My Geld Praat Afrikaans

Jingo Afrikaners

In sterk vereenvoudigde Nederlands, feitlik al Afrikaans, skryf Eugene
Marais in 'n hoofartikel in Land & Volk in 1891 as volg:
"… die vyande van di Afrikaanse taal is Jingo-Afrikaners – mense so
lag gevalle dat jy lus het om jou mond uit te spoel as jy hulle name
noem. Ons het al baie slegte nasies en mense in ons tyd gesien, maar
nog nooit iets lager of gemener dan Engels-gesinde Afrikaner wat sy
moedertaal – die taal door sy vaders gesproke – verag."

Vandag sal ons met Eugene Marais se stelling kan saam stem. Vandag,
net soos in 1891 is daar ook sulke mense. Jingo–Afrikaners. Die
moderne Jingo-Afrikaners word verseker vandag net soveel verag en in
sekere gevalle selfs meer. Dink maar aan die gevoel wat 'n FW de Klerk
of selfs 'n Koos van der Merwe van die IVP by mens laat. Die term
Jingo is egter gegee aan Afrikaners wat besluit het om ter wille van
hulle nuwe meesters, Brittanje, te verengels. So kry mens vandag talle
mense met Afrikaanse vanne, maar wat skaars twee woorde in Afrikaans
kan praat. Hulle is Engels. Jingos.

Daar is nuwe Jingos ook. Dit is daardie Afrikaners wat die ANC ter
wille wees. Wat verkies om hulle kinders in 'n staatskool te sit sodat
hulle kinders die ANC propaganda kan insluk. Wat selfs hulle kinders
in Engelse skole sal sit, sodat hulle kindertjies tog nie moet
"sukkel" om aan te pas in die "nuwe" wêreld nie. Jingos. En asof dit
nie erg genoeg is nie, maak hulle ook hulle kinders groot as Jingos.
Kinders van die wêreld. Humanisties, kerkloos, liberaal en verlore.

Die aftakeling begin natuurlik eerste by ons taal. So sal die ANC 'n
skool verswart juis deur die skool te verengels. Ons taal is 'n wapen
wat teen ons gebruik word, maar kan ook dien as 'n kragtige wapen in
ons guns. Dit is egter belangrik dat ons besef dat 'n taal wat geen
kommersiele waarde het, sal uit eindelik sterf. Die behoud en groei
van ons taal sedert sy ontstaan was juis sy kommersiele waarde en nou
gooi van ons mense dit weg sodra hulle vermoed iemand is dalk Engels.
Hoeveel Afrikaners slaan onmiddelik oor na Engels sodra hulle moet
besigheid doen nie? Selfs as hierdie Afrikaners kliënte is, weier
hulle om aan te dring of selfs te vra om in Afrikaans bedien te word.
Skandelik. Jingos? Ek hoop nie so nie. Miskien is dit daardie Boere
goeie maniere wat mense dwing om oor te slaan Engels toe sodra hulle
reken die ander persoon gaan sukkel in Afrikaans. Indien dit so is,
is dit een stukkie goeie maniere wat ons sal moet weg gooi, as ons nog
enige liefde vir ons taal oor het. Ons sal moet aandring en meewerk
dat ons taal sy kommersiele waarde behou.

Die Afrikaner se laaste mag is gesetel binne sy ekonomiese krag.
Werkkrag, kapitaalkrag en koopkrag. In sy koopkrag rus sy mag om
Afrikaans se kommersiele waarde te behou. Dit verg ook nie groot
inspanning nie, al wat dit verg is om duidelik te verklaar: My geld,
praat Afrikaans.

Onlangs het die Solidariteitgroep 'n bankverslag die lig laat sien.
Hierdie verslag volg na aanleiding van hulle geveg met ABSA oor ABSA
se aandringing op swartkwotas in Rugby. Die Solidariteit verslag het
gefokus op die bankkostes van sekere banke en op hierdie manier die
banke teen mekaar op geweeg. Kostes is egter net een faset van
bankwese en in my beskeie mening amper die onbelangrikste. So
byvoorbeeld is diens 'n baie belangriker aspek. Indien 'n onderneming
se kostes hoog is, maar sy diens regverdig die koste, dan is dit
regverdigbaar as waarde vir geld. Mens verwag tog nie om by 'n een
ster hotel en by 'n vyf ster hotel die selfde prys te betaal nie. As
Afrikaner is diens in Afrikaans vir my uiters belangrik. Dit wys dat
die onderneming met wie ek besigheid doen respek het vir my en genoeg
waardering het vir my besigheid dat so onderneming my in my eie taal
sal bedien. Feitlik geen van die banke in Solidariteit se studie kan
dit waarborg nie, of bied selfs aan om mens in Afrikaans te bedien
nie.

Indien diens in Afrikaans aangebied deur vriendelike Afrikaners vir
iemand belangrik is, is die Ko-operatiewe banke soos Oranjekas en
Kleinfontein Spaar en Krediet die enigste opsie. Met die kaartstelsel
en elektroniese bankdienste wat Oranjekas nou ook aanbied, het mens
amper nie meer 'n verskoning om beledig te word om in Engels gehelp te
word by die "ander" banke nie. Afrikaans sal kommersieel oorleef deur
instansies soos Oranjekas en ander, maar dan slegs as Afrikaners wat
nie Jingos is, hierdie instansies ondersteun.

AWB Openbare vergadering

Westfalia Avontuurkamp

ONTHOU VAN WESTFALIA KAMP!

- - - - - - - - - - - - - - - - - - - - -
Ons kamp vanjaar weer vanaf 4 tot 11 Desember 2010 op Westfalia tussen
Tzaneen en Duiwelskloof. Almal kan weer kom saam werk en speel tussen
mede Boere-Afrikaners.

Die AVKB is 'n beweging vir die vrye jeug van die Afrikanervolk,
begrond en gerig deur 'n Bybels-Christelike lewens en wêreldbeskouing.

Alle jongmense met durf en wat nog murg in hulle pype het, is welkom.
Die sluitingsdatum vir inskrywings is 27 November 2010.

Die inslag van die kamp is beveiliging van ons geloof, volk, kultuur,
ons lewens en goedere.

Ons gaan skerts, lag, sing, avontuur hê, ernstig wees
en baie beleef en ervaar!

Moenie na die tyd spyt wees nie, wees op die voorpunt, wees gereed vir
enigiets wat op jou wag, wees getrou aan jou Christelike beginsels en
kom geniet 'n onvergeetlike ervaring!
- - - - - - - - - - - - - - - - - - - - -

DIE TEMA HIERDIE JAAR: - - IN DIE VOETSPORE VAN ONS HELDE - -

http://www.facebook.com/event.php?eid=154537024586246

Oranjekas , Bank vir die volk

DIE KAS – BANK VIR DIE VOLK

Dit was die uiterste armoede van Afrikaners na afloop van die Tweede
Vryheidsoorlog wat 'n aantal manne tot die besef gebring het dat die
optrede van Britse bankiers gestuit moes word. Uiteindelik sou die
klein, skugter begin gemaak word met 'n handelstak wat ook die
hoofkantoor sou wees van Volkskas Kooperatiewe Bank. Die stadige groei
aan die begin kan toegeskryf word aan die enorme skuldlas van
Afrikaners by volksvreemde bankiers waar hulle gyselaar gehou is.

Geleidelike groei, nuwe planne en Afrikaner-denke het daartoe gelei
dat daar uiteindelik 'n eerste volwaardige tak opgerig word van Oom
Bossie se Bank. Een na die ander opregte Afrikaner seun en dogter is
in diens geneem – mense waarvan die harte warm geklop het vir die saak
wat hulle dien. Eers in 1938 word 'n nuwe strategie gevolg.
Volksgenote van 'n bepaalde dorp of distrik moes die werwing van nuwe
kliënte begin. As daar uit 'n distrik genoeg beleggings, voldoende
sakeondernemings en gewone salaristrekkers 'n onderneming teken sou
die bank oorweging gee aan die vestiging van 'n nuwe takkantoor.

Die groot banke uit Brittanje het die nuwe bank met smalende
opmerkings begroet en verduur. Toe Volkskas uiteindelik besluit om sy
koöperatiewe mantel te verruil om 'n volwaardige handelsbank te word,
het Afrikaners gehoop en vertrou dat die regte besluit geneem is.

Volkskas Beperk was alle banke voor toe daar besluit is om uitsoek
klante wat oor jare hulle eerbaarheid getoon het, 'n kaart beskikbaar
gestel wat bekend was as 'n welwillendheidskaart. Daarmee kon die
houer daarvan by enige handelsbank enige bedrag onttrek. Hierdie kaart
was moontlik gemaak weens die eerbare optrede van sy kliënte wat
hoofsaaklik Afrikaners was.

Uiteindelik sou die koms van die Nuwe Suid-Afrika ook die hertoetrede
van die Britse Imperialis verhaas word, en word ABSA gestig om
daardeur die Ploegbank, Volkskas Bpk. se naam vir goed te laat
verdwyn.

ABSA met sy nuwe aanslag, weg van Afrikaner sentiment, geskoei op die
lees van die Onderdrukker, het nie net die Afrikaner se taal verwerp
in sy aanslag nie, maar het sy eeu-oue haat teen die oorwinnaars van
Majuba ten volle laat geld deur Afrikaners te vervang met
volksvreemdes in sy personeel strukture. Uiteindelik sou die geliefde
Volkskas waar haas elke Afrikaner tuis gevoel het, met wrewel in die
hart sy bankdienste voortsit by sy grootste vyand.

Toe, een dag, kom vyf Afrikaners weer byeen – en daar word die eerste
sooi gespit om weer 'n koöperatiewe bank vir die Afrikanervolk te
vestig. Die verantwoordelikheid om so 'n enorme daad te verrig sou
groot invloed uitoefen op vyf manne se lewens waar hulle weereens moes
begin om met 'n verarmde volk se bietjies-bietjies geld moes woeker om
'n volksekonomie te help vestig.

Net soos Volkskas, is Oranjekas as koöperatiewe instelling gestig. Die
beginners daarvan, net soos Volkskas, het min kennis en ervaring
gehad van die bankwese. Net soos Volkskas se oom Bossie, was die
geloof sterker as die rykdom van kennis. Net soos Volkskas was dit die
verarmdes wat eerste hulle aandele gekoop het om Oranjekas te vestig.
Net soos Volkskas, het Oranjekas reeds sy eerste diep spoor getrap in
die harte van Afrikaners – dit is weer Die Kas !

Maar daar is een verskil: Oranjekas het te midde van aanslae
hardnekkig voortgegaan en binne die eerste twee jaar op 'n netto wins
begin opereer. Met die geloof van 'n klein direksie en 'n paar honderd
aandeelhouers se ondersteuning wink die toekoms om 'n nuwe hoofstuk in
die geskiedenis van ons volk se voortbestaan te skryf. Daar sal nog
dae van teenspoed en terugslae wees, maar niks sal die Afrikanerdom
weer van sy swaar verdiende goed kom beroof nie want sy aandeelhouers
sal biddend waak oor hierdie kosbare kleinood.

Clem de Klerk - September 2010

Die Boere sal nie stilgemaak word nie

Die Boere sal nie stilgemaak word nie

Besoek ons by: http://boereenheid.phpbb3now.com
Boekmerk dan die skakel

Die vorige forum is in sy totaliteit van die internet verwyder a.g.v
duistere redes onbekend aan ons.

Ons het nie gaan lê nie, en het onmiddelik ingespring en 'n nuwe
tuiste geskep. ONS SAL NIE STIL WORD NIE!

Ons nooi elke iedere lid van die volk uit om ons te besoek by die
bogenoemde skakel. Kom registreer vandag nog en raak weer deel van
ons projekte, soos die boereplaas, blanke armoede verligting en
opheffing van mede volksgenote!

SIRKULEER ASSEBLIEF SODAT ALMAL KAN KENNIS NEEM!

Projek 2010 nuusbrief

Geagte Volksgenote

Die nuutste nuusbrief van Projek 2010 is op ons webblad te sien by:

http://www.projek2010.co.za

(onder die opskrif: NSA-Volksmoord duur voort)

Besoek gerus die webblad vir die nuutste inligting en versprei die
boodskap aan volksgenote wat nie besef wat in die land aan die gang is
nie.

Soos altyd, is dit uiters onaangenaam om die boodskap aan u te stuur.
Dit is egter nodig dat die omvang en aard van hierdie gruweldade teen
ons volk eers, sover moontlik, algemene kennis word. Dit is my
oortuiging dat eers dan, aksies in die verband die nodige vrugte sal
afwerp.

Tot dan, blyk dit 'n hartseer feit te wees dat daar nie die nodige
steun vir Projek 2010 uit volksgeledere gekom het nie. Daar is
sekerlik 'n verskeidenheid redes hiervoor wat wissel van
onbetrokkenheid, oningeligtheid tot 'n gebrek aan besef hoe belangrik
dit is dat die projek suksesvol is.

Ek vra u daarom oudergewoonte om die boodskap/inligting te versprei.

'n Hartlike dank aan elkeen wat ons behulpsaam is in die verband.

Werner Smook
Projek 2010

Onderwys moet selfrespek herwin

Mediaverklaring met verwysing na die onderwysstaking en die SAOU se rol
daarin.

Groete

Leonard

www.indicato.co.za______________________

Leonard van der Dussen

Besturende Direkteur

indicato_logo_jpg_jpg

Tel 012 664-2300 Faks 012-644-2902
Posbus 16985, LYTTELTON, 0140

1ste Vloer, Barclayssentrum, h/v Burgerlaan en Cantonmentsweg,

Lyttelton. Verwoerdburg

Pdf dokument hier beskikbaar :
http://groups.google.com/group/onsstem-van-die-nasie/browse_thread/thread/e16b1f945289b307

ONDERWYS MOET SELFRESPEK HERWIN
Indicato neem met skok en teleurstelling kennis van die
Suid-Afrikaanse Onderwysersunie (SAOU) se deelname aan die
staatdiensstaking en die samewerking met organisasies van
kommunistiese ingesteldheid soos Cosatu. Die ontevredenheid met
vergoedingsvlakke vir onderwysers word verstaan, maar die wyse waarop
hier opgetree word, kan nie goedgepraat word nie.
VERKEERDE WERKSWYSE EN KEUSE VAN BONDGENOTE
Die wyse waarop die stakings gereël word, met pette, T-hemde wat
uitgedeel en nog daarby "Bring jou vuvuzela!" en straatoptogte (SAOU
se WK Nuusflits 38 van 2010) verlaag onderwysers tot maar net 'n nog
'n groep werkers wat ronddans. Dit lyk of onderwysers - insluitende
die oorwegend Afrikaanssprekende korps van die SAOU - die vervlakking
wat menseregte en al die sosialisme wat deur Kurrikulum 2005 in die
skole ingedra is nou geabsorbeer het tot op 'n punt wat daar weinig
onderskeid tussen "leerders" en hulle onderwysers is as beide hulle
laat aftrek na 'n humanistiese lewensbeskouing van gelykheid en
menseregte.
Die SAOU se webblad dra verskeie dokumente van die staking onder
beheer van "Cde" (comrade) sus en so, 'n term waarvan Afrikaners en
regdenkendes wat die kommunisme verwerp en bestry, hulle voorheen
duidelik afgeskei het. Dis 'n skandelike dag dat die eens trotse SAOU
nou in hierdie geselskap voordeel soek.
VERGOEDING IS PROBLEMATIES
Dit is so dat die onderwysberoep oor baie jare beskadig is deur
vergoeding wat nie tred gehou het nie, en nie erkenning gegee het aan
die professionele status en besonder belangrike posisie wat dit in 'n
samelewing behoort te hê nie. Dit is ook op die oomblik waar dat
onderwysers gerus beter vergoed mag word, maar as die onderwysberoep
homself verlaag tot stakings waarin hulle boonop soos 'n klomp
kommunistiese arbeiders met pette, T-hemde en vuvuzelas die strate
invaar, doen hulle self mee aan die afbreek van die status van
onderwys, wat in beginsel 'n edele en hoogstaande funksie in die
samelewing behoort te wees. Die regering moet ook verantwoordelikheid
aanvaar vir hierdie steurings in die onderwys as belastinggeld links
en regs vermors word en in korrupsie opgaan, terwyl onderwysers nie
opgebou word vir die belangrike rol wat hulle in die samelewing vervul
nie.
VERHOUDING MET PRIVAATSKOLE
Hierdie optrede van die SAOU is onverantwoordelik en rig onberekenbare
skade aan in die geloofwaardigheid van die uitoefening van dissipline
in skole. Dit is ook 'n terugslag vir die verhoudinge van die SAOU met
privaatskole – en veral daardie privaatskole wat ernstig probeer om
Afrikaanse christelike onderwys te handhaaf – as die SAOU met die
werkersvakbonde in kommunistiese wyse van optrede saamspan pleks
daarvan om sterker aansluiting te soek by die Afrikaanse christelike
onderwysinisiatiewe.
Ouers wat ernstig is oor die handhawing van onderwysstandaarde en die
opsoek van christelike onderwys vir hulle kinders, moet kennis neem
dat hierdie staking die antitese tussen staatsonderwys en christelike
privaatonderwys versterk, en dat die maak van besliste keuses tussen
staatsonderwys en christelike onderwys nie langer uitgestel kan word
nie.
Die christelike privaatskole, en meer spesifiek rolspelers soos die
Beweging vir Christelik-volkseie Onderwys (BCVO) en ARSO (Aksie
Reformatoriese Onderwys) wat tot 'n mate die ruimte vir Afrikaanse
christelike onderwys te beset, moet egter ook besin hoe lank die
onder-gekapitaliseerde situasie in hierdie geledere volhoubaar is.
Intussen moet ons almal die onderwysers wat hier aanhou werk - dikwels
met beperkte hulpbronne en met onbevredigende vergoeding – salueer.
Dat hierdie personeelkorps nie staak en ronddans nie, is 'n beskamende
voorbeeld vir die SAOU se lede en moet ouers opnuut laat dink in
watter skole kinders regtig leer hoe die gelowige sy lewe inrig, en
waar daar standhoudende onderwys is waar roepingsbewustheid sigbaar
is.
OPLOSSINGS
Die huidige regering het al dikwels gewys hoe min hy hom werklik aan
sy bevolking sy behoeftes steur en die staking gaan weinig invloed op
die regering hê. Dit breek onderwys net nog verder af.
Christelike Afrikaanse onderwys moet sy wortels terugvind, met insig
hoe om dit in praktyk werkbaar te maak in die Suid-Afrika van die
21ste eeu. Die pad vir gesonde onderwys is een wat los staan van die
huidige regering en aansluiting soek by westerse standaarde, en vrye
onderwys is wat onder eie beheer van die gemeenskap vir die die
onderwys opgestel is, staan, sonder regeringsinmenging.
Dit is bereikbaar deur privaatonderwys wat die Bybel bely en ken, en
wat die onderwyser betaal wat sy werk werd is (Lukas 10:7; 1 Timotheüs
5:18). Dit verg sake-insig wat skole tot stand kan bring wat nie net
in geestelikheid sterk staan nie, maar ook 'n realistiese bestaan en
loopbaan aan onderwysers kan bied. Die Afrikaner-sakemanne, geestelike
en onderwysleiers se kundigheid moet saamgevoeg word om skole op te
rig wat leerlinge en onderwysers vanself sal aantrek, en wat werklik
in die 21ste eeu onderwys lewer.
As die skande van die staking waarin Afrikaner-christenonderwysers nou
meedoen in die kommunistiese styl, kan dien om ons wakker te skud; om
ons op te roep om met wesentlike kapitaal skole te bou wat die mooi
ideale, maar sukkelende formate van Christelike Afrikaanse onderwys
tot die eer van God en die voordeel van hele samelewing kan sterk
maak, dan kan hierdie staking dalk tog 'n goeie uitwerking hê.
LEONARD VAN DER DUSSEN
Besturende Direkteur
Selfoon : 082-5732-732
Epos : lvddussen@indicato.co.za
AGTERGROND
Indicato Inligting (Edms) Bpk se aandeelhouers is al meer as tien jaar
betrokke by privaatonderwys. Die Indicato-kurrikulumstelling is 'n
standpuntinname vir Christelike onderwys en met spesifieke verwysing
na die Afrikaner se wese wat met calvinisme en veral die gereformeerde
belydenis wat geformuleer is vanuit die hervorming van die 16de eeu
verbind is.
Indicato sien die begrip "skool" in die 21ste eeuse konteks as 'n
instelling wat gesonde basisonderwys lewer, sport speel en
kultuuraktiwiteite beoefen sodat leerlinge binne hulle skool 'n
samelewingsverband ervaar met onderrig as die formele produk, terwyl
die wyse van hoe ons Suid-Afrikaanse samelewings sport- en
kultuurbeoefening aan dieselfde skool verbind, erken word.
Die sakemodel vir suksesvolle en volhoubare skole moet die 21ste eeu
verstaan, wat korporatiewe beeld en bedryf gebruik en nie in 'n
post-modernistiese samelewing nie op grootskaalse vrywilligers
lojaliteit kan reken om te groei nie.
Leonard van der Dussen is ook voorsitter van Laerskool Raslouw en
Hoërskool Raslouw, onafhanklike privaatskole wat deur 'n filiaal van
Indicato besit word en het dus aktiewe daaglikse insig in die
werklikheid van christen-Afrikaneronderwys.
Die volgende webblaaie word aanbeveel vir verdere agtergrondinligting:
www.indicato.co.za
www.raslouwskool.co.za
www.saonderwys.wordpress.com
www.saou.co.za
www.bcvo.co.za
www.arso.co.za
www.aros.ac.za

Boeredag Terugvoer

Maandag oggend 9 Augustus het so stil-stil aangebreek, maar in baie van ons het daar ‘n opgewondenheid geborrel. Vandag is Boeredag! Na die skriflesing en gebed het daar lieflike lofsange opgeklink, en ons het sommer dadelik geweet ons is presies waar ons hoort! Mense het van oral gekom, en selfs ook lang afstande afgele om die dag by te woon. Dit was wonderlik om te sien hoe almal met sakke en bokse klere, kos en selfs toiletpapier daar opdaag. Elkeen het gebring wat hy kon, of geskenk wat hy kon. Die Boeresport was heerlik, en groot en klein het deel uitgemaak van die pret. Die boerevolk het lanklaas so lekker gespeel . Dit was ‘n unieke geleentheid waar mense mekaar weer kon leer ken, en weer hande kon vat, al was dit so tussen rou eier en meel deur . Die jong manne het gedink hulle is sterk, en het die ou manne uitgedaag met die toutrek. Al was die jong manne baie meer, het die ou manne tog maar gewys dat die krag nog by die wysheid lê! Die Boeremusiek was iets besonders en dit is iets wat ons min sien. Mens se voete het sommer gejeuk toe hulle daar wegtrek met die instumente en die konsertina. Die atmosfeer en gees wat daar geheers het was uit die boonste rakke. Ons het weereens besef dat ons baie meer aandag aan hierdie deel van ons kultuur sal moet skenk. Die besluit om dit by ‘n arm blanke gemeenskap te hou, het dalk vreemd geklink, maar dit was nodig om te sien hoe die mense leef. Hulle is deel van ons volk. Hulle het baie moeite gedoen om die terein baie netjies te maak, en hul organisasie rondom die braaiers, gedekte tafels, en kos was uitstekend. Hierdie dag was gehou om die mense weer naasteliefde te laat ervaar, net boer-wees, sonder enige verdere kompilkasies en politiek. Ons het baie versoeke ontvang om meer gereeld so dag aan te bied, en dit is iets wat ons defenitief sal doen.

Uitnodiging na Boere-dag

Heerlike Boeredag

Ons het dit goedgedink dat ons as volksgenote ook op 'n sosiale vlak
met mekaar moet verkeer. Ons praat van saamstaan en nie saamstaan nie,
maar ons weet nie eens wie is ons mede boere nie!

Die tyd het aangebreek dat ons nou werklik die hande na mekaar moet
uitreik, en daarom word elkeen van julle persoonlik genooi na 'n dag
van boeresport en samesyn op Maandag 9 Augustus 2010. Kom wys jou
kinders wat is goeie vermaak!

Ons beplan om ongeveer 9 uur te begin met opening, waarna lekker
boeresport sal volg en 'n vleisie op die kole of potjiekos, nes u
verkies.

Die toegang vir die dag beloop R30 per voertuig wat geskenk sal word
aan die arm blankes om by te dra vir hulle vrugte-boom projek.

Adres: Kameeldrift 225, Pretoria-Wes.
'n Volledige kaart met aanwysings sal geplaas word op:
http://boere-eenheid-forum.cultureforum.net/gebeurlikhede-en-uitnodigings-f62/boeredag-9-augustus-t3375.htm#18941

Pak dus jou piekniekmandjie en bring jou goeie gesindheid en 'n
opvoustoel saam, ons sien jou daar!

Aanwysings : GPS koordinate S 25 41' 58,81" en O 28 00' 09,36" Ry
vanaf Pta uit met vd Hoff weg(R514) reguit verby die ou makro oor die
ou trein spoor. Draai regs uit in Charl str, na ong 350 meter op
regterkant is die ingang.

Bemarkingspamflet - Orania Jeugbeweging

Goeiedag,

Aangeheg en hieronder is 'n bemarkingspamflet vir die Orania Jeugnaweek.
Lees asseblief deur. Daar is min plek beskikbaar. Lees asseblief mooi oor
hoe om in te skryf. Die vormpie hieronder moet ingevul word. Charl
Oberholzer en Nikke Strydom hanteer die inskrywings. Die
'ouderdomsbeperking' vir lidmaatskap van die Orania Jeugbeweging gaan 18 tot
30 wees.

Groete,

Jaco Kleynhans

A5 pamflet (2).jpg

Indien jy graag die Orania Jeugnaweek wil bywoon kan die volgende vormpie
voltooi en aan <mailto:nikke.kastanje@gmail.com> nikke.kastanje@gmail.com
of <mailto:charl.oberholzer@gmail.com> charl.oberholzer@gmail.com gestuur
word:

Naam en Van

Selfoonnommer

E-posadres

Dorp / Stad

Busvervoer

JA

NEE

Die geskiedenis KAN homself herhaal…

Op 'n ysig koue wintersdag tydens die Tweede Wêreldoorlog kom ongeveer
sewentig duisend mense by die Vrouemonument in Bloemfontein byeen om
aan hulle leiers en die wêreld die boodskap te gee: "Ons is nie
tevrede om slawe van die Britse Ryk te wees en te bly nie: ons eis ons
gesteelde republiek op."

Sewentig jaar later wil die nageslag van daardie mense weer die koue
winterweer van die jaar 2010 trotseer om op dieselfde plek daardie
geleentheid te herdenk. Maar die terrein van die Vrouemonument,
volksbesit, word hulle geweier…

Watter groter bewys is daar dat ons volk, die Boere- of Afrikanervolk,
in knegskap leef, as hy nie mag byeenkom by sy monument, waar sy
volkshelde pres. MT Steyn, generaal Christiaan de Wet, Vader Kestell
en Emily Hobhouse begrawe lê nie? De Wet was nie net bereid om die
wapen teen die buitelandse Britse onderdrukker op te neem vir sy
vryheid nie, maar hy was ook bereid om die wapen op te neem teen sy
eie mense wat in die pad van vryheid gestaan het, soos Louis Botha en
Jan Smuts tydens die Rebellie. Maar ons mag nie by sy graf dit herdenk
waarvoor hy en sy nageslag gestry het nie…?

Tog gaan hierdie gebeurtenis sewentig jaar gelede, toe ons voorgeslag
hulle republikeinse eis sigbaar gaan stel het, nie onvergete verby
nie. Gelukkig ly die Paardekraal Monument Komitee nie aan die moderne
siekte van politieke korrektheid en nasiebou nie, en het wél hulle
terrein beskikbaar gestel om die geleentheid te herdenk, en dit vind
more, 17 Julie plaas.

Weer eens gaan duisende volksgenote opruk, hierdie keer na
Paardekraal, enersyds om die stryd van hulle voorgeslag te herdenk,
maar andersyds om daardie onvoltooide stryd voort te sit, en om die
basis te lê sodat die volgende geslagte daarop kan voortbou, soos ons
vandag kan voortbou op die fondamente wat ons voorgeslag gelê het.

Toe die volk in 1940 hulle eis om 'n republiek gaan stel het, was die
Tweede Wêreldoorlog aan die gang. Daar was tog 'n hoop dat die Britse
Ryk se mag gebreek sou kon word, sodat die Boerevolk weer vry kon
word. Die geskiedenis het egter 'n wyer draai geloop. Dit was eers agt
jaar later dat 'n politieke keerpunt gekom het toe die Nasionale Party
die regerende party geword het. Maar uiteindelik was dit eers een en
twintig jaar later dat die land 'n republiek geword het. Baie mense
wat in 1940 by die Vrouemonument was, het dit nie eens meer beleef
nie, maar hulle teenwoordigheid het die geesdrif, besieling en gesig
op 'n uiteindelik vrye republiek help posvat, sodat opvolgers dit wel
kon verwesenlik.

Daardie republiek se karakter is uiteindelik vernietig met die gebeure
van 1994, en die Boerevolk word tans weer onderdruk, nie direk meer
deur Brittanje soos dit was in 1940 nie, maar deur Afrikane wat dit
doen in dieselfde taal as die verdrukkers van 1940.

Die republikeinse vryheidsvlam brand steeds in ons volk. En more gaan
daardie vlammetjie by Paardekraal heel moontlik weer van 'n vlammetjie
na 'n fakkel groei. Mog dit egter bestem wees dat dit na 'n veldbrand
van republikeinse volksvryheid kan groei, wat ons volk se geesdrif
weer laat opvlam soos dit was in 1940, en dat ons weer by ons eie vrye
republiek kan uitkom.

More gaan daar waarskynlik weer geskiedenis gemaak word, net soos die
sewentigduisend mense in 1940 onbewustelik geskiedenis gemaak het, en
waarskynlik daarmee die verloop van die toekomstige geskiedenis in 'n
rigting gestuur het. Daarom is dit nodig dat die volk more in
maksimale getalle na Paardekraal opruk, ongeag hoe warm of hoe koud
die weer is, om weer geskiedenis te maak, en hopelik die verloop van
die geskiedenis in die toekoms in die regte koers te druk.

Die geskiedenis kan homself herhaal more. Dit sal nie vryheid oormôre
beteken nie, maar kan inderdaad 'n verskil in die toekoms maak. Maar
ook hier geld die bekende woorde van President Brand: "Alles sal
regkom… as elkeen sy plig doen…" Elkeen se eerste plig is om more op
Paardekraal die stryd van ons voorouers te herdenk, en dit ons s'n te
maak vir die toekoms.

http://www.bravoland.co.za/forum/index.php?topic=5414.new;topicseen#new

HNP Konferensie

13 Julie 2010

UITNODIGING!

Geagte Strydgenoot,

VRYSTAAT-KONFERENSIE, 24 JULIE, WELKOM:

Die HNP gaan voortaan minder vergaderings in Pretoria hou en gereeld
konferensies landwyd in die verskillende streke hou.

Die Party wil graag gereeld met die ampsdraers en lede oor die land
gesprek voer. Almal kan nie gereeld na Pretoria gaan nie, maar die
Leiers is bereid om die verskillende streke te besoek. Daarom dat daar
deurlopend in die streke konferensies gehou gaan word.

Die Streekkonferensie vir die Vrystaat word op Saterdag, 24 Julie om
09:00 by die Bundu Lodge net buite Welkom gehou. Die Lodge is op die
Hennenman- Odendaalsruspad.

Die inhoud van die konferensies sal min of meer soos 'n
Hoofbestuursvergadering wees. Die politiek sal bespreek word, maar
sake van die HNP sal aandag kry en beplan word. Dit is anders as 'n
openbare vergadering. Daarom is veral ampsdraers en lede welkom. Nuwe
belangstellendes kan toegelaat word, maar u moet daaroor goed oordeel.

By dié konferensies moet 'n paar sake aandag kry:
• Mnr Andries Breytenbach wil graag as Leier die lede van die HNP leer ken;
• Dit is nodig dat die lede kennis maak met die mens Andries
Breytenbach maar ook met die uiters bekwame politieke leier wat die
HNP het;
• Die lede moet ingelig word oor die vryheidstryd. Wat belangrik is,
is dat die HNP die leiding moet neem. Die HNP is die enigste politieke
party wat die stryd vir vryheid voer.
• Die lede van die HNP moet geleentheid kry om ingelig te word, maar
meer nog, moet kans kry om hulle uit te spreek en vrae te vra en
voorstelle te maak.
• Die HNP sal sy organisasie drasties moet uitbou indien ons die stryd
wil wen. Baie meer strydrade sal gestig moet word.
• Die streekkonferensies sal hulle moet uitspreek daaroor of die HNP
in elke streek 'n streekleier of –voorsitter moet kies met 'n
streekkomitee om die streek se sake te bestuur in oorleg met die
Hoofbestuur.
• Die streekkonferensies sal moet besluit waar in die streek
vergaderings of funksies gehou moet word, en wanneer en waar die
streek 'n groot streekbyeenkoms of stryddag gaan hou.

Ons nooi u hartlik uit om dié konferensie by Welkom by te woon. Daar
word baie moeite gedoen met die reëlings. Probeer asseblief om 'n paar
uur van u tyd op 24 Julie aan die HNP af te staan. Bring die HNP-lede
en –ondersteuners in u omgewing saam. Die vryheidstryd is nie 'n
rusbankstryd nie. Die HNP het u nodig, net soos die Afrikanervolk die
HNP nodig het. Ons sien daarna uit dat u teenwoordig kan wees.

Met opregte Afrikanergroete,

------------------------------------------
LOUIS VAN DER SCHYFF
HOOFSEKRETARIS

NASKRIF: Onthou die Spesiale Kongres op Saterdag, 21 Augustus.

http://www.bravoland.co.za/forum/index.php/topic,5518.msg71408/topicseen.html#new

Byeenkoms 17 Julie 2010: Paardekraalmonument

Geagte Volksgenoot en vriend en Afrikanerfront lid,

Hiermee wil ek u herinner aan die bogenoemde geleentheid wat plaasvind
op die 17de Julie te Paardekraal monument.

Oorspronklik sou die fees by Paardekraal sowel as by die Vrouemonument
in Bloemfontein plaasvind. Ongelukkig het die bestuur van die Vroue
monument nie hulle weg oopgesien om ons te akkommodeer op hierdie
datum nie.

Daar is nog so paar kleinigheidjies wat aan geskaaf moet word voor die
finale program amptelik aangekondig sal word.

In aanloop tot die fees gaan die Paardekraal Verkenners die agbare
J.G. Strijdom weer inlyf as die Eerste minister van die republiek van
Suid-Afrika. Dit sal om 20:00 plaasvind op Donderdag die 15de Julie
2010n by die standbeeld van J.G. Strydom oorkant die monument.
Op Vrydag die 16de Julie 2010 om 19:00 sal daar 'n Cantus aangebied
word op die Paardekraal terrein. Dit sal sorg vir groot pret, soos die
Cantus gewoonlik is.

Die program vir Saterdag 17 Julie skop eers om 12:00 af. Die manne en
dames wat van vêr af kom, kan dus betyds hiervoor opdaag.
Die dag begin met 'n vlag optog waarna 'n vlag voorstelling gedoen sal
word om ons mense weer te herinner aan die vele volks vlae wat n rol
in ons geskiedenis gespeel het.
Hierna vind die opening plaas, gevolg deur twee bekwame sprekers: Mnr.
Andries Breytenbach (Voorsitter van die Afrikanerfront) en Prokureur
Paul Kruger van die Volksraadsverkiesing kommissie.
Daarna sal ons op eg Boere tradisie vermaak word met Volkspele.

Daar is ook deurlopend kos stalletjies wat beman word deur die kerke
wat geaffilieer is by die Paardekraal fees kommissie.
Daar sal ook 'n skyfskiet, bok drol spoeg en vele ander stalletjies
wees wat sal sorg vir vermaak.
Die boekwurms kan uitsien na egte volkseie boeke.

Radio Pretoria gaan ook die dag saam met ons deurbring.

Ek wil 'n beroep op alle Afrikanerfront organisasies doen om hierdie
inligting onder al julle lede te versprei. Alle Afrikanerfront
organisasies kan 'n gratis inligtings stalletjie beman op hierdie dag.
Indien daar volkseie produkte verkoop wil word, kan u my ook kontak om
te hoor wat die koste, indien enige, daaraan verbonde sal wees. Daar
is sovêr slegs 'n handjie vol organisasies wat wel aangedui het dat
hulle hiervan gebruik sal maak. Dit is die ideale geleentheid om jou
organisasie te bemark onder volkseie mense.

Daar kan ook gebruik gemaak word van die kamp terrein op die
Paardekraal perseel vir die wat van vêr af kom, of wat nie op en af
wil ry nie. Die wat net wil saam kuier is ook meer as welkom. Die
terrein is omhein met 'n elektriese heining, dus is veiligheid nie 'n
probleem nie. Daar is ook warm water in die ablusie blokke beskikbaar
vir die wat nie kans sien vir 'n koue stort nie.

Kom geniet hierdie naweek saam met ons.

Vir enige navrae kan Alwyn de Klerk gekontak word op 082 940 8825 of
by alwyn@fenco.co.za.

http://www.bravoland.co.za/forum/index.php/topic,5414.0.html

Kragdag

Kragdag Diamantvallei
22 Mei 2010

Verhoogde kragtariewe? Elektrisiteit 'n luukse? Terug na lamp en kers en primus?
Gelukkig hoef dit nie!
Alhoewel elektrisiteit van Eskom vir baie van ons 'n swaar las word,
is daar gelukkig 'n nuwe beweging na alternatiewe kragbronne en word
Eskom met sy reuse tariefverhogings juis die stimulus vir nuwe
uitvindings en die ontwikkeling daarvan.
Diamantvallei se Kragdag wil uitvindings en produkte bekendstel, wat
ons almal meer onafhanklik maak
Krag lê in onafhanklikheid daarom wil ons ook Sekuriteitsisteme,
Selfverdediging, alarms, plaas-en huisbeveiliging hier ten toonstel
Ons nooi dus uitstallers met hulle produkte: Sonverwarming vir kook en
waterverwarming, alternatiewe verbrandings materiaal (bv jel) , LED
ligte vir besparing, Sonpanele, batterye, windlaaiers,
brandstofontwikkeling (bv bio-diesel) Sekuriteit ens
En dan nooi ons almal wyd en syd om te kom kyk wat op die mark of in
omloop of in ontwikkeling is
Ons nooi ook daardie innoverende individue wat slim planne bedink en
in werking stel om vir ons te wys en verduidelik
Ons het reeds tevore 'n baie suksesvolle Kragdag op Diamantvallei
gehou en intussen het baie van die produkte wat nog slegs in 'n
eksperimentele fase was, praktyk geword. Nuwe produkte het op die mark
verskyn. Nuwe kennis het na vore gekom.
Daar is pryse vir die beste idee of model vir die opwekking van
alternatiewe energie of energie besparing in die volgende kategorieë.
A. Laerskool
B. Hoërskool
C. Individue
Stuur asb vir ons jou idee of bring jou model. Daar is nog tyd tot 20 Mei
Ons is nie meer oorgelewer nie!!
Bespreek u stalletjie @ R50 buitenshuis en R100 binnenshuis (beperkte
aantal) en onderdak betyds by
info@diamantvallei.co.za of tel 012 736 2154 /083 2585 239
Hendrik en Alida Verwoerd

GKK Nampo Vergadering

Volksvergadering 8 - 10 Oktober 2010

Geagte Volksgenoot

Tydens die Volksvergadering van die Geloftevolk te Vegkop,
September 2009, is verskeie sake aan die GKK opgedra. U word versoek
om kennis te neem van die volgende en om asseblief u deelname te
verleen. Al die besluite is verkrygbaar by bostaande adres asook by
http://www.volksvergadering.co.za

Volkskommunikasie

In die nastrewing van Volksvryheid is dit noodsaaklik dat volksgenote
onbelemmerd gesprek moet kan voer en aktuele inligting moet kan
bekom. Tans is daar weinig openbare media wat die vryheidspad saam
met die Geloftevolk wil stap. Die internet vul daardie leemte en maak
dit moontlik dat ons direk met mekaar kan kommunikeer.
Maak asseblief u bydrae deur u e-pos adres, asook dié van mede
volksgenote te voeg by die Volksdata:
http://www.volksvergadering.co.za
Klik op "Komitee"
Klik op "Versoek om inligting te ontvang" Vul inligting in;
Klik op "Stuur versoek".
U kan ook u telefoon en/of selfoon nommer, asook u posadres stuur aan
Phillip Groenenstein by 083 334 1547 of vrkomitee@gmail.com

Volksvergadering 2010

Die volgende Volksvergadering van die Geloftevolk sal DV plaasvind
gedurende 8 – 10 Oktober 2010 te Nampo Park naby Bothaville –
GPS S 27°13'936" O 26°39'958".

Voorstelle, of versoeke tot 'n spreekbeurt kan aan Frikkie Strauss
gestuur word by vvr@xsinet.co.za vóór 1 Augustus 2010. Die program
en sakelys sal later bekend gemaak word.

Bybelse Beginsels

Die Geloftevolk se begeerte is om in 'n toekomstige Volks-huishouding
ons Hemelse Vader ter getuienis van Sy onuitspreeklike Grootheid,
Almag en Genade te eer en te dien.

'n Komitee is getaak om die funksionering van 'n Teokratiese
Volkshuishouding te ondersoek en by 'n volgende Volksvergadering ter
tafel te lê. Indien u enige bydrae in hierdie opsig kan maak kontak
asseblief Dr. Jann Schlebusch by 051-5750710, of 0729593214 of
epos: jann.schlebusch@gmail.com

Volksverootmoediging

Ter uitvoering van die opdrag van die Volksvergadering dat die Volk tot
verootmoediging begelei moet word, is die GKK ook berokke by 'n
Onafhanklike Reëlingskomitee wat intussen saamgestel is uit bekende
volksaksies wat verootmoediging nastreef. Daar word 'n beroep gedoen
op volksgenote om mee te doen aan 'n gebedsaksie om daagliks om
05h00 spesiaal te bid dat ons as volk tot verootmoediging sal kom.
Gesamentlike geleendhede ter verootmoediging word beplan vir 10
Oktober en 16 Desember 2010. Elke gesin word versoek om die
volksgeloftes opnuut ter harte te neem, en die gesinsaltaar in stand te
hou deur die volgende opdrag te gehoorsaam:
Deut.6:6-7 "En hierdie woorde wat ek jou vandag beveel, moet in
jou hart wees; en jy moet dit jou kinders inskerp en daaroor spreek as
jy in jou huis sit en as jy op pad is en as jy gaan lê en as jy
opstaan."
Vir verdere besonderhede kontak die sekretaris Pieter Bothma by
083 542 9993, phb@joba.co.za of besoek http://www.bidsaam.co.za

Befondsing

Die vrywordingsproses verg aansienlike finansiële insette. Bydraes sal
opreg waardeer word. Verskaf asseblief u kontakbesonderhede sodat
dank aan u betuig kan word.

Bankbesonderhede is soos volg:
Naam van rekening: Geloftevolk Koördinerings Komitee;
Absa Bank; Tak: Vanderbijlpark; Takkode: 632005;
Spaarrekening nommer: 92 3938 7030.
Skakel Gerhard Smith by 082 952 9228 of jjgsmith@mweb.co.za

Groete
Dr. Ronnie van der Merwe; Voorsitter GKK, cvofraser02@telkomsa.net

Dokument beskikbaar by :
http://groups.google.com/group/onsstem-van-die-nasie/browse_thread/thread/9cba1dd33ced3530

Regse komplot onthul of nie ?

Radio Pretoria Nuuskommentaar vir 11 Mei 2010
Regse komplot onthul, of nie?

Verlede week pryk dit op die plakkate van koerante in die strate:
"Regse komplot opgerol, bomplanters gearresteer." Die His Masters'
Voice van die ANC, die SABC, maak dit hoofnuus op sy nuusbulletins.

Uiteindelik. Almal het dit verwag na die gruwelike moord op meneer
Eugene Terre'Blanche: die sogenaamde vêrregses gaan uiteindelik
moeilikheid maak, want almal weet dat die Boerevolk briesend kwaad is.
Hulle was te lank stil, niemand het gekoördineerde dom dinge gaan
doen nie. Die yster dissipline wat heers onder die Boerevolk, is vir
die regering 'n steen des aanstoots, selfs waarskynlik 'n bron vir
ongekende vrees. Daarom moet daar eenvoudig iets gebeur. En as dit
dan nie gebeur nie, moet dit maar so 'n bietjie aangehelp word.

Waarskynlik is die Verkennersbeweging heeltemal korrek in hulle
ontleding dat die sogenaamde vêrregses wat gearresteer is, net 'n
foefie is van die Kommuniste om 'n soort revolusie binne hulle reeds
voortwoedende revolusie te kweek.

Die ANC se minister van polisie het die aankondiging van die
"verregses" wat gearresteer is, gemaak voor die parlementêre
portefeuljekomitee. Sy ANC-revolusiemaatjies, dus. Omdat wet en orde
nie meer bestaan nie met meer as vyftig moorde per dag, moes hy 'n
weerligafleier kry om sy revolusiemaatjies tevrede te hou, en die
afgelope sestien jaar onder ANC-verdrukking het al geleer dat niks so
goed werk as om 'n regse of wit gevaar te skep nie. Dit lei dadelik
die aandag af van alle tersaaklike dinge.

Dieselfde naweek dat meneer Eugene Terre'Blanche vermoor is, het His
Masters' Voice ook berig dat daar gesoek word na 'n wit
dubbelkajuitbakkie iewers in Oos-Transvaal waaruit daar geskiet is op
'n minibus-taxi. Dit was sommer ook die laaste wat gehoor is van die
hele saak.

Nou is daar weer op 'n beweerde regse komplot afgekom om plofstof in
swart woonbuurte te gaan toets. Selfs Rooikappie sou waarskynlik
swaar gesluk het aan so 'n storie. Verder word daar gegis oor hoeveel
mense gearresteer is en aan welke organisasie hulle verbonde is.
Radio Pretoria het met al sy krag en middele beskikbaar probeer
vasstel watter organisasies betrokke sou wees, maar ons soeke het op
niks uitgeloop nie, waarskynlik omdat dit doodgewoon 'n wolhaarstorie
was.

Waarop ons wel afgekom het, is dat, toevallig dieselfde naweek as die
moord op meneer Terre'Blanche, die polisie wel skynbaar toegeslaan het
op mense wat onwettige wapens besit het en wat hulle nie ingehandig
het gedurende die amnestietydperk nie, en waarvan die polisie bewus
was. Enkele arrestasies is skynbaar daaroor gemaak, maar dit het
totaal niks met 'n vêrregse komplot te doen gehad nie, die mense was
sovêr vasgestel kon word, nie eens lede van die bekende organisasies
nie, en ook nie besig met 'n soort staatsgreep nie. Skynbaar het die
minister hierdie arrestasies gebruik om homself belangrik te laat lyk
asof hy nou 'n formidabele komplot oopgevlek het. Daarmee saam poog
hy om volksgenote wat wel besig is om te organiseer om hulleself te
beveilig, en wat hulle vryheidsideaal wil verwesenlik, die skrik op
die lyf te jaag en hulle van hulle planne te laat afsien.

Vir die minister wag daar waarskynlik 'n groot ontnugtering. Ons volk
het sy vrees afgeskud, en dit kos meer as fabels om hom weer bang te
maak. Die volk het na die Ventersdorpse landdroshof in duisende
opgeruk, ten spyte van dreigemente van arrestasie. Die volk het in
nog baie meer duisende opgeruk na die begrafnis op Ventersdorp, ten
spyte van dreigemente dat Cosatu 'n groot byeenkoms 'n klipgooi
daarvandaan gaan hou. Sedertdien daag die volk in sy duisendtalle op
by openbare vergaderings om betrokke te raak in veiligheidsnetwerke,
en by instansies wat werk vir die republikeinse vryheid vir ons volk.

Die gees van volksnasionalisme het weer in beweging gekom.
Volksnasionalisme is 'n wêreldwye verskynsel. Volksnasionalisme kan
nie in tronke gestop word nie en ken geen vrees nie. Daardie gees
leef nou in ons sterker as ooit, en sal eers weer tot bedaring kom in
'n eie vrye volksrepubliek. Intussen gaan ons nie val vir
publisiteitsfoefies en intimidasie deur die ANC-bewind nie.

Hemelvaartdag

Die Verkenners Beweging van Suid-Afrika steun die oproep van die
Oranje Sake Instituut en die Oranje Sakekamer van Pretoria op
volksgenote om Hemelvaartdag, die 13de Mei 2010 in dankbaarheid
teenoor die Almagtige Vader deur te bring. Ook word die beroep op
volksgenote met besighede om hierdie dag hule besighede te sluit en
volksgenote wat werknemers is, om verlof te neem gesteun. Die
Verkenners Beweging van Suid-Afrika doen 'n beroep op alle
lidorganisasies van die Afrikanerfront en Afrikaanse kerke, om hierdie
oproep te steun en ook hulle lede aan te moedig om hierdie dag te
eerbiedig.

Ben Geldenhuys
President
Verkenners Beweging van Suid-Afrika

Voortrekkermonument verklaarde instelling ?

28 April 2010

Die Voortrekkermonument is tans besig met wat hulle beskryf as 'n
omvattende oudit. Een van die aspekte, is 'n emmosionele oudit wat met
behulp van 'n vraelys gedoen word wat genoem word 'n quo vadis
vraelys.

Op die webwerf van die Voortrekkermonument is die vraelys beskikbaar
en daar is ook op hierdie webwerf 'n verduideliking van die doel van
hierdie vraelys. In die agtergrondinligting word verduidelik en ek
haal aan: "Gegewe die finansiële omstandighede moet daar onder andere
bepaal word wat die wenslikheid al dan nie daarvan is om hierdie
instellings as nasionaal verklaarde instellings te laat registreer."

Ter verduideliking van wat 'n verklaarde instelling is, word die
volgende aangebied: In die eenvoudigste moontlike terme is 'n
verklaarde kulturele instelling (hierna net na verwys as "verklaarde
instelling"), 'n instansie wat aan die staat behoort. Dit word 100%
deur die staat befonds en hoewel ander fondsinsamelings-projekte gehou
kan word, word die totale begroting besonder streng beheer en is die
'Public Finances Management Act - (PFMA)" 100% van toepassing. Met die
ander funksies van so 'n instelling word nie ingemeng nie, maar
aspekte soos swart ekonomiese bemagtiging ("BEE"), voorsieningsbestuur
("supply chain management"), aankope is 100% van toepassing.

Vir menigte volksgenote is dit totaal onaanvaarbaar dat daar enigsins
gedink kan word om die Voortrekkermonument in 'n verklaarde instelling
te verander, veral omdat die bestuur deeglik bewus is van die gevolge
van so skuif. Gevolglik het talle besorgde volksgenote ander
volksgenote aangemoedig om die vraelys in te vul. ds. Coen Janse van
Rensburg van Natal het ook die APK lidmate versoek om hierdie vraelys
in te vul en het die volgende motivering daarvoor gegee: "Ek sluit
hierby in 'n vraelys wat gaan bepaal wat met die Voortrekkermonument
in Pretoria gaan gebeur. Die betrokkenes tans by die monument wil dit
aan 'n swart bemagtigings organisasie "verkoop". Die volgende een is
glo Bloedrivier."

Hierdie boodskap is ook op die voorblad van die APK se webwerf geplaas.

Let asb dat die woord "verkoop" in aanhalingstekens is. Enige iemand
met 'n basiese begrip van skryf en leestekens, sal weet wat bedoel
word wanneer 'n woord in aanhalingstekens geskryf word, binne die sin
wat ds. Coen dit geskryf het. Enige iemand behalwe Gert Opperman.....

My e-pos is vandag bevuil met 'n e-pos wat oorspronklik van Gert
Opperman afgekom het waarin hy nie net in die karakter van ds. Coen
klim nie, maar waar hy ook ds. Coen as leuenaar verklaar.

Sy e-pos lui as volg na hy die boodskap op die APK webwerf aangehaal het:

"As dit bloot was dat ds van Rensburg van die AP Kerk Newcastle nie
ingelig was nie, kon 'n mens dalk nog probeer het om hom sy onkunde te
vergewe. Hy, as predikant, behoort egter te weet dat baie mense hom
as geloofwaardig sal beskou en sal glo dat sy uitsprake sekerlik
vooraf bevestig is en die toets van waarheid en billikheid behoort te
kan deurstaan. Dieselfde geld natuurlik vir u tuisblad as amptelike
mondstuk van die AP Kerk. Helaas!

Graag word bevestig dat die bewering oor die voorneme om die monument
"aan 'n swart bemagtigingsorganisasie te verkoop", 'n volslae leuen
is, asook die suggestie dat Bloedrivier volgende sou wees. 'n Mens kan
nie anders as om ds van Rensburg se eerlikheid, objektiwiteit en
kwaadgesinde klimaatskepping ernstig te bevraagteken nie. As dit is
hoe hy navorsing doen en "feite" voor verkondiging daarvan bevestig,
sal ek persoonlik dit moeilik vind om ooit ernstig te luister na enige
boodskap wat hy uit die Bybel verkondig, maar gelukkig is ek nie 'n
lid van sy gemeente nie.

Graag word drie afskrifte van sake wat onlangs wyd in die media
gerapporteer is, vir u insae hierby aangeheg. Dit word vertrou dat u
dieselfde prominensie daaraan sal gee op u tuisblad as wat u aan ds
van Rensburg se onwaarhede en onwaardighede gegee het. As minimum
behoort u onverwyld die feite reg te stel en om verskoning te vra, in
belang van u eie beeld en geloofweardigheid as die AP Kerk se
Direkteur van Kerkadministrasie.

Die uwe

Gert Opperman"

Na aanleiding van Gert Opperman se onvermoeë om te lees en te verstaan
wat op die webwerf van die Voortrekkermonument geskryf staan en ook
weens sy onvermoeë om te verstaan wat beteken 'n woord wat in
aanhaalingstekens geskryf staan, sal die Verkenners Beweging van
Suid-Afrika die CVO skool in Pretoria versoek en betaal sodat Gert
Opperman 'n paar Afrikaanse lesse saam met die graad 3 klas kan
bywoon. Dit is immers belangrik dat 'n man wat die posisie van hoof
uitvoerende beampte beklee by die Voortrekkermonument, nie homself en
by implikasie die Voortrekkermonument, belaglik maak, bloot omdat hy
nie basiese leesvaardighede het nie. Ons hoop en vertrou dat Gert
Opperman na hy hierdie vaardighede aangeleer het, sal verstaan wat
geskryf staan op die Voortrekkermonument se webwerf en ook verstaan
wat ds. Coen geskryf het. Verder dring ons daarop aan dat Gert
Opperman die eerbare ding sal doen en ds. Coen verskoning vra vir die
kwaadwillige ongegronde beledigings.

Die uwe,

Ben Geldenhuys
President
Verkenners Beweging van Suid-Afrika

Ns. Ek hoop nie hier is te veel groot woorde in hierdie skrywe nie en
dat Gert Opperman die inhoud hiervan sal verstaan. Dit het my opgeval
dat Mnr. Opperman "VTM" skryf wanneer hy na die Voortrekkermonument
verwys, ek neem aan "Voortrekkermonument" is een van daardie groot
woorde waarmee hy sukkel .

Verkenners Publieke Vergadering Pretoria

Geagte Volksgenote,

Na aanleiding van die tragiese gebeure met die moord van Oom Eugene,
ontvang die Verkenners verskeie oproepe van bekommerde Volksgenote oor
die pad vorentoe.

Aangesien die Verkenners Beweging van SA homself sien as 'n
organisasie wat altyd leiding neem en op die voorpunt van ons
Vryheids-eis is, wil die Verkenners graag die Volk inlig oor wat die
Verkenners glo die pad vorentoe is. Soos die meeste Volksgenote weet,
is die Verkenners 'n beweging wat nie net praat nie, maar ook
daadwerklik oorgaan tot aksie!

Die tema van die publieke vergadering is : "Afrikaner Boerevolk!
Mobiliseer en beveilig jouself! Kom vind uit hóé."

Enige iemand wat wil deel word van die Verkenners, of bloot uit
nuuskierigheid wil kom hoor wat die Verkenners sê, kan die vergadering
NIE mis NIE!

Plek : APK Moot Sentraal - H/v Japonica en Ben
Swart Straat (PTA Moot area)
Datum : 21 April 2010
Tyd : 19:00

Verkenner groete!

Vergadering van HNP, AWB en Die Verkenners beweging

Die Afrikanervolk het tydens 'n gesamentlike vergadering van die HNP,
AWB en Verkennersbeweging op Dinsdag 13 April 2010 by die Willie
Marais Afrikanersentrum in Pretoria, in groot mate sy padkaart na
vryheid self uitgewerk.

Die drie sprekers het kardinale rigtinggewende punte aangedui, waarop
die vergadering uiteindelik uitgebrei het ten einde rigting aan die
pad vorentoe te gee.

Van die belangrikste sake waarin die sprekers rigting gegee het is:

Mnr. Ben Geldenhuys van die Verkennersbeweging:
·Ons is nie meer 'n volk wat bang is vir die ANC nie, en ons weerstand
sal die wêreld verstom
·Ons is nie meer 'n toeskouersvolk nie: elkeen sal die vraag moet
antwoord: "Wat kan ek doen?"
·Begin om jou eie huis skoon te maak
·Raak van volksvreemde arbeid, wat jou lewe en eiendom bedreig, ontslae.
·Raak betrokke by enige organisasie wat lid is van die Afrikanerfront
·Registreer by die VVK en maak reg om deel te neem aan die verkiesing
vir 'n Volksraad.

Mnr. André Visagie van die AWB:
·Daar sal nooit weer iets soos versoening in die land wees nie, en ons
stel nie meer in versoening belang nie.
·Ons wil nie meer langer deel wees van die "nuwe" Suid-Afrika nie.
·Leer uit die lesse van die geskiedenis.
·Begin met taktiese voorbereiding op elke lewensterrein.
·Vertoon volksimbole soos die Vierkleur, ou landsvlag en sing ons
volkslied, terwyl daar praatjies is om hierdie simbole verbied te kry.
·Bid asof werk nie help nie, en werk asof bid nie help nie.

Mnr. Andries Breytenbach, HNP-Leier:
·Ons laat ons nie afskrik in ons eie land nie, want hierdie land is ons land.
·Ons is nie deel van die reënboognasie nie.
·Beveg affirmative action, en beveg blanke armoede.
·Die volk moet groei deur sy aanwas te verhoog.
·Daar moet geestelik voorberei word vir enige gebeurlikheid.
·Ons moet op die regte beginselgrondslag begin, naamlik
verootmoediging teenoor God.
·Ondersteun eie volksinstellings, soos skole, media, banke, sake-ondernemings.
·Ondersteun grondgroeipunte.
·Registreer by die VVK.
·Om oorlog te wil voer sonder voorbereiding, is selfmoord. Werk aan paraatheid.

Na breedvoerige insette van die vergadering self, is uiteindelik die
volgende besluite geneem:

·Stof die Bybel in die volkslewe weer af, verootmoedig voor die
Hemelse Vader, en maak verootmoediging 'n lewenswyse wat elke dag
geld, nie net op die Sabbat nie, en laat die Sabbat weer geheilig
word.

·Hemelvaartdag op 13 Mei sal massaal herdenk word. Mense sal desnoods
verlof neem en volksbesighede sal gesluit wees op daardie dag.

·Laat kinders weer aan moedersknie grootword, waar hulle leer van
God's Woord en van ons Volksgeskiedenis.

·Die volkswieg moet weer gevul word. Daar is die hoop en visie op
vryheid, ons hoef daarom geen vrees vir 'n nageslag te hê nie.

·Raak betrokke by volksorganisasies, maar raak slegs betrokke by dié
organisasies wat ondubbelsinnig die vryheidstrewe van ons volk
bevorder, en waar volsvreemde lede nie toegelaat word nie.

·Boikot neerhalende en afbrekende media-instellings, soos Beeld, RSG,
E-TV, Citizen en almal in dieselfde stal, en ondersteun Radio Pretoria
en ander volksradio's, en help om Die Afrikaner uit te brei as 'n
volkskoerant en kommunikasiemedium tussen volksgenote.

·Maak die volksekonomie sterk. Laat sake-ondernemings aansluit by
Oranje Sakekamers, en ondersteun slegs volkseie ondernemings. Die
vyand moet ons nie met ons eie geld kan beveg nie.

·Bevorder ons volksimbole, as wyse om mekaar te kan uitken, en boikot
enigiemand wat die onderdrukkende nuwe SA-vlag vertoon.

·Ondersoek moontlikhede van belastingweerhouding ten einde die
ANC-bewind ook finansieel te knak.

·Beveg volksarmoede, deur volksgenote in diens te neem, en dank
volksvreemde arbeiders, wat hulle werkgewers besteel en vermoor, af.
Hulle staan onder bevel van Julius Malema, en laat hy maar vir hulle
sorg en kos op die tafel gee. Ons doen dit nie meer nie.

·Sodra volksvreemde arbeid verjaag is, kan stedelike gebiede en
plattelandse gemeenskappe weer meerderheidsbesetting van Afrikaners
hê.

·As die gemeenskappe wat weer meerderheidsbesetting het, nouer
saamwerk, word hele gebiede volksgebiede.

·In sodanige volksgebiede word buurt- en plaaswagte behoorlik
georganiseer en gestruktureer, wat beteken dat veiligheid en
sekuriteit weer in volkshande is en daar geen volksvreemde polisiemag
meer benodig word nie.

·Sodanige buurt- en plaaswagte, saam met die volkskommando's wat
misdaad beheer, behoort nouer met mekaar te skakel.

·Besondere klem moet gelê word op deeglike kommunikasie, om alle
volksverwikkelinge met mekaar te kan kommunikeer. Volksradio's, Die
Afrikaner, internet en kortboodskappe oor loopfone sal aangewend word.

·Die proses vir die registrasie vir die Volks Verkiesings Kommissie
sal bespoedig word om, indien moontlik, die VVK-verkiesing selfs nog
hierdie jaar te hou, as daar meer as 250 000 mense geregistreer kan
word.

Veral die beveiligingsaksie, en die VVK-aksie, moet momentum kry, en
daar moet deeglike voorbereiding gedoen word. Dan sal die volk op 17
Julie vanjaar in groot getalle byeen kom, deeglik voorbereid, by
Paardekraal en die Vrouemonument. Sewentig jaar gelede, op 20 Julie
1940, het 70 000 volksgenote byeen gekom by die Vrouemonument om hulle
eis vir 'n volksrepubliek te herhaal. Daardie geleentheid gaan
herdenk word op 17 Julie, maar ons gaan ook ons vryheidseis hard en
duidelik daar herhaal, en die volk sal dan ook kan bepaal wat verder
gedoen moet word, nadat hy van nou tot dan deeglik voorberei het vir
enige gebeurlikheidsplan.

Die vergadering het dit ondubbelsinnig bevestig dat algehele
volksvryheid die doel is, en dat dit buite die ANC-bestel bereik sal
moet word.

Sunette Bridges - Genoeg

Sunnette Bridges se nuwe liedjie:

Luister hierna op
http://www.sunettebridges.co.za/index.php?option=com_content&view=article&id=51&Itemid=61

GENOEG

Ek's moeg vir die vrese waarmee ons moet lewe
Vir guns en vir moord en vir rape
Ek's moeg vir die bad news vir Zuma en sy views
Waarna ons op TV moet kyk

Ek wil nie meer hoor hoe ons tieners begrawe
Oor niemand hul steur aan die wet
Ek wil nie meer lees van affirmative action
Of baklei om te hou wat ek het

Gee vir my 'n nuwe Gè
'n Koos du Plessis en 'n De la Rey
Wat liedjies sing en skryf en stry
Oor die mooi van ons land en ons reg om hier ten kan bly

Ek's siek vir Malema sy leuens en sy sê maar
Ons hou maar ons mond en betaal
Ons kruip weg in kampe word blind vir die rampe
En bid dat die Heer ons kom haal

Daar's Winnie Madela wat mense verbrand het
Maar nou wil sy huil in haar hand
Die Staatskas is leeg en die ANC jeug
Saai verwoesting en pyn deur ons land

Gee vir my 'n nuwe Gè
'n Koos du Plessis en 'n De la Rey
Wat liedjies sing en skryf en stry
Oor die mooi van ons land en ons reg om hier te kan bly

My Oupa se bloed het betaal vir die grond
Waar sy kinders se kinders kan bly
Maar sy huis en sy lande is nou in die hande
Van die vyand teen wie hy moes stry

Ons kinders verstaan nie waar kom hul vandaan nie
Hul erfenis is uitgewis
Geen Volkslied of Vlag nie en geen Erewag nie
Vir die helde wat daar nie meer is

Gee vir my 'n nuwe Gè
'n Koos du Plessis en 'n De la Rey
Wat liedjies sing en skryf en stry
Oor die mooi van ons land en ons reg om hier te kan bly

Wekroep tot die volk

Die Verkenners Beweging van Suid-Afrika

Media Verklaring

4 April 2010

Die Verkenners Beweging van Suid-Afrika het met hartseer verneem van
die barbaarse moord op die bejaarde Eugene Terre'Blanche. Mnr
Terre'Blanche het sy lewe gewy in diensbaarheid teenoor sy volk wie hy
innig lief gehad het. Dit is hartseer dat hy met sy lewe moes boet,
vir sy diensbaarheid.

Dit is insiggewend om daarop te let dat die moord volg minder as 'n
maand na Mal-emma die eerste keer die opdrag gesing het "skiet die
boer". Dit volg twee dae na die hofbevel teen Malema en daar kan met
reg gevra word of hierdie hofbevel 'n invloed gehad het op die moord
op ons Oom Eugene. Of daar 'n verband is tussen die dood van die
kommunis Hani op Paassaterdag 1993 en die moord op Oom Eugene op
Paassaterdag 2010 is vir die Verkenners Beweging irrelevant. Die feit
is, 'n weerlose bejaarde boer is in sy slaapkamer op barbaarse wyse
met stokke en pangas dood geslaan en die regime van die dag het die
klimaat geskep vir hierdie volksmoord wat teen ons volk gepleeg word.

Die Verkenners Beweging het kennis geneem van die talle oproepe tot
kalmte wat uit verskeie fronte bepleit word. Die Verkenners kan egter
hierdie oproepe tot kalmte nie ondersteun nie, want hoe kan 'n volk
kalm bly as sy bejaardes vermoor word? Hoe kan 'n volk kalm bly as sy
leiers in opdrag van die regime vermoor word? Net 'n mens wat
immosioneel dood is, kan in sulke tye kalm bly. Daarom roep die
Verkenners die volk nie op tot kalmte nie, maar tot selfbeheersing.

Die Verkenners Beweging het ook kennis geneem dat die barbare wat
Malema se opdrag uit gevoer het en die versinningsbeeld van 'n Boer,
Eugene Terre'blanche vermoor het, Dinsdag die sesde April 2010 in die
hof in Ventersdorp sal verskyn. Uit respek vir Oom Eugene, roep die
Verkenners Beweging die volk op na Ventersdorp op 6 April 2010 om aan
die wereld te bewys dat hierdie volk tans gewond is, maar nooit
oorwone.

Ben Geldenhuys
President
Verkenners Beweging van Suid-Afrika

Malema se mond gesnoer

In 'n deurslagewende dringende hofansoek, het 'n lid van die
Verkenners Beweging, Advokaat Jan van Zyl, 'n hofbevel in die Pretoria
se hooggeregshof verkry namens TLU SA teen die leier van die ANC se
jeugliga, Julius Malema. Luidens hierdie hofbevel word Malema verbied
om die woorde "skiet die boer" te uiter.

Die Verkenners Beweging wil TLU SA geluk wens met hierdie hofbevel en
is dankbaar dat 'n lid van die Verkenners Beweging, TLU SA behulpsaam
kon wees met hierdie deurslagewende hofbevel. As in ag geneem word dat
die ANC as party tot die saak toe getree het, is hierdie oorwinning
van soveel meer waarde en die Verkenners Beweging is met reg trots op
Advokaat van Zyl.

Soos reeds bewys deur die Verkenners Beweging met die Fort Schanskop
uitdaging, is Malema 'n uiterste lafhaard en word dit sterk betwyfel
of Malema weer die rassistiese "skiet die boer" lied sal sing. Indien
Malema egter wel tydens 'n ANC byeenkoms weereens magsdronk word en
sing "skiet die boer", sal die polisie se optrede deurslagewende bewys
wees of die regstelsel in Suid-Afrika nog enigsins funksionerend is.

Die Verkenners Beweging is egter van mening dat die regstelsel in
Suid-Afrika reeds vir 'n geruime tyd disfunksionerend is, soos bewys
met die Shabir Shaik saak en dat die ANC die gelykheidshof of 'n ander
hof gaan gebruik om hierdie hofbevel tersyde te stel.

Indien hierdie proses net een boer se lewe red, was dit suksesvol en
sal die Verkenners Beweging, TLU SA, in hierdie saak ten volle
ondersteun.

Ben Geldenhuys
President
Verkenners Beweging

Neutraal staan is ook kant kies

NUUSKOMMENTAAR - 29 Maart 2010

Neutraal staan is ook kantkies

Ewe skielik is daar 'n beroering in die geledere van dieselfde volk
wat grootliks gedwee gesit en toekyk het hoe ontroue politici hulle
vryheid weggegee het aan 'n kommunistebende – 'n stroperbende wat in
die sestien jaar van sy bewind nog niks meer bereik het as om die
Boerevolk en dit wat ons tot stand gebring het, te plunder nie.

Ja, daar is nog altyd die troue, verstandige groepie wat die
oorgawemanie probeer stuit het. Talle organisasies en politieke partye
is al gestig om die proses te probeer stuit, maar die meerderheid het
hulle willoos deur geslepe politici laat mislei.

Vandag raak die nare werklikheid van die nuwe Suid-Afrika alle
blankes. Mense se oë gaan oop vir die werklikheid. Die desperate
rubriekskrywers van pienk media wat probeer voorgee dat die nuwe
Suid-Afrika 'n aardse hemel is, raak al hoe eensamer.

Sedert die ANC se bewindsoorname is die jag op die witman, en veral
die Boerevolk, oop. Duisende van ons mense is al vermoor in wat niks
anders as 'n volksmoord genoem kan word nie.

Die ANC-regering steun plaasmoorde nog altyd so suutjies van die
kantlyn af met optrede soos die ontbinding van die kommando's,
ontwapeningswetgewing en gebrekkige polisiëring.

Maar nou bring die luidrugtige Julius Malema, president van die ANC se
Jeugliga, met sy openlike aanhitsing tot moord op die Boerevolk, die
ANC se ware houding in die oopte. En die ANC se steun aan Malema en
onderskrywing van sy aanhitsing, wis die laaste sweem van twyfel uit.

Dit is goed dat daar van etlike kante in volksgeledere beswaar gemaak
word teen Malema se rassistiese haatspraak. In 'n wêreld waar niks
anders as getalle tel nie, beteken dit meer as een gesamentlike
aandrang dat Malema vervolg en sy smoel gesnoer moet word.

Daar was klagtes by die Menseregtekommissie, die Gelykheidshof, die
Hooggeregshof, 'n optog, petisies, 'n uitdaging om een Boer te kom
skiet en vandag weer 'n aansoek om 'n interdik. Dit behoort redelik
duidelik te wees vir enige een dat hier 'n spontane volksgevoel van
verset ontwaak het.

Die Boerevolk is 'n intelligente volk met leiersbloed en 'n
vryheidstrewe in elke ware Boer se are. Daarom is dit nogal te
verwagte dat ons verskillende benaderings tot die herwinning van ons
vryheid sal hê en verskillende organisasies daarvoor tot stand sal
bring. In gevalle soos die aandrang om Malema te vervolg en te
muilband, is dit ook goed dat ons dieselfde ding van verskillende
kante af eis.

Maar dit raak tog ook noodsaaklik dat ons wel in 'n stadium uit een
mond na buite begin praat en dat ons nie ons kosbare hulpbronne
verkwis om te veel paaie te volg om dieselfde einddoel te bereik nie.
Dit is waarom Radio Pretoria die poging steun om 'n
volksverteenwoordigende liggaam tot stand te bring.

Die Volksraadverkiesingskommissie is nou besig met 'n uitgebreide
veldtog om volksgenote se name op 'n kieserslys te kry. Die plan is
dat daar volgende jaar 'n verkiesing gehou moet word om mense te
verkies wat ons kan verteenwoordig tot op die hoogste vlak.

Dit is so eenvoudig om betrokke te raak. U hoef maar net as kieser te
registreer by die VVK.

Moenie eenkant staan nie. Onthou – wanneer 'n volk se toekoms ter
sprake is, is neutraliteit ook kantkies. Aan watter kant is jy?
http://www.radiopretoria.co.za/Nuuskommentaar.php]http://www.radiopretoria.co.za/Nuuskommentaar.php

OPE BRIEF AAN DIE "HOOF UITVOERENDE BEAMPTE" VAN DIE VOORTREKKERMONUMENT EN DIE ERFENISSTIGTING, G.N. (GERT) OPPERMAN.

Meneer Opperman,

Haatspraak en laster teen my volk deur die buitewêreld, deur Swartes en ook
deur sommige Afrikaanssprekendes is niks nuuts nie – dit gebeur eeue reeds.
Tot in 1994 was die hoofdoelwit daarmee gewees om my volk só veragtelik te
skilder, dat een en almal kon glo ons behoort oor geen duim grond te regeer
nie – ook nie oor onsself nie.

Daardie doelwit is op 27 April 1994 bereik, toe ons letterlik oornag slawe
in ons eie vaderland geword het en elke greintjie seggenskap oor onsself
kwyt is – suiwer en alleen omdat ons te min kinders baar om hoegenaamd
sinvol aan veelrassige verkiesings te kan deelneem. Ons dra mos nie by tot
die oorbevolking van Planeet Aarde nie, maar word terselfdertyd gedwing om
in een Staat saam te woon met volksvreemdes wat onbeheers aanteel; sonder om
verantwoordelikheid te aanvaar vir die versorging van 'n krioelende massa
kleintjies. Dan word daardie getalle nog aangevul met miljoene wat vanuit
hulle Swart paradyse elders in Afrika steeds elke dag hierheen vlug, na die
laaste krummels van die Eerste Wêreld-staat wat Apartheid Suid-Afrika eens
was.

En in die hordes krotbuurte - gevul met werkloses en leeglêers en die
opbrengs van elke dag en nag se rooftogte - kan die Swart massas wat mekaar
se moordluste oorleef, elke 5 jaar weer "demokratiese" verkiesingskruisies
trek wat die ANC in staat stel om my en my volk vir die volgende 5 jaar wéér
te vertrap.

DIT is die ABSURDHEID van die huidige sogenaamde "DEMOKRASIE". Feit is:
Haatspraak is nou nie meer nodig om ons van selfregering te stroop nie.
Haatspraak teen ons se funksie deesdae is aanstigting tot vergrype en
misdaad teen my volk … onder andere, aanstigting tot moord.

Want soos Dingaan destyds, skreeu Malema - Jeugleier van die regerende Party
- dat die Boere doodgemaak moet word … en die res van die Regering staan
bankvas agter hom! Dit beteken niks anders nie as 'n staats-goedgekeurde
voortsetting van Swartes se volksmoord wat teen die Boere-Afrikaner in swang
is, nie net op plase nie maar méér nog in dorpe en stede – moorde wat reeds
meer slagoffers geëis het as Britse konsentrasiekampe tydens die
Anglo-Boereoorlog! 'n Moord-orgie wat voortwoed veral sedert 1990, toe die
Swartes tot hulle eie verstomming begin besef het dat my volk se sogenaamde
"leiers" 'n spul patetiese, lafhartige rugstekers is; al te gereed om die
belange van hulle volgelinge te offer solank daar darem op 'n manier na
hulle persoonlike belange omgesien word.

Ja, toe die sogenaamde "herders" hulle kleure gewys het, was my volk gereed
om soos skape geslag te word – petisielysies en gepleit en gesmeek by die
Regering ten spyt!

En toe, as sinnebeeld van 'n nuwe geslag leiers wat hierdie volk besig is om
op te lewer, daag die President van die Verkennersbeweging, Mnr. Ben
Geldenhuys, vir Malema uit om die weerloses met rus te laat en eerder 'n
Boere-Afrikanerman in die fleur van sy lewe by Fort Schanskop op 19 Maart
2010 te ontmoet … as hý wat Malema is dan 'n Boer wil vermoor. Ja, skielik
het Malema en die wêreld gesien dat daar ook in hierdie dag en tyd steeds
MANNE is in hierdie volk; manne wat, soos 'n Jopie Fourie destyds, bereid is
om self die dood in die oë te kyk as dit gaan om die vrye voortbestaan en
die erfenis van die Boer.

Juis op die "Erfenis-terrein", soos julle die Voortrekkermonument en Fort
Schanskop-gronde noem, wou Ben Geldenhuys vir Malema inwag … die terrein
waaroor jy, Meneer Opperman, as besluitnemer optree. (Die "Erfenis" in julle
naam, vermoed 'n mens, verwys na die erfenis van die Boere wat op hulle
Oosgrens-plase uitgemoor was; na die erfenis van die oorlewendes wat in die
1830's met hulle waens uit die Britse Kaapkolonie weg is ter wille van vrye
voortbestaan; hulle wie se nasate vandag weer op plase en in stede uitgeroei
word? Dan het Ben Geldenhuys mos 'n uiters gepasde plek vir sy uitdaging aan
Malema uitgekies!)

As jy, Generaal Opperman, op 19 Maart 2010 die Erfenisterrein vir toeriste
en nuuskieriges gesluit het en saam met Ben Geldenhuys en ons ander
Verkenners vir Malema gewag het, sou jy agting gewek het onder hierdie volk
wat so smag na leiers wat - soos 'n Generaal De la Rey - die vyand in die
voorste linies in die oë kan kyk. Maar toe kasty jy vir Ben Geldenhuys in 'n
brief oor sy sogenaamde "eiegeregtige optrede" en verbied hom toegang tot
die volk se "Erfenis"-terrein.

(Hoe ironies tog dat die Voortrekkermonument, waar jy vandag besluite neem,
opgerig is juis tot gedagtenis van mense wat jare lank as "eiegeregtige
onderdane" beskou is deur die Britse Regering, voordat ons onafhanklikheid
eers in 1852 met die Sandrivier Konvensie erken is). Jy sien, Meneer
Opperman, daar is meer as een soort eiegeregtigheid.

Mens kry byvoorbeeld eiegeregtigheid waardeur 'n publiek wat in jou glo,
bedrieg en in die rug gesteek word terwyl jyself agterna in veiligheid en
vettigheid verskans is. Soos die tipe eiegeregtigheid waarmee daar op 27
April 1994 'n veelrassige, onwenbare verkiesing op ons afgedwing is; gevolg
deur 'n Swart Bewind met 'n onverbloemde haat vir my volk en kultuur…en dit
terwyl daardie noodlotsverkiesing ONWETTIG was omdat dit plaasgevind het
ingevolge 'n Kieswet wat aangeneem was toe Wet 110 van 1983 - die destydse
Grondwet van die Republiek van Suid-Afrika en "hoogste Reg" van die land –
steeds gegeld het. Artikel 52 van daardie Grondwet het bepaal dat slegs 'n
Blanke, Kleurling of Indiër stemreg kon hê. Dat daardie stuk verfoeilike
eiegeregtigheid vir Swartes hulle sogenaamde "freedom" beteken het, is nie
vir my 'n probleem nie. Ek wil nie in een Staat met volksvreemdes woon OF
OOR HULLE REGEER NIE – die probleem met 1994 se verfoeilike eiegeregtigheid,
is dat dit my volk se internasionaal-erkende reg op selfbeskikking vertrap
het.

Dan is daar die tipe van eiegeregtigheid as gevolg waarvan ondernemings -
met my verarmde volkie se sikspense opgebou tot waardes van miljarde Rande -
vandag aan vreemdes behoort (of altans, wat daarvan oorgebly het) – die
EVKOMS, YSKORS, die SASOLS van die lewe; Pos- en Telekommunikasie
instellings, Spoorweë en Hawens, finansiële instellings soos Volkskas en
SANLAM … te veel om op te noem. Ook dít is verfoeilike eiegeregtigheid.

Of die tipe van eiegeregtigheid waarmee jy, Meneer Opperman, nogal op die
Voortrekkermonument se briefhoof adverteer hoe julle "ondersteun" word uit
die opbrengs van Suid-Afrika se dobbelary-afgod, die "National Lottery
Distribution Trust Fund". Het jy en jou Direkteure ooit aan die
Voortrekker-nasate (dus aan ons, die volk) inspraak gegee in die siek
besluit om sulke afgodsgeld te aanvaar? Praat van eiegeregtigheid! Wat sou
'n Hendrik Potgieter, 'n Andries Pretorius, 'n Sarel Celliers daaroor te sê
gehad het?

Jou verweer hierop sal seker wees om die volk te beskuldig dat hulle self te
laks is om genoeg geld te stort en jy sodoende kastig verplig is om
afgodsgeld te aanvaar ter wille van die Monument en "Erfenis"-terrein se
instandhouding. Ja, ek kan glo dis nie maklik om miljoene uit die volk te
melk nie – verreweg die meeste van hulle is reeds leeg gemelk ter wille van
vreemdes! Maar hoekom weet ek van geen byeenkoms wat jy onder die
oorblywende welvarendes saamgeroep het om uit te vind of daar nie 'n ander
plan te maak is nie?

En as dit werklik nie sou slaag nie (wat ek sterk betwyfel): Sou 'n
verweerde Voortrekkermonument, maar sonder om die God van Bloedrivier verder
te vertoorn, nie verkieslik wees bó prag en praal en foutlose fasiliteite
nie? Ten minste sou 'n verweerde Voortrekkermonument die klippe dan kon wees
wat saam uitroep - saam ween oor my volk se derduisende wat, net soos by
Bloukrans en Weenen in 1838, nog steeds elke dag en nag onverwags deur
oormagte oorval en barbaars vermoor word; oor 'n werklose jeug en werklose
gesinshoofde - werkloos omdat hulle Blank is, moedverlore omdat hulle
werkloos is; oor ouers van kinders wat naak en honger is; oor ons dogters
wat slawe vir Nigeriese seks- en dwelmkartelle is; oor Boere-dogters en
bejaarde vroue wat hulleself nie vrywillig aanbied nie en dan deur
barbare-bendes verkrag word; oor "Christen-geestelikes" wat die verbreking
van die dogter van my volk wil genees deur te verklaar "Vrede! Vrede!"
terwyl daar GEEN VREDE IS NIE; oor selfs kerke talle Godsgebooie wat ons
Voortrekkers nog eerbiedig het, nou afmaak en minag as "outyds"; oor ons
kinders wat Goddeloosheid in staatskole se leerplanne gevoer word en selfs
'n afgodslied daar moet sing as sogenaamde "volkslied"! (Of dink jy miskien
die ANC verwys na God die Vader, Seun en Heilige Gees - die God van
Bloedrivier – in hulle "Nkosi Sikelel' Afrika"?)

Ja, ek en my volk is tot die droesem toe moeg, sat van al sulke
selfgesentreerde, rugsteker-"eiegeregtigheid". Maar die "eiegeregtigheid"
van Graaff-Reinet en Swellendam in 1795; die "eiegeregtigheid" van die
Slachtersnek-martelare; die "eiegeregtigheid" van die Emigrante-Boeren; die
"eiegeregtigheid" van die burgers wat Majoeba-kruin gestorm het; die
"eiegeregtigheid" van die Kaapse Rebelle in die Tweede Vryheidsoorlog en die
Rebelle van 1914; die "eiegeregtigheid" van die Ossewa-Brandwag;
"eiegeregtigheid" die afgelope 40 jaar en meer van beswadderde "Regses" soos
Ben Geldenhuys – danksy daardie tipe "EIEGEREGTIGES", wat elke generasie nog
opgelewer het TOT DIENS AAN MY VOLK, is hierdie volk nog nie uitgedