope 20 jaar reeds gaan Suid-Afrika gebuk onder swak
leierskap, tans met die magstryd wat heers binne die ANC is dit nog
erger, met nie een van die kandidate wat 'n goeie president sal wees
nie.

Daarteenoor was Paul Kruger die grootste staatsman wat hierdie land en
miskien die wereld al ooit gehad het. Sy staatsmanskap word so hoog
geag deur die Paardekraal Verkenners dat hulle glo dat selfs sy
standbeeld 'n beter staatshoof sal wees as die huidige aanspraakmakers
vir die posisie.

Daarom dan ook dat die Paardekraal Verkenners met die ampserp wat
hulle vir die standbeeld op gesit het, die standbeeld in gehuldig as
die president van Suid-Afrika.

Ben Geldenhuys
Voorsitter
Paardekraal Verkenners

Terugvoer oor Volksvergadering

VOLKSVERGADERING

Dankie vir jou belangstelling in die vergadering wat ons op 20
September in Bloemfontein gehou het. Dit was 'n suksesvolle
vergadering en daar is besluit om 'n volksvergadering DV gedurende die
naweek van 24 - 26 April 2009 in Bloemfontein te hou.

'n Volksvergaderingreëlingskomitee (VVR) is verkies en bestaan uit die
volgende persone:

Dr Ronnie van der Merwe - Voorsitter (Fraserburg)
Flip Swanepoel - Onder-voorsitter (Groot-Marico)
Frikkie Strauss - Sekretaris (Piketberg)
Div de Villiers - Addisionele lid (Bloemfontein)
Marius de Vos - Addisionele lid (Bloemfontein)

Hiermee die eerste pamflet van die VVR. Indien jy jouself daarmee kan
vereenselwig wil ons vra of jy dit asseblief so wyd moontlik op jou
poslys of welke ander wyse jy goeddink te versprei en die
ge-adresseerdes versoek om dieselfde te doen. Die ideaal is dat ons
in die volgende paar maande moet probeer om op elke dorp in
Suid-Afrika ten minste een persoon te kry wat die bekendstelling van
die volksvergadering in sy eie omgewing sal doen.

In die volgende drie of vier weke sal ons komitee oor 'n werkswyse ter
bekendstelling, organisering en finansiering van die volksvergadering
besin en ons sal vir jou op hoogte hou van verwikkelinge.

Groete

FRIKKIE STRAUSS


Dokument beskikbaar by:
http://groups.google.com/group/onsstem-van-die-nasie/browse_thread/thread/4c76a9e0c5c65a4

Thursday, October 9, 2008

Skoot en toe: 'Pa, ek's geskiet, ek's geskiet'

Oct 08 2008 09:57:56:320PM - (SA)

Virginia Keppler

Die eienaar van 'n ambulansdiens is gistermiddag, enkele ure voordat
hy en sy vrou hul 12 jaar oue huweliksbeloftes sou hernieu, ernstig in
'n rooftog in Pretoria beseer.

Mnr. Kobus Bester (38), eienaar van Best Care-ambulansdienste, is by
sy huis in Robinsonstraat, Mountain View, in die regtersy geskiet en
die koeël is by sy linkersy uit.

Hy het gistermiddag 'n noodoperasie in die Eugène Marais-hospitaal
ondergaan en is in die waakeenheid.

Sy vrou, Elize (35), was by die haarsalon toe sy gehoor het haar man is geskiet.

Sy was besig om haar hare gereed te kry vir die plegtigheid wat die
aand by die Onderstepoort-onthaalsaal sou plaasvind.

Hulle was gister 12 jaar lank getroud.

Mnr. Jacobus van Dyk (63), Bester se stiefpa, het gesê hy en mnr.
Bester het kort voordat die voorval plaasgevind het, 'n "klein
Klipdrift-brandewyn" geniet.

"Ons het klaar gedrink en toe sê ek vir hom ek gaan 'n bietjie lê. Hy
het gesê hy gaan bad.

"Ek is toe na my woonstel agter in die erf en ek was skaars in my
woonstel toe ek 'n skoot hoor afgaan. Kobus het geskreeu: 'Pa, ek is
geskiet, ek is geskiet'," het Van Dyk vertel.

Hy het gesê me. Leah Kekana (35), die huiswerker wat in daardie
stadium ook agter in die erf was, het ook groot geskrik.

"Ek het Leah saam met my by die agterdeur ingedruk en toe hardloop ek
vorentoe. Nou ja, ek was sonder my rewolwer en ek kon niks doen nie.

"Toe sien ek Kobus. Ek het hom gegryp en op die bank neergelê en die
polisie gebel."

Volgens Van Dyk het mnr. Bester gesê net toe hy wou gaan bad, het hy
'n geraas buite by sy bakkie gehoor. Toe hy gaan ondersoek instel, het
die rowers hom geskiet.

"Sulke goed moet koerante toe gaan sodat die wêreld kan sien wat hier
in die land aangaan," het Van Dyk gesê.

Mev. Bester het gesê die plegtigheid is vir eers afgestel en hulle het
die sowat 70 gaste wat genooi is, reeds in kennis gestel.

Die trourok is ook teruggeneem na die winkel waar mev. Bester dit gehuur het.

Kapt. Bonginkosi Msimango, polisiewoordvoerder, het gesê die polisie
het met behulp van 'n helikopter een verdagte aangekeer.

"Die polisie ondersoek 'n klag van poging tot moord en poging tot
huisbraak," het Msimango gesê.

Die verdagte sal binnekort in die hof verskyn.

Oorsprong:Beeld

http://www.news24.com/Beeld/Suid-Afrika/0,,3-975_2406704,00.html

Amptelike persverklaring : Verkennerskoor

Na aanleiding van die DA se uitlating op volksmikrofoon van 8 Oktober
2008, dat die jongmanne wat so heerlik gesing het tydens die openbare
verhoor oor die straatnaam verandering lede is van die VF+, die
volgende kommentaar. Die DA het hulleself met die feite misgis. Dit
verbaas egter nie, want hulle misgis hulle gereeld, aangesien hulle,
hulle eie aannames as die waarheid beskou.

Die jongmanne wat so heerlik gesing het, is in werklikheid lede van
die Verkenners koor. Die koor is maar onlangs gestig en gisteraand was
hulle eerste koor oefening. Die koorlede het blykbaar verdwaal na waar
die koor oefening gehou word en het toe hulle verby die saal waar die
publieke vergadering oor naamsveranderings gehou word, al die voertuie
daar gesien en aangeneem dit is waar die koor oefening gehou word.

Die Verkenners koor beskou die oefening wat hulle gekry het as 'n
reuse sukses maar erken dat hulle nog oefening nodig het. Daar is nog
'n paar koor oefeninge vir die maand beplan voor die publieke
opvoering op 20 Oktober 2008 en persone met 'n sterk stem en 'n liefde
vir ons volk se geskiedenis word genooi om saam te kom oefen. Die
oefeninge sal geskied op die volgende datums en plekke:

09 Oktober Centurion Raadskamers , H/v Basden en Rabie strate Tyd: 18h00
Sammy Marks Ouditorium - 1ste vloer , H/v Van der Walt en Vermeulen
strate Tyd: 18h00
13 Oktober Pretoria Noord stadsaal , H/v Emily Hobhouse en Brits Tyd: 19h00

20 Oktober , Opvoering Pretoria Stadsaal , H/v Paul Kruger en Visagie
strate Tyd: 09h00-13h00

Monday, October 6, 2008

Re: Oranje Sakestigting gestig

Sakemanne in Pretoria kan nou elekotronies aansoek doen vir
lidmaatskap tot die Oranje Sakekamer Pretoria:
http://www.oranjepta.org/Sluitaan.php

Kom Boere, as dit enigsins makliker was, dan was dit onwettig!

Sunday, October 5, 2008

Pretoria naam veranderinge.

Geagte vriende,

Daar word openbare vergaderings gereël waar die publiek insette kan
lewer oor die voorgestelde naamsveranderinge van 27 strate in Pretoria.

Vir diegene vir wie dit onaanvaarbaar is, is daar openbare vergaderings
wat bygewoon kan word en waar inwoners hulle gevoelens in die openbaar
kan stel.

Die vergaderings is soos volg:

- 7 Oktober East Lynne Gemeenskap saal
- 9 Oktober Sammy Marks Ouditorium
Centurion Raadskamers
- 13 Oktober Magaliesberg

Op 21 Oktober is daar 'n openbare verhoor in die Pretoria Stadsaal.

Slegs as inwoners hulle gevoelens oor die naamsveranderinge duidelik
maak sal die ANC gestuit kan word in hulle program om juis die
Afrikaners van hulle geskiedenis van die tafel af te vee.

Dit is derhalwe in u hande of die veranderinge gestop kan word.

Groete

Jaap Kelder

Friday, October 3, 2008

Ons sit nie en wag

Ons sit nie en wag nie
03:10:08 Volksblad

Die Dihlabeng-inwonersvereniging gee graag ons volle steun aan die
pogings van raadslede wat bereid is om hul rug reguit te maak teen die
blatante wanbestuur en korrupsie in die Dihlabeng-unisipaliteit.

Die pogings van die opposisiepartye om deur die gewone kanale die
verrotting te probeer teenwerk, word telkens deur die eenogige
soustrein-meerderheid oordonder ter wille van selfsugtige politieke
oorwegings en eie belang sonder om die belange van die gemeenskap te
bevorder. Wie kan DA-raadslede dus kwalik neem indien hulle hul na die
media wend?

Lede van die gemeenskap in Bohlokong is al so moedeloos omdat daar nie
aan hul probleme aandag gegee word nie dat hulle nou al gewelddadige
optrede as opsie uitoefen.

Die munisipale bestuurder, mnr Sandile Msibi, het dieselfde geneigdheid
as sy ANC-leiers om die wet te sien as slegs 'n instrument om hul eie
belange te bevorder en dat hulle gerieflikheidshalwe maar die oë kan
sluit vir die verpligtinge wat dieselfde wette op hulle plaas.

Ná hy sy onwilligheid vir samesprekings oor ons dispuut uitgespreek het,
het ons hom gewys op Wet 32/2000 art. 55(1) wat hom hiertoe verplig.

Sy reaksie was:
"The Act you are referring to was brought about by some of us, involved
in the transformation of this country."

Hy beskuldig raadslid Clem Harrington daarvan dat hy wederregtelik sake
doen met die munisipaliteit (Volksblad, 24 /9/08).

Waarom het die raad dan nie lankal teen raadslid Harrington opgetree
nie? Wet 32/2000 skedule 1 art. 6 (3) maak voorsiening vir die
prosedures hieroor.

Mnr. Msibi, voordat u u mond in die openbaar uitspoel, moet u miskien
eers seker maak of daar nie dalk 'n raadsgoedkeuring hieroor bestaan en
of die LUR toestemming verleen het nie. Wanneer gaan u die raadslede in
Bohlokong in die openbaar aanvat omdat hulle nie die powere betaalkoers
van 16% kan verbeter nie?

Ons gaan nie sit en wag vir die Msibi's van die dag om wakker te word
nie. Ons opbetaalde lede is met 'n omsendbrief gemobiliseer om vanaf
ingang Oktober hul munisipale rekeninge direk op die DIV se afsonderlike
bankrekening in te betaal.

Eiendomsbelasting word dan teruggehou en die res plus BTW aan die
munisipaliteit oorbetaal. Hou gerus die kennisgewingbord in die
Metropolitan-Sentrum dop (by Clicks). Skakel my vir meer inligting (082
336 2353).

Danie Eichstädt
Voorsitter, Dihlabeng-inwonersvereniging

Bylaanval: Tiener dalk verlam

Me. Charmaine Pienaar (18).

Oct 02 2008 09:31:45:340PM - (SA)

Sonja van Buul

Vanderbijlpark. – Die jong vrou wat eergister onder meer 'n
skedelfraktuur opgedoen het nadat 'n rower haar en haar ma wreed
aangeval het, gaan waarskynlik nie weer kan loop nie.

"Ek het gedink dit is 'n nare droom wat nou-nou tot 'n einde gaan kom."

Só het me. Charmaine Pienaar (18) aan haar pa, Danie (44), oor die
bylaanval waarin haar ma, Heila (41), doodgekap is, gesê kort voordat
sy gisteroggend 'n nege uur lange operasie in die Vereeniging
Medi-Clinic ondergaan het.

Die operasie is gedoen om die skade aan haar skedel en senuwees te
herstel. Sy het ook vertel dat sy in dié "nare droom" net haar "mamma
wou beskerm".

Sy het etlike ure hulpeloos by die gesin se skroothandel-onderneming
in Waldrift langs haar vermoorde ma se lyk gelê voordat haar pa en
broer, Frikkie (21), op dié grusame toneel afgekom het.

"Charmaine het tydens die aanval 'n skedelbreuk opgedoen en sy is
verlam in albei haar bene," het mnr. Marius Vosloo van Meyerton, 'n
woordvoerder van die Pienaar-gesin, gesê.

Ondanks die feit dat die gesin nie tot 'n mediese fonds behoort nie,
het hulle besluit dat die ernstig beseerde Charmaine die operasie in
dié private hospitaal moet ondergaan om sodoende die bes moontlike
mediese sorg te verseker.

Volgens Vosloo kon haar dokters die familie voor die operasie geen
waarborge gee dat Charmaine weer sal loop nie.

"Dit is volgens hulle in God se hande," het hy gesê.

Volgens Vosloo is Charmaine se wangbene ook versplinter en haar
kakebeen gebreek.

"Charmaine het kort ná die aanval gesê dat 'n man hulle met 'n byl
aangeval het, maar ek dink eerder dat hy hulle met 'n stuk yster
geslaan het," het Vosloo gister gesê.

"Die man het my ma, volgens Charmaine, belowe om hulle geen leed aan
te doen as hulle hom geld gee nie, maar hy het hulle nogtans
aangeval," het Pienaar jr. gesê.

Beeld-lesers wat die Pienaar-gesin wil help om die mediese onkoste te
dek, kan Vosloo by 083 311 7030 skakel.

Oorsprong:Beeld

http://www.news24.com/Beeld/Suid-Afrika/0,,3-975_2403686,00.html

Boeredag by Cullinan

Groot Boeredag by Cullinan

Geskryf deur Henk van de Graaf

Vrydag, 26 September 2008 13:22

Op 3 en 4 Oktober is daar groot woelinge by Cullinan Boere Unie se
saal. Dit is die jaarlikse Landboukorrels Lente Boeredag, wat deur
Radio Pretoria etlike jare gelede begin is, en waarby TLU SA die
laaste paar jaar betrokke is. Dié Boeredag is juis na die terrein van
die Cullinan Boere Unie verskuif, aangesien die terrein wat tot dusver
gebruik is, net buite Kleinfontein, te klein geword het om die groei
en belangstelling te kan akkommodeer. Dit is vanjaar ook die eerste
jaar dat die byeenkoms oor twee dae plaasvind. Die eerste dag is daar
'n uitgebreide program met interessante lesings oor onderwerpe wat
boere kan help met hulle boerdery. Die volledige program word hierby
aangeheg. Mnr. Louis Meintjes, Adjunk-president van TLU SA, sê dat
hierdie Boeredag bedoel is vir die kleiner boere. "Soos Nampo 'n
tipiese geleentheid is vir die 5 000 hektaar-boere, is die
Landboukorrels Boeredag, 'n tipiese geleentheid vir die 30 hektaar
boere." Mnr. Meintjes sê die bedoeling met dié boeredag is ook om die
mense in die stede meer bewus te maak van landbou en waar kos vandaan
kom. "Ons wil in besonder mense uit die dorpe en stede nooi om hierdie
geleentheid by te woon. Daar sal baie diere wees, en veral kinders sal
ook kan leer en sien waar kom byvoorbeeld melk vandaan." Verskeie
bees-, skaap en bokrasse sal by die Boeredag wees, en heelwat
stalletjies sal eet- en drinkgoed, asook landbou en selfs
nie-landbouverwante ware uitstal en te koop aanbied. Ook die media is
uitgenooi om die twee dae by te woon. Daar word voorsiening vir hulle
gemaak. Die program vir die dae lyk soos volg: LANDBOUKORRELS BOEREDAG
03 & 04 Oktober 2008 CULLINAN BOERE-UNIE SAAL Program Vrydag 3 Oktober
2008 08h00 Registrasie 09h00 Opening met skriflesing en gebed 09h15
Verwelkoming: President TLU SA 09h30 Besproeiing: Die volhoubare
benutting van water as hulpbron Mnr Felix Reinders - Direkteur
Besigheidsontwikkeling LNR Landbou Ingenieurswese 10h15 Volhoubare
landbou en minimum grondbewerking. Bewaring van grondstruktuur, en
grond-koolstof, erosie en vogverliesbeheer Mnr Daan Prinsloo - Boer in
Vryheid, Natal 11h00 Volhoubare landbou: Grondlewe en bemesting
Bewaring en opbou van mikrolewe, rol van kompos en optimale aanwending
van kunsmis Mnr Rudie Kuschke - Klein Karoo Saadbemarking 11h45
Volhoubare landbou en groenbemesting Die effek van groenbemesting op
grondstruktuur en grondlewe, Pes en plaagbestryding deur bio-beroking
Jan Meyer - Klein Karoo Saadbemarking 13h00 Ete 14h00 Dieregesondheid:
Kan die natuur vir homself sorg? Seleksie van weerstandbiedende skape
teen haarwurm met FAMACHA Dr Faffa Malan - Intervet 16h00 Algemene
bespreking en nabetragting 16h30 Afsluiting Registrasie koste R250-00
per persoon vir die dag. Elke deelnemer ontvang 'n laserskyf met die
lesings, asook 'n volledige EM-gebruikershandleiding. Kontak Lynette
by 012 804 8031 om u plek te bespreek. Beperkte plekke beskikbaar
Program Saterdag - 4 Oktober 2008 10h00 Bokmelkkaas – Die hantering
van melkbokke, maak van kaas verskillende soorte kaas en
gesondheidsvoordele. Rina Belcher - Belnori 11h00 Lewendige tuine deur
die gebruik van EM Lewe in die grond Louis Meintjes - Voorsitter TLU
SA Sentraal 12h00 Medisinale plante Dr Gerhard Prinsloo - LNR 13h00
Swepe vleg: 'n Praktiese demonstrasie Alwyn Sturgeon 14h00 Maak reg
vir die GROOT Goliat van Gat pampoenwedstryd! Saterdag se aanbiedings
is gratis Padaanwysing na die Landboukorrels Boeredag


http://www.tlu.co.za/index.php?option=com_content&view=article&id=90:groot-boeredag-by-cullinan&catid=36:jongste-nuus

Thursday, October 2, 2008

"AWB - Afrikaner Weerstandsbeweging" sent you a message on Facebook...

Die waarheid oor rasisme

Goeiedag burgers.

Graag deel ek met julle 'n berig uit die beeld.

'n Voorval waarin jong skoolmeisies van Bloemfontein na bewering deur
seuns by 'n buitelugskool op Zastron betas is, het skokgolwe deur
ouerkringe gestuur.

Die skoolmeisies van die Laerskool Fichardtpark, wie se ouderdomme van
11 tot 12 jaar wissel, is vandeesweek glo deur minstens twee seuns van
die Laerskool Wilgehof op die Aasvoëlberg-buitelugsentrum by Zastron
betas.

Die gr. 6-leerlinge van die onderskeie skole was op 'n week lange
uitstappie na die buitelugskool.

Die hoof van die buitelugskool, mnr. Louis Alberts, sê: " 'n Groep
meisies van Fichardtpark het Woensdagaand na hul rondawel gestap. Dit
was naby die eetsaal.

" 'n Groep seuns van Wilgehof het die meisies glo vasgekeer deur 'n
sirkel om hulle te vorm. Die seuns het 'n Sotho-liedjie begin sing,
terwyl twee van die seuns glo aan die meisies gevat het.

"Dié hele voorval is uit verband geruk. Dit kan ook nie as 'n
rassevoorval beskou word nie. Die meisies was emosioneel. Hulle het
gegil en gehuil. Die toesighouers het nog aandete geëet. Toe hulle die
lawaai hoor, het hulle gaan ondersoek instel," sê Alberts.

"Ons het twee seuns geïdentifiseer. Hulle is van die kamp verwyder,"
sê hy. Volksblad het later verneem dat twee 13-jarige seuns deurnag
oefeninge buite die kamp as straf moes doen.

Alberts sê: "Ons het toe vir die kinders gesê hulle mag nie meer
alleen op die perseel rondloop nie. Hulle moes in groepe beweeg".

Alberts sê hy vermoed een van die meisies wat nie eens betrokke was
nie, het die ander meisies se emosies aangevuur. Hy het na haar as "n
drama queen verwys.

"Ons het 'n volledige verslag oor die gebeurtenis deurgestuur na albei
skoolhoofde toe. In die tien jaar sedert dié buitelugsentrum
geprivatiseer is, het so iets nog nooit gebeur nie," sê Alberts.

Mnr. Johan du Preez, skoolhoof van die Laerskool Fichardtpark, sê daar
was altesaam 128 Fichardtpark-leerlinge op die uitstappie.

Du Preez, wat nou met vakansie is, het telefonies aan Volksblad gesê:
"Volgens die verslag het die seuns glo aan die meisies se boude gevat.

"Dit was 'n absoluut geïsoleerde geval wat uit verband geruk is.

"Die situasie is die volgende dag opgelos.

"Die seuns is aangespreek en met 'n bussie weggevat.

"Die nodige dissiplinêre stappe is gedoen.

"Ek het 'n vergadering met die ouers van die ses betrokke meisies
gehad. Ons sal die saak verder voer sodra die skole begin. Ek kan
myself nie verder hieroor uitspreek nie," het hy gesê.

Mnr. Fanie Roeloffze, skoolhoof van Wilgehof, sê: "Hierdie hele ding
is uit verband geruk. Ek het net so in die verbygaan gehoor twee
Wilgehof-seuns het aan Fichardtpark se meisies gevat.

"Ek en die skool se beheerligaam beplan om aan die hand van Alberts se
verslag op dissiplinêre stappe te besluit".

'n Geskokte ouer het aan Volksblad gesê: "Die eerste ding wat my kind
vir my gesê het, was dat haar klasmaats op die kamp deur seuns van 'n
ander skool 'gemolesteer' is.

"Sy het gehuil en was baie emosioneel."

Nóg "n ontstelde ouer van 'n Fichardtpark-leerling het gesê: "Ek is
geskok oor wat gebeur het. My kind was baie getraumatiseer deur die
voorval.

"Ons is 'n paar ouers wat voel dat daar strenger teen die skuldiges
opgetree moes word."

**********************************************************

Julle kan seker wees dit was 'n groep swart seuns omdat hulle rasse
nie genoem word nie, ons almal weet van die Ellispark voorval waar die
Wit mans die swart vrou se arm agter haar rug vas gehou het, en daar
het die media nie geskroom om te se die was 'n wit op swart aanval
nie, maar met die berig se hulle nie presies wat die rasse is nie.

Wat dink julle sou gebeur het as dit 'n groep wit seuns was?
Dit wys maar net weereens vir ons in watter situasie ons, onsself in
bevind. Hulle is altyd reg, ons is altyd verkeerd. Hulle gebruik die
media om ons te laat skaam voel oor al die wit op swart aanvalle, dink
maar aan die Reitz voorval, die ellispark voorval, ag daar is hordes
waar dit in die media DUIDELIK gestel word dit is Wit teen swart, dit
word wereldwyd ingestuur en uit perporsie geruk, en ons word weer
uitgebeeld as die wrede rassiste. Maar as dit swart op wit is, word
daar glad nie rasse of rassisme genoem nie en niemand hoor van dit
nie, want dit is iewers in die middel van die koerant.

Die tyd kom al hoe nader, dinge begin nou baie vinnig gebeur, die ANC
jeugliga dreig alweer met oorlog as hulle nie hulle sin kry nie, die
ANC is besig om te skeur en kort voor lank gaan die vonke spat tussen
die twee dele, en raai wie gaan hulle weer die skuldige probeer maak
om hulle te verenig?

Wees wakker hou jou kant skoon en trek soveel as moontlik mense om aan
te sluit by die AWB en Brandwag, die volk het julle nodig.

Ek het 'n versoek gekry om die lede van die groep te vra om te help om
'n seker Fanie Terblanche op te spoor, kyk gerus na die link vir meer
inligting http://www.new.facebook.com/group.php?gid=28509588179

Dan beoog ek ook om miskien 'n AWB Jeugliga op die been te bring,
sover was die belangstelling nie juis groot gewees nie, en dit help
nie ons begin iets as daar nie belangstelling is nie, die leier sal
nie geintreseerd wees om so iets bekend te stel as ons net 50 lede
landwyd sal wees nie, so ek het besluit om die AWB Jeug Aksie groep op
facebook nog so week kans te gee, en as die ledetal nie aansienlik
verbeter het nie, te aanvaar dat daar nie genoeg belangstelling is nie
en eerder te konsentreer om die Brandwag se ledetal uit te brei.
As jy tussen 18 en 35 is, en werklik sal belangstel om aan te sluit by
die Jeug aksie, (as die aksie gestig word sal daar sekerlik 'n
maadlikse fooi wees, seker tussen R20 en R50) kyk na die skakel en
sluit aan by die groep.
http://www.new.facebook.com/group.php?gid=30519686306


Dan is daar ook 'n heldedag viering die 11de Oktober by die
Paardekraal monument, te Krugersdorp, wat deur die Paardekraal
verkenners aangebied word,
http://www.new.facebook.com/event.php?eid=27656287838 . Kom en geniet
die dag saam met ons, die Brandwag Wesrand sal ook daar wees en ons
sal 'n wilds stalletjie daar he, KOM ondersteun ons!!!!!

Groete
--------------------

Konferensie: Die Grondwetlike Stand van Afrikaners, 2008


Kantoor van die Uitvoerende Beampte

30 September 2008

Aan alle lede-organisasies en lede

Teen hierdie tyd is u bewus van die FAK se Konferensie: Die Grondwetlike Stand van Afrikaners, 2008, wat op 17 en 18 Oktober in die Universiteit van Pretoria se konferensiesentrum aangebied word.  Alle lede-organisasies en lede van die FAK is reeds per elektroniese brief na hierdie geleentheid uitgenooi.  U sal ook oplet dat ons Konferensie-formaat effens anders as aanvanklik daarna uitsien.

Ons beskou ons konferensie om verskeie redes van die uiterste belang en ons wil u en u organisasie derhalwe hiermee vriendelik opvorder tot die grootste moontlike deelname aan ons konferensie. Die Konferensie het as uiteindelike doel die saamsnoering van ons organisasies in 'n meer dinamiese en sinvolle eenheid waarbinne die uitdagings gebied deur ons grondwetlike opset beter die hoof gebied kan word. 'n Meer dinamiese organisasie sou aan Afrikaners die geleentheid bied om 'n meer sinvolle lewe in Afrikaans te lei.

Oor die afgelope nege maande heen – in die nadraai van die regering se Polokwane-beraad, die energiekrisis, die nasionale krisis rondom leierskap, toenemende emigrasie van kundigheid uit die land – het 'n mens se ervaring van Afrikaners se sug na groter eendrag steeds toegeneem. "Nou moet ons saamstaan" word deur sovéél onder ons gevoel! Verskeie aksies wat dus oor die afgelope maande deur Afrikaner-organisasies onderneem is – dink maar aan die aksies rondom die voorgenome wetgewing op grondonteiening en die beoogde veranderinge aan straatname in Pretoria – het uitgeloop op die stigting van taamlik informele en breë strukture waarin verskeie organisasies met verskillende oogmerke, maar met gedeelde belange en behoeftes, hulle vermoëns saamgegooi het ter bereiking van daardie gedeelde belange.

En deurentyd ervaar 'n mens dat daar telkens 'n verwagting van, selfs 'n dors na, groter en meer samehangende vereniging heers onder die partye wat 'n taak goed gepak en afgehandel het. Die sukses wat in hierdie verband behaal is, moet dus ten minste gedeeltelik aan die groter verdraagsaamheid vir verskeidenheid binne eie geledere en die meer verbete gesamentlike soeke na konsensusbesluite toegeskryf word. Afrikaners het klaarblyklik ook iets uit die afgelope jare se fragmentasie en ontgogeling geleer.

Ons Konferensie gaan dus 'n poging wees om hierdie gedagtes te konsolideer en om aan alle betrokke belangegroepe die geleentheid te bied om hulself hieroor uit te spreek en van hulself rekenskap te gee.

Oproep

U sal verstaan dat ons hiermee die grootse denkbare mate van deelname van ons lede-organisasies, ons individuele lede en alle ander burgerlike organisasies aan ons konferensie wil verseker. Ten opsigte van ons lede-organisasies, wil ons u dus versoek om soveel as tien (10) lede af te vaardig om die konferensie by te woon. Individuele lede word versoek om ten minste een ander Afrikanerpersoon saam te bring en om soveel voorbrand moontlik vir die geleentheid onder u vriende te maak, en, op die koop toe, saam te sleep na die konferensie!

In teenstelling tot ons konferensies oor die afgelope jare strewe ons vanjaar na die hoogste moontlike mate van deelname deur ons jongmense. Die dringende aangeleenthede rondom ons volk gaan nou reeds vir 'n ruk by ons jongmense verby en ons ervaar klaar die gemis daaraan in hul vorming. Ons Afrikaanse skole (lede-organisasies en individuele lede, óók) word dus versoek om, sover moontlik, leerlinge bo Graad 9 in skooldrag die geleentheid te laat bywoon om na ons waarlik uitstekende voordragte te luister en aan die bespreking daar rondom deel te neem.

Ons is bewus daarvan dat ons organisasies, soos ons lede en ander lede, maar noustrop trek om begrotings te laat klop. Ons het gevolglik besluit om besoekers aan die konferensie om 'n vrywillige donasie te vra om die FAK se onkostes aangegaan by die aanbieding van ligte verversings te help delg. 'n Bedrag van R75-00 word in hierdie verband voorgestel.

U samewerking en bywoning van 'n geleentheid wat as 'n deurbraak-geleentheid beskou kan word, word waardeer.

Ons sal 'n antwoord op hierdie uitnodiging, tesame met 'n aanduiding van die beraamde getal persone wat deur u organisasie of u uself na die konferensie afgevaardig word, werklik waardeer. Rig asb. u antwoord aan ons administratiewe bestuurder, Sarie Marais, by 012-301-1777 of SarieM@fak.org.za .

Hartlike groete,

(Dr) Francois Bredenkamp

Uitvoerende Beampte

           p.p. Prof Danie Goosen (Voorsitter)

 



--------------------------------------------------------------------------------


Konferensie
Die Grondwetlike Stand van Afrikaners, 2008
Gefasiliteer deur Die Federasie van Afrikaanse Kultuurvereniginge (FAK)

17 en 18 Oktober

Universiteit van Pretoria (UP Konferensiesentrum)

Vrydagaand :

18:00 vir 18:30   Registrasie

Verwelkoming: Verteenwoordiger UP

Inleidende woorde - Prof Danie Goosen, FAK

Standpunt:   Prof Stef Coetzee (AHI): "Tussen kontinuïteit en verandering: 'n Pleidooi vir inklusiewe demokrasie en kreatiewe kapitalisme".

Standpunt: Prof. Hermann Giliomee: "'n Historiese raamwerk vir die grondwetlike dinamiek in SA"

Vingerete

Saterdag (Konferensiesaal 100, Konferensiesentrum)

Uitstalling van plakkate deur Afrikaanse kultuurorganisasies in voor-portaal

8:00 – 8:30 Registrasie (voortgesit)

8:30 – 9:30   "Waar staan Afrikaners grondwetlik in 2008?"

Standpunt – Prof Francois Venter

Standpunt - Prof Koos Malan

09:30 - 10:30 "Hoe lyk die Afrikaners nóú?"

Standpunt - Prof Lawrence Schlemmer

Standpunt – Prof Andre Duvenhage

10:30 – 10:45 Verversings

10:45 – 11:15 "Hoe kan Afrikaners aan hul polities-ekonomiese / maatskaplike grondwetlike dilemma ontkom?"

Standpunt – Mnr Flip Buys, Solidariteit

11:15 – 11:45 "Nuwe geografiese perspektiewe op Afrikaneridentiteit"

Standpunt - Mnr Carel Boshoff (iv)

11:45 – 12:15 "Die Grondwet en realiteite"

Standpunt - Mnr Dave Steward

12:15 – 12:30 Groeteboodskap vanaf die Afrikaanse Taalraad (ATR) - Prof Wannie Carstens

12:30 – 13:30 Middagete

13:30 – 15:45 Paneelbespreking: "Waar gaan Afrikaners heen met hierdie staatsbestel en konstitusie?"
Inleier: Prof. Pierre Theron, AB            Paneel- en algemene bespreking: Verteenwoordigers van Afrikaanse Kultuurorganisasies
15:45 – 16:00 Samevatting deur 'n Rapporteur - Mnr Kallie Kriel

Wednesday, October 1, 2008

Bloedrivier Gelofte 170

Dit is hierdie jaar die 170ste jaar na die slag van Bloedrivier en dit
word herdenk met spesiale feeste wat op verskeie plekke in die land
gehou gaan word. Bloedrivier Gelofte 170 begin op 21 November by die
Voortrekkermonument. Vanaf 21 November tot 6 Desember word Bloedrivier
gebring na die volgende dorpe:
* Krugersdorp
* Bronkhorstspruit
* Witbank
* Middelburg
* Standerton
* Bethal
* Ermelo
* Piet Retief
* Newcastle
* Vryheid

Die Krugersdorp been geskied op 22 November 2008 by die Paardekraalmonument.

Die Bloedrivier Gelofte-herdenkingskomitee verskaf verskeie items vir
die program.
Gedurende hierdie fees word die gelofte herbevestig en elke feesganger
kry die geleentheid om op 'n baie spesiale manier hom/haar te
vereenselwig met die Gelofte van Bloedrivier.

Die Bloedrivier Herdenkingskomitee voorsien die die volgende items:

* 'n Kakebeenwa wat deur die dorp getrek gaan word.
* Coreen en haar orkes.
* Antieke Bybel en teologiese boeke uitstalling waarvan die oudste
boek in 1645 gedruk is.
* Perde vir optog.
* Geskiedkundige vlae vir optog en ander gebruik.
* Spreker wat ook gelofte herbevestig.
* Verkope van DVDs en boeke oor die slag van Bloedrivier.
* Verkope van historiese vlae en verskeie ander items.

Daar word 'n bus gereel vanaf Pretoria vir hierdie dag. Indien u
belangstel om met die bus te kom, kontak asb vir Johan Joubert by
louwjoubert@gmail.com