Chopper held leef in Vrees !!

Heli-held gedreig: 'Jy gaan sterf'
Jul 07 2008 08:27:43:710PM  - (SA)  

André Damons

Vrydagmiddag was hy bly en trots op homself toe hy moontlik drie polisielede se lewens gered het, maar twee aande later moes hy op 'n bankie in die polisiekantoor slaap.

Mnr. Peter Sekware (46) was Vrydag van die eerste mense op die toneel waar 'n polisiehelikopter in 'n oop veld in Meadowlands, Soweto, neergestort nadat dit in kragkabels vasgevlieg het.

Hy gehelp om kapt. Willie Steyn (45), kapt. Carl Bernado en sers. Paul Steyn uit die wrak te bevry.

Nou vrees hy vir sy lewe nadat 'n man hom telefonies met die dood gedreig omdat hy die polisielede se lewens gered het. Hy vermoed dit kan van die mans wees wat deur die lede gejaag is.

Sekware sê hy het Sondag omstreeks 18:00 'n oproep gekry.

"Die man wou by my weet: 'Dink jy jy is slim?'. Hy het gesê hy kan my sien en gaan my doodmaak. Ek was bang en het dit dadelik by die polisiekantoor gaan aanmeld," sê hy.

Sekware sê hy weet nie waar hy die volgende paar dae gaan bly of slaap nie, maar hy kan nie huis toe gaan nie. Hy het Sondagaand op 'n bankie in die Meadowlands-polisiekantoor geslaap.

Die polisie wou hom huis toe neem, maar hy het geweier.

"Ek het gedink ek doen die regte ding: Die polisielede was in gevaar en hulle het ook die reg om te lewe."

Sekware vrees nou ook vir sy vrou en drie kinders se lewens.

Hy het hulle beveel om die deure gesluit te hou. Sy vrou wil na Venda gaan, maar hulle het te min geld én Sekware verloor nóg omdat hy weens die dreigement nie kan werk nie.

Sekware sê hoewel die polisie gesê het hulle gaan sy huis gereeld besoek en die straat patrolleer, voel hy nog onveilig.

"Al patrolleer die polisie, gaan dit nie help nie. Dié mense gaan my kry," sê hy.

'n Polisiewoordvoerder kon die dreigemente gister nie bevestig nie.

Google AdSense Account Status

Diskriminasie van My Taal - Afrikaans

Daar is nog mense wat beginsels het : AdSense se beginsel ; diskrimineer my taal.
My beginsel ; ek SAL NIE sulke diskriminasie aanvaar nie.
As AdSense dink ek gaan my taal - Afrikaans , moor om by hul beginsels te pas vir 'n paar sent ; kan hulle AdSense druk waar dit nie hoort nie.

Discrimination of my language - Afrikaans

Some people still have Principles : AdSense's principle ; discrimination of my language.
My principle ; I WILL NOT accept such discrimination.
If Adsense think I will abandon my principles by murdering my own language for a few meagre cents , they can Shove!! AdSense where it don't belong.

UP YOURS!! AdSense !!



From: Google AdSense <adsense-noreply@google.com>
Date: Tue, 8 Jul 2008 13:35:13 -0700 (PDT)
Subject: Google AdSense Account Status
To: digitalmediadistributors@gmail.com
Cc: Google AdSense <adsense-noreply@google.com>

Hello ,

Thank you for your interest in Google AdSense. Unfortunately, after
reviewing your application, we're unable to accept you into Google
AdSense at this time.

We did not approve your application for the reasons listed below.

Issues:

- Unsupported language

---------------------

Further detail:

Unsupported language: We've found that the content of your site is
primarily in a language we do not support at this time. A full list of
supported languages is available at
https://www.google.com/support/adsense/bin/answer.py?answer=9727&hl=en_US .
If you manage or own another site in one of our supported languages,
feel free to resubmit your application as described below.

---------------------

For a complete list of AdSense criteria, please visit:
https://www.google.com/adsense/policies?hl=en_US
https://www.google.com/adsense/localized-terms?rc=ZA&ce=1&hl=en_US

To update and resubmit your application, please visit
https://www.google.com/adsense?hl=en_US and log in at the 'Existing
Customer Login' box using the email address and password you submitted
with your application. Our specialists will review your account for
compliance with our program policies, so please make sure to resolve
all of the issues listed above before resubmitting.

Please contact us at adsense-support@google.com if you have any
questions.

Regards,

The Google AdSense Team

Chopper vreet grond

Valkoog stort neer
Jul 04 2008 10:20:47:403PM  - (SA)  

Die helikopter wat gister neergestort het. Die rotor voor het losgeruk. Die helikopter het die kragpaal op die agtergrond se drade getref. Foto: Felix Dlangamandla

Herman Scholtz

Hy het nog probeer byhou in die jaagtog na die rowers, maar voordat hy op die mynhoop se kruin kon kom, het 'n kollega na hom gehardloop en geskree: "Chopper down, chopper down!"

Supt. André Liang, bevelvoerder van die Florida-polisiekantoor, het aan Beeld vertel hoe hulle twee mans te voet, in die lug en met 'n polisiemotor ?gejaag het, nét voordat 'n ?helikopter van die Johannesburgse lugvleuel gister neergestort het.

Die helikopter het in 'n oop stuk veld in Meadowlands, Soweto, wat as 'n sokkerveld gebruik word, neergestort.

Die verdagtes het weggekom.

Supt. Eugene Opperman, provinsiale polisiewoordvoerder, het op die toneel gesê drie polisielede is ernstig beseer.

"Die helikopter het omstreeks 08:30 tydens 'n soektog in hoogspanning-kragdrade vasgevlieg en neergestort."

Kapt. Carl Bernardo, vlieënier, kapt. Willie Steyn (44), mede-vlieënier, en sers. Paul Steyn (34) was in die helikopter.

Volgens Liang het twee mans 'n vrou sowat 15 min. vóór die ongeluk by die Fleurhofdam tussen Florida en Meadowlands beroof.

Die twee verdagtes, een met 'n grys baadjie en die ander met 'n bruinrooi hemp, het deur 'n riviertjie aan die westekant van 'n mynhoop geswem en vandaar op die polisie begin skiet.

"Ons het teruggeskiet, maar hulle het in verskillende rigtings gehardloop en in bosse weggekruip.

"Dis tóé dat ons die lugvleuel en die Roodepoortse honde-eenheid ingeroep het," het Liang gesê.

Die polisiemanne het gesien hoe die verdagte met die bruinrooi hemp oor die mynhoop na Meadowlands se kant gevlug het, waarna die helikopter oor die mynhoop en in die kragdrade vasgevlieg het.

"Toe ek by die ongelukstoneel kom, het die lewendige kragdrade nog gespring en die helikopter se enjins nog geloop, al was dit in twee stukke.

"Twee mense van die omgewing was besig om die polisielede uit die wrak te haal," het Liang gesê.

Mnr. Peter Sekwale was besig om iets by die kafee oorkant die veld te koop toe die ongeluk gebeur het.

"Ek het gesien hoe die helikopter tot op die grond spin en soontoe gehardloop. Toe het ek die ruite gebreek om die mense uit te haal, want ek was bang die ding ontplof."

Volgens Sekwale het die een man 'n diep sny in sy keel gehad. "Ek het vir 'n ander man geskree om handdoeke te bring om sy keel toe te maak."

Toe die polisielede op die toneel hom daaroor uitvra, wou hy benoud weet: "Het ek verkeerd gemaak?"

Liang, Sekwale en mnr. William Baepi, nog 'n inwoner, het die drie toe uitgehaal.

Volgens Liang het dit gelyk of kapt. Steyn die ?ergste beseer is. "Hy het erg gekreun en ons het vermoed sy voete is gebreek."

Mnr. Nick Dollman, Netcare 911-woordvoerder, het gesê twee insittendes is met Netcare se helikopter na die Milpark-hospitaal gebring en die derde met 'n polisiehelikopter.

Nie Dollman of enige amptelike polisiewoordvoerder wou oor hul beserings uitwei nie.

Sers. Steyn se suster, me. Desiree van Niekerk, het gistermiddag by die Milpark-hospitaal aan Leané du Plessis gesê dit gaan baie beter met hom.

"Hy het al met ons gepraat. Daar is gelukkig nie frakture in sy rugwerwels nie, maar een long is erg gekneus."

Me. Amelda Swartz, hospitaalwoordvoerder, het gistermiddag gesê al drie is in 'n ernstige, maar stabiele toestand en is buite gevaar.

Die polisie ondersoek die voorval.

Onnodig om hom te skiet

'Onnodig om hom te skiet'
Jul 07 2008 10:22:27:910PM  - (SA)  

Mev. Frances McNamee, in wie se arms Kurt gesterf het.

Verwante Berigte Leeupark-moord se 16 steeds soek Man (27) in Leeupark doodgeskiet

Gloria Edwards

'Ek het na hom gehardloop en hom gegryp waar hy inmekaar gesak het. Hy kon nie praat nie. Ek het probeer help, maar hy het so vinnig gesterf."

Só het die vrou gister vertel in wie se arms 'n jong man gesterf het wat tydens 'n rooftog eergister by die Leeupark in Muldersdrift doodgeskiet is.

"Hulle hoef hom nie dood te geskiet het nie. Hulle het dan reeds die geld gesteel en hy was nie gewapen nie," het mev. Frances McNamee (49) gesê oor die voorval waarin haar aanstaande skoonseun, mnr. Kurt Huppe (27), dood is.

Huppe van Benoni aan die Oos-Rand is in die bors geskiet toe hy uit die badkamer waar hy sy hande gaan was het, by die restaurant in dié park ingestap het.

Agt rowers het die restaurant se kassiere beroof en was besig om uit te hardloop toe Huppe niksvermoedend ingestap kom.

Een van die rowers het hom geskiet.

Sy verloofde, me. Stacey Wooley (23), wat vier maande swanger is met sy kind, haar dogter, Tyler (6), haar ma, McNamee, en McNamee se ander kleinkind (2) het onder tafels ingekruip toe die rowers op die restaurant toegeslaan het.

Volgens insp. Odette van Staden, polisiewoordvoerder, het agt rowers omstreeks 14:30 by die restaurant ingebars. Vier van hulle was met 9 mm-pistole gewapen.

"Ek het eers gedink 'n leeu het ontsnap toe almal begin skree, maar toe sien ek 'n rower met 'n pistool," het McNamee gister vertel.

Sy wou haar aanstaande skoonseun gaan waarsku en het na die deur begin kruip toe sy 'n skoot hoor en sien hoe hy inmekaar sak.

Sy het gesê Huppe was haar dogter se steunpilaar. Hy en Wooley was vyf jaar in 'n verhouding en het in Februarie verloof geraak. "Hy het so goed vir my dogter en kleinkind gesorg. Klein Tyler was mal oor hom en hy was so opgewonde oor hul baba wat op pad is."

Sy het gesê Wooley is ontsettend geskok. "Sy weier om te glo hy is dood."

Wooley wou gister nie met die media praat nie.

Mnr. Dieter Huppe het sy seun, wat in die inligtingstegnologiesektor gewerk het, as 'n positiewe, hardwerkende mens en "wonderlike seun" beskryf. "Sy dood was absoluut sinloos."

Die begrafnis is Vrydagoggend in Kempton Park.

Man met een skoot dood geskiet

Man (27) in Leeupark doodgeskiet
Jul 06 2008 09:37:54:563PM  - (SA)  

Die ingang na die Leeupark by Muldersdrift waar mnr. Kurt Dieter Huppe (27) gistermiddag deur rowers doodgeskiet is. Foto: Nardus Engelbrecht

Liezel Joubert en Amanda Roestoff

Hy het sy hande in die badkamer gaan was.

Op pad om weer by sy swanger vriendin en haar sesjarige dogter in die restaurant in die Leeupark aan te sluit, is hy met een skoot in die bors doodgeskiet.

Mnr. Kurt Dieter Huppe (27) van Benoni was gister die derde persoon wat in ses maande by dié gewilde park in Muldersdrift sterf. Een van hulle was 'n man wat deur leeus verskeur is (sien inligting onderaan).

Insp. Odette van Staden, polisiewoordvoerder, het gesê agt rowers het gister omstreeks 14:30 ingebars by die Leeupark se restaurant. Vier van hulle was gewapen met 9 mm-pistole.

Sowat 1 600 mense het gister dié park besoek en bykans 100 mense was ten tyde van die voorval in die restaurant, het mnr. Ian Melass, die Leeupark se bestuurder, gesê.

Die rowers het volgens ooggetuies die mense beveel om plat te lê terwyl hulle die kassiere gedwing het om vir hulle geld te gee. Huppe is geskiet toe hy niksvermoedend uit die badkamer by die restaurant ingestap het, het sy vriendin, me. Stacey Wooley (23), gesê. Sy is vier maande swanger met Huppe se kind.

Wooley en Huppe het die afgelope vier jaar saam gewoon en hy was soos 'n pa vir haar dogter. Wooley en die meisie het in die restaurant se piekniekarea gesit toe Huppe na die badkamer is, het mnr. Dieter Huppe, sy pa, gisteraand gesê.

Dit was die laaste keer dat Wooley hom lewend gesien het.

Huppe sr. het gesê sy seun, wat in die inligtingstegnologiesektor gewerk het, het nog die oggend gebel om aanwysings na die Leeupark te kry.

"Dis verskriklik hartseer dat ons hom so vroeg in sy lewe moes verloor. Hy het hard gewerk," het 'n getraumatiseerde Huppe gesê.

Mnr. Karl Huppe (24), Huppe jr. se jonger broer, het gesê die gesinslede het almal traumaberading ontvang. Hulle het gisteraand by hul ouerhuis in Glen Marais in Kempton Park saamgetrek.

Melass was gister hartseer oor die voorval. "Ek sê altyd vir my personeel 'veiligheid eerste'. Gee eerder die geld as om jou lewe in gevaar te stel. Ek dink die rowers het paniekerig geraak en toe die man (Huppe) geskiet."

Hy het gesê al die geld van die dag is gesteel – die toegang-, restaurant- en kurio-winkel se geld.

"Van die mense se persoonlike besittings is ook geroof.

"Suid-Afrika het 'n probleemgebied geword."

Volgens Van Staden het die rowers 'n tweede skoot geskiet, maar niemand getref nie. Hulle het weggejaag in twee groen BMW's, 'n maroen Toyota Conquest en 'n wit Volkswagen Jetta. Geen verdagtes is nog aangekeer nie.

Mense met inligting oor die voorval kan die Muldersdrift-polisie se speurtak kontak by 011 957 2312. Misdaad in dié gebied Volgens die jongste misdaadsyfers is die drie polisiekantore in die omgewing van die Leeupark (Sandton, Honeydew en Douglasdale) onder die 20 polisiekantoor-gebiede in die land met die hoogste huisrooftogsyfers. In die kategorie van rooftogte by sakeondernemings is Sandton vyfde op die lys en Honeydew kort op sy hakke. Die Honeydew-polisiekantoor is in die 13de plek onder die 20 kantore met die hoogste syfer vir poging tot moord. Voorige voorvalle Mei 2008: Drie leeus verskeur 'n onbekende man wat by 'n kamp in die Leeupark instap. Sowat ses maande gelede: 'n Veiligheidswag word doodgeskiet toe gewapende rowers ook toeslaan. November 1993: Twee Taiwannese studente, mnr. Ming Theng Tsai en me. Tsjia Jen Tsai, sterf toe 'n trop leeus hulle aanval terwyl hulle 'n meter van die leeus vir 'n foto poseer.

BBV Saamtrek: De Aar

From: Johan Matthee [mailto:jmatthee@oldmutualpfa.com]
Sent: 04 Julie 2008 07:51

Subject: BBV Saamtrek: De Aar

Hallo ,

Gerhard het vir my jou e-pos besonderhede deurgegee. Ek is Johan
Matthee, Voorsitter van die Inwoners- en Belastingbetalersvereniging te
Colesberg.

Ek is ook die sameroeper van 'n saamtrek vir al die
Belastingbetalersverenigings (BBV) landswyd wat op 19 Julie 2008 by De
Aar se skougronde gehou gaan word. By hierdie geleentheid gaan ons almal
die geleentheid bied om moontlike vrae te vra, kennis uit te ruil oor
hoe te werk gegaan is om 'n BBV te stig, hoe om 'n dispuut te verklaar
en hoe daar opgetree moet word tydens die dispuut.

Jaap Kelder van die Nasionale Belastingbetalersunie (NBU) woon ook die
geleentheid by en ek het ook gereel vir hoe profiel sprekers van o.m.
die DA, OD, ACDP, Prof Karel Boshoff (Orania) en 'n vateenwoordiger van
die TLU-SA (Transvaal se Landbou Unie (S.A.). Daar sal ook 'n
verteenwoordiger van NERSA (Nasionale Energie Reguleerder van SA) wees
om ons toe te lig oor munisipalitiete se rol as diensverskaffers van
elektrisiteit.

Die geleentheid begin om 10:00 en ons beplan om ongeveer 15:00 klaar te
maak. 'n Middag ete, koffie en tee sal bedien word. Ongelukkig sal
elkeen self moet betaal vir sy/ haar brandstof en oornagkoste, maar die
manne en maninne reel onderling om mekaar op te laai en saam te ry.
Sodoende deel hulle die kostes.

Ek is van mening dat jy/ julle baie baat sal vind by hierdie geleentheid
aangesien jy eerstehands al jou vrae beantwoord sal kry en sal leer by
diegene wat al ver gevorder is op die pad van herstel en die "slaggate"
wat hulle in getrap het kan vermy.

Laat weet my asb. so gou moontlik of jy die geleentheid wil bywoon sodat
daar ook vir jou voorsiening gemaak kan word.

Groetnis

Johan Matthee

+27 (0)51 753 9281 (telephone)
+27 (0) 82 406 8248 (mobile)
+27 (0) 86 513 8232/ +27 (0) 51 753 9281 (fax)
jmatthee@oldmutualpfa.com (E-mail)

Artikel in Beeld

Sake24
Volksblad
Donderdag
3 Julie 2008
Bl.18
Agter die nuus
Briewe

Sorg vir jou eie heil of snork op
Die artikel "Terughou van taks soos klip gooi" wat op 26 Junie verskyn
het, verwys.
Die artikel onderstreep 'n fundamentele ongebalanseerdheid wat grens aan
'n siekte van ons tyd: onvermoë deur onbetrokkenheid.
As individue dwing ons eenvoudig nie ons verbruikersreg, wat met ons
betalings ontstaan, produktief af nie en benut dit ook nie produktief
nie. Dit geld vir die goedere, dienste en geriewe waarvoor ons
belasting, heffings en pryse betaal.
Hierdie nalating veroorsaak 'n dilemma waarvan die negatiewe resultate
daagliks op alle vlakke en in alle sektore van ons samelewing
manifesteer.
Die rede vir hierdie dilemma is dat ons in die algemeen as individue,
individueel en/of gesamentlik, eenvoudig nie beskik oor die nodige wil,
betrokkenheid, geld, kundigheid, strukture, ens. om produktief daaraan
deel te neem nie.
Die pogings om aanvaarbare munisipale dienste deur die weerhouding van
betaling op te dwing, is positiewe en opbouende aksie. Dit kan net
verwelkom en aangemoedig word. Ek kan aan geen beter metode dink nie as
om net te betaal vir dit wat jy kry en te sorg dat jy kry waarvoor jy
betaal. Dit is 'n demokratiese en ekonomiese reg, maar geld net as ons
ons plig nakom om dit op te eis.
As daar gebreke in hierdie benadering bestaan, is dit eerder gebreke in
ons verskillende stelsels om die inwoners behoorlik te dien. Gebreke van
dié aard behoort eerder so gou moontlik reggestel te word. Positiewe
insette bly 'n vereiste om 'n positiewe lewensgehalte teweeg te bring en
dit volhoubaar te maak.
Om dit te kan verwesentlik, verg dat die volgende leemtes produktief
aangepak word:
As betalers moet ons besef dat ons altyd óf negatief óf positief bydra,
ons kan nie nie bydra nie, selfs al sou ons wou.
Die kernvraag is in watter mate is individue betrokke en dra hulle by om
hul saak uit eie perspektief te bevorder. Om positiewe pogings af te
kraak, dra slegs by tot ons elkeen se eie en gesamentlike nadeel. Dit
geld ook die draadsitters en niksdoeners.
Die belangrikste bron waaroor ons as betalers nie beskik nie is, ironies
genoeg, geld om ons eie optrede te finansier. Wanneer 'n kwessie
byvoorbeeld met 'n munisipaliteit ontstaan, word ons betalings bloot as
uitgawe/koste aangewend en vir optrede teen ons gebruik.
Enige land se owerhede, grondwet, instellings en aktiwiteite behoort in
die diens van sy mense te staan en die mense moet dit self as sodanig
ervaar. As dit nie die geval is nie, moet laasgenoemde dit regstel – dit
is hul reg en plig.
Deur onsself te mobiliseer en te bemagtig met die nodige kundigheid,
vaardighede en deelname, kan ons positief daartoe bydra dat ons
demokratiese en ekonomiese stelsels produktief funksioneer.
Dit is absoluut noodsaaklik vir ons mense om skouer aan die wiel te sit
om aan die hand van die gestelde voorbeeld hul eie heil uit te werk –
solank daar nog geleentheid is – andersins moet hulle maar genoeë neem
wat die elite vir en met hulle doen.
Ons kan slegs 'n beroep doen op en aandring by mense dat hulle betrokke
raak by plaaslike aksies deur hul aktiewe ondersteuning, deelname en eie
inisiatiewe.
Die noodsaak en dringendheid aan betrokkenheid en deelname word verhoog
in die lig van die algemene verkiesing aanstaande jaar.
Dit is nie nodig om politiek te speel nie, maar dit is ons reg en plig
as nie-politieke aksie om by elke politieke party aan te dring dat hulle
kennis neem en hulle verbind om toe te sien dat die owerhede voortaan
die inwoners ook op nie-politieke vlak moet dien en hul belange in die
geheel bevorder.
Raak betrokke. En as daar nie aksie kom nie, verdomp, sorg dat daar kom.
Johann Verheem
PRETORIA

Bejaarde egpaar vir niks vermoor

'NOU'S EK 'N WEESKIND' Me. Marthie Potgieter vertel van die moorde op
haar ouers nadat hulle gekaap en op 'n hoofweg aan die Oos-Rand
doodgeskiet is. Foto: Mary-Ann Palmer

Mev. Yvonne en mnr. Willem Ras saam met hul enigste kleinkinders,
Carmen (7, links) en Corli (10).

Jul 01 2008 10:36:55:240PM - (SA)

Gloria Edwards

'n Bejaarde kankerlyer en sy vrou is op die N12 aan die Oos-Rand
geskiet – sonder dat hul aanvallers hul motor of enige besittings
geroof het.

Mnr. Willem Ras (66), wat aan kanker en Parkinson se siekte gely het,
en sy vrou, Yvonne (64), is Saterdagaand gekaap, geskiet en naby
Eldoradopark vir dood gelaat.

Mnr. Ras is eers in die rug geskiet en toe uit die bewegende motor
gestamp. Hy is op die toneel dood. Sy vrou is in die nek geskiet en
vir dood in die motor gelos.

Sy het gister in die Garden City-hospitaal in die weste van
Johannesburg aan haar wonde beswyk. Die aanvallers het sonder die
motor, 'n Toyota Corolla, of enige van die egpaar se besittings
gevlug.

Die Rasse was omstreeks 22:00 op pad terug na hul woonstel in Alberton
nadat hulle in Randfontein by hul enigste kind, me. Marthie Potgieter
(37), en twee kleinkinders gaan kuier het.

Volgens die polisie het die moordenaars die egpaar vermoedelik iewers
van die pad afgetrek en saam met hulle in hul motor gespring. Die
verdagtes het hulle waarskynlik gedwing om op die N12-hoofweg na
Eldoradopark te ry, waar hulle mnr. Ras naby die Boundary Road-brug in
die rug geskiet en uit die motor gegooi het.

Kapt. Philemon Khorombi, Eldoradopark-polisiewoordvoerder, het gesê
die polisie het die motor omstreeks 12:35 Sondag gevind. "Mev. Ras is
met 'n skietwond in die nek gevind. Sy het nog asemgehaal en is na die
hospitaal geneem. Mnr. Ras se lyk is 'n entjie van die motor gevind.
Dit lyk nie of enigiets gesteel is nie."

'n Moordsaak word ondersoek.

Potgieter, 'n enkelma, sê dit gaan haar "verstand te bowe" dat haar
ouers "so vir niks" vermoor is. Hul juwele, kontant en ander
besittings is in die motor gevind en vir haar gegee. "Tot my pa se
kruis-hangertjie van egte goud wat my ma 25 jaar gelede vir hom gegee
het, was nog om sy nek."

Sy het eers Sondagoggend vermoed iets skort nadat haar ouma, me.
Corrie Wijnbeek (95), haar laat weet het haar ouers het nie by hul
woonstel opgedaag nie.

Potgieter beskryf haar ouers as "liefdevolle kerkmense".

Sy het gister, kort ná haar ma se dood, vertel sy is bitter teenoor
die moordenaars, wat haar nou " 'n weeskind" gemaak het. Haar dogters,
Corli (10) en Carmen (7), is erg getraumatiseer. "Hulle het gister
briefies aan Oupa geskryf vir sy begrafnisblaadjie, nou moet hulle vir
ouma ook.

"Hierdie land moet wakker skrik en weer die Here leer ken. Wit, swart,
groen en geel moet weer die kerke volsit."

Oorsprong:Beeld

http://www.news24.com/Beeld/Suid-Afrika/0,,3-975_2350363,00.html

Mediaverklaring - Konferensie oor voorgestelde onteieningswet

Mediaverklaring


DIE OMSTREDE ONTEIENINGSWETSONTWERP

Konferensies oor die oorsprong van grond- en eiendomsbesit
en
die Implikasies van die Onteieningswetsontwerp

Die Onteieningswetsontwerp wat tans deur die parlement oorweeg word, is die mees ernstige afwyking tot dusvêr van die nasionale akkoord op grond waarvan die nuwe Suid-Afrika gestig is (vir verdere inligting besoek gerus www.cfcr.org.za).  Dit het verreikende negatiewe implikasies vir die ekonomie, tussengroepsverhoudings, voedselsekuriteit en die Grondwet, en sal Suid-Afrika ook uit pas met alle suksesvolle ekonomieë in die vinnig globaliserende wêreld bring.  Die wetsontwerp is gegrond op die wanpersepsie dat wit Suid-Afrikaners geen morele reg tot die eienaarskap van grond in die besonder, en eiendom in die algemeen het nie, omdat alles wat hulle besit die gevolg van die wederregtelike ontneming, uitbuiting en onderdrukking van die inheemse bevolking is.  Ingevolge hierdie denkwyse is die onteiening van wit eiendom benede markverwante pryse nie alleenlik moreel regverdigbaar nie, maar is dit ook noodsaaklik ten einde nasionale transformasie te bewerkstellig.

Die Tussentydse Komitee vir die Beskerming van Eiendomsregte is van plan om hierdie wanpersepsie en die implikasies van die wetsontwerp by die volgende konferensies aan te spreek, wat die byeenkoms wat vir 2 Julie 2008 in Kaapstad beplan is, vervang:

Konferensie oor Wanpersepsies oor Grond- en Eiendomsbesit
en die Ekonomiese gevolge daarvan
Maandag 28 Julie 2008, vanaf 10:30 in die Centurion Raadsaal, Centurion

Hierdie konferensie sal aan die publiek, die nasionale en internasionale gemeenskap die geleentheid bied om oor die oorsprong en geskiedenis van grond- en eiendomsbesit, asook die huidige verdeling van rykdom in Suid-Afrika en ekonomiese implikasies van die voorgestelde wetsontwerp te besin.  Kundiges sal betrek word om die mites en persepsies oor grondbesit en rykdomsverspreiding in Suid-Afrika finaal in die reine te bring.  Die sprekers sal onder meer die geskiedenis van grond- en eiendomsbesit in Suid-Afrika, geskiedkundige tendense in die verspreiding van inkomste en die ekonomiese gevolge wat die voorgestelde Onteieningswet sal hê, bespreek.

Konferensie oor Implikasies van die Onteieningswetsontwerp
Augustus (datum sal nog bekendgemaak word) in die Kaap

Ernstige kommer heers dat die regering hulle nie steur aan die openbare verhore wat oor die omstrede voorgestelde Onteieningswet plaasgevind het nie, en dat dié wet heel moontlik in sy huidige robuuste vorm, eenvoudig deur die ANC met sy groot meerderheid in die parlement deurgestoomroller gaan word.

Die groeiende aantal mense en instansies uit alle sektore van die gemeenskap wat die gevare besef, se insette moet in ag geneem word voordat enige besluit oor die aanvaarding van die wetsontwerp geneem word.

Die breë gemeenskap is nie ten volle ingelig en op hoogte van die inhoud en uitwerking van die voorgestelde wet nie.  Openbare bewusmaking is tans van die allergrootste belang, omdat dié wet alle eiendom, roerend sowel as onroerend, raak.  Die Tussentydse Komitee vir die Beskerming van Eiendomsreg is derhalwe van plan om ʼn konferensie in Augustus 2008 (datum sal nog bekendgemaak word) te reël, wat toegelig sal word deur kundiges oor die implikasies van die wetsontwerp vir die Suid-Afrikaanse Grondwet, ekonomie, tussengroepsverhoudings, voeselsekuriteit, asook die rol wat private besit in alle suksesvolle demokratiese bedelings speel.

Meer gedetailleerde programme vir die twee konferensies sal binnekort beskikbaar wees.  Alle lede van die media word uitgenooi om beide konferensies by te woon.

Vir verdere navrae, skakel:

Dave Steward           -           082 824 8875
Alana Bailey              -           072 728 4541
Jaco Schoeman       -           083 651 0739
Theo de Jager          -           082 332 2110
Bennie van Zyl          -           082 466 4470

*          Die Tussentydse (Ad-Hoc) Komitee vir die Beskerming van Eiendomsreg is ʼn informele groepering van organisasies en politieke partye van regoor die politieke en maatskaplike spektrum wat teen die Wetsontwerp op Onteiening gekant is.  Dit sluit tans die volgende organisasies in: AfriForum, die Afrikanerbond, die FW de Klerk Stigting, die Afrikanerfront, Agri SA, die ACDP, die DA, die FAK, die LWO, die NBU, Solidariteit Instituut vir Grondwetlike en Arbeidsregtelike Aangeleenthede, TLU SA, die VF+ en VRA.  Verskeie ander organisasies is ook besig om hulle steun aan hierdie groep toe te sê.

Reaksie op SakeBeeld 26 Junie 2008

SANNIESHOF

REAKSIE OP SAKEBEELD 26 JUNIE 2008,  Terughou van taks soos klipgooi

Die weerhouding van munisipale dienstegelde en erfbelasting behoort ten hierdie tyd 'n ernstige bekommernis by die owerhede te veroorsaak  sodat daar meer as net stilswye van hulle kant behoort te kom.  Vir etlike maande al is daar chroniese onrus in woongebiede wat selfs al tot geweld gelei het,  maar die oplossing vir die probleme word in stilswye gehul.
Prof Wiechers het seker die teoretiese reg om 'n opinie te lig, maar is duidelik nie in die praktyk met die probleme vertroud nie.  Die "remedies" wat hy noem is uitgeput.  Die verbalisering van probleme word van die tafel gevee en word in meeste gevalle genotuleer en daarna bestaan daar nie meer so 'n notule nie.  Petisies is nie die papier en die moeite werd waarop dit aangeteken is nie.  Betogings hou baie mense van hulle werk af weg, veroorsaak aggressie en geweld en het nog nooit enige suksesse behaal nie.  Om op stemreg te wag tot die oplossing van die huidige probleem is 'n feë verhaal.  Die bedrog en korrupsie met tenders vir herstelwerke ens sal die reeds oorvol howe nog 'n groter las op lê.  En hoekom is dit hoegenaamd nodig dat die Inwoners die kostes moet aangaan om 'n munisipaliteit hof toe vat om sy werk te doen? 
Hoe is dit moontlik dat selfs die hoogste gesag van die provinsie ingelig is omtrent die hele aksie, al die bewyse van korrupsie en bedrog ontvang, al die wette wat oortree word in die Ouditeur Generaal se verslag aangeteken word en geen aksie word geneem nie.  As die individu sy BTW nie oorbetaal nie word daar summier 'n boete en daarna 'n lasbrief uitgereik.  Die Tswaing Munisipaliteit weerhou R6 miljoen van die Ontvanger en niks word daaraan gedoen nie.  Projek gelde word gebruik vir salarisse en lone en die projekte staan, maar geld bly van die owerhede af instroom sonder enige navraag aan die miljoene wat reeds die verskil moes maak.  Waar is die kontrole van die Regering wat seker geregtig is om die resultaat van die uitgawe van 'n projek te moet evalueer?
As prof Kotze van mening is dat ons optrede geklassifiseer kan word binne die raamwerk van klipgooi en brandstig is ook hy nie bewus van die werklike aksie wat 'n dispuut behels nie.  Klipgooi en brandstig gaan gepaard met aggressie en afbreking van bepaalde strukture wat 'n munisipaliteit en die SAP vir 'n bepaalde tyd besig hou.  'n Dispuut aksie daarenteen is 'n positiewe betrokkenheid van elke belastingbetaler wat sy konstitusionele reg opeis om die infrastruktuur en die lewensgehalte van al die mense op te bou en te herstel tot die aanvaarbare en ekonomies haalbare gehalte tot sy beskikking.
Waar klipgooi en brandstig honderde mense blootstel aan onnodige aggressie is 'n dispuut aksie gerig op verbale en skriftelike onderhandelings en ultimatums wat gewissel word tussen die besture van 2 liggame en die gemeenskap kan sonder steurnis en onrus bly funksioneer.  'n Dispuut manifesteer eers wanneer alle kanale van onderhandelings uitgeput is.
Die suksesse van 'n dispuutaksie in 'n dorp is nie beperk tot een rassegroep of woon area nie,  al die inwoners van daardie gebied geniet die voordele van die sukses.  Die grootste probleem van enige munisipale bestuur is die politieke betrokkenheid wat belangriker word as die werklike funksie van die munisipaliteit.  Die enorme bedrae geld wat na munisipaliteite vloei van regeringskant, die onvermoë van effektiewe bestuur deur verantwoordelike en bekwame personeel, skep hier die siening dat 'n betrekking by die munisipaliteit jou onmiddellik in staat stel om finansieël voortvarend te kan leef ongeag enige kwalilfikasies.
Op Sannieshof, is ons aktief betrokke om op 'n positiewe manier ons dorp weer op te bou, sonder dat ons enigsins voel dat ons enige wet oortree het.  Ons is nie wanbetalers nie, ons betaal ons rekenings net in 'n fondsrekening in en ons herstel net dit wat noodsaaklik is vir die funksionering van ons dorp.  Ons glo dat as enige een van hierdie geleerde professors in Sannieshof gewoon het en met sy voete deur lopende rou riool water moes loop om 'n brood of 'n koerant te koop of wou water drink, skeer of bad en die kraan leeg is as jy dit oopdraai, sou selfs hulle besluit het om deel te wees van die aksie in Sannieshof.  Die verskil tussen hulle en ons is, dat hulle tussen boeke na oplossings soek en ons staar die probleem prakties in die gesig en spook vir die beste oplossing vir ons probleme – en dit werk.


Carin Visser
Voorsitter:  SANNIESOF SAKEKAMER, en
                   SANNIESHOF INWONERS EN BELASTINGBETALERS UNIE
                   (SIBU)

Swanger vrou tuis Vermoor !!

Murelle en mnr. Pieter Moon (39) word deur sy suster, me. Miemsie Moon, en sy buurman se ma, mev. Elize Botha, vertroos. Foto: Herman Verwey

Lees die storie by: http://www.news24.com/Beeld/Suid-Afrika/0,,3-975_2347985,00.html Swanger vrou tuis vermoor Jun 26 2008 11:51:57:570PM 'n Swanger Pretoriase vrou is in haar huis in Waverley wreed vermoor deurdat haar kop "papgeslaan" is. Virginia Keppler 'n Swanger Pretoriase vrou is gister in haar huis in Waverley wreed vermoor deurdat haar kop "papgeslaan" is. Die aanvaller(s) het daarna die agt maande swanger vrou se lyk onder duvets op haar bed in haar huis in Varingstraat versteek. Me. Antoinette Botha, 'n verpleegster by die Moot-hospitaal, se ongebore baba het ook nie die aanval oorleef nie. Die rower(s) het daarna huishoudelike toestelle bymekaargemaak, maar dit net só in die huis gelos en in Botha se swart Mercedes-Benz met registrasienommer WRW 497 GP gevlug. Paramedici het oomblikke nadat haar lewensmaat, mnr. Pieter Moon (39), en hul bure Botha se lyk ontdek het, vergeefs probeer om 'n hartklop by haar ongebore baba op te spoor. "Kan hulle tog nie die baba red nie? Kan hulle tog nie probeer nie?" wou mnr. Jophie Moon (73), Moon jr. se pa, aanhoudend by sy dogters weet. Toe die paramedici moedeloos en sonder die baba by die huis uitstap, het al die familielede en vriende geweet dit is verby. "Ons kon ongelukkig nie die baba red nie. Daar is niks wat ons kon doen nie," het 'n ontstelde paramedikus gesê. Botha en Moon jr. het nog 'n seuntjie, Murelle (2). Mev. Elize Botha, wie se seun langsaan woon, het gesê toe hy (Moon jr.) by die huis kom, het hy opgemerk alles staan oop. "Hy het my seun, Cobus, kom vra om saam met hom in die huis te gaan omdat hy bang was daar is iemand in die huis. Toe ons in die huis kom, het ons oral na Antoinette gesoek. "In die slaapkamer het ons net 'n klomp duvets sien lê. Toe ek nog so onder die duvets voel, toe voel ek 'n koue ou voetjie. "Hulle (die moordenaars) het haar kop pap geslaan met 'n stomp voorwerp," het 'n steeds geskokte mev. Botha gesê. Moon sr. het gesê Moon jr. was by sy (Moon sr. se) huis om sy seun af te laai en het op die toneel afgekom toe hy terugkom by die huis. "Hy het gesê die kind moet by ons bly vir die nag, want Antoinette gaan nagskof werk," het hy gesê. Mev. Tessa Keppler, Moon jr. se suster, het gesê die familie is erg geskok. Sy het gesê haar broer-hulle woon die afgelope vier jaar in die huis. "Antoinette sou nooit vir vreemdes die deur oopgemaak het nie. Sy was baie veiligheidsbewus," het Keppler gesê. Sy het gesê haar broer, wat tot op die einde nog gehoop het dat die baba gered sou word, was erg geskok. "Waar gaan ek vir my seun sê is sy ma?" wou Moon jr. moedeloos weet. Mev. Anelise van Tonder van die Karnallies-speelgroep in Waverley het haar gisteraand na die huis gehaas om Murelle te versorg. "Hy gaan vanaand by my slaap. Ek ken hom vandat hy 'n baba was. Ek is baie lief vir hom," het sy hartseer gesê. Insp. Susan du Preez, polisiewoordvoerder, het gesê dit is tans onduidelik hoe die moordenaar in die huis gekom het. Volgens Keppler het inbrekers glo vroeër die week ook by die huis probeer inbreek en die alarm deur die nag twee keer afgegaan. Botha, oorspronklik van Zimbabwe afkomstig, sou gisteraand haar laaste aand werk en van vandag af op kraamverlof wees. Keppler het gesê haar familie in Zimbabwe sou gisteraand nog verwittig word van haar dood. Mense met inligting kan die Villeria-polisiekantoor bel by 012 333 6005/6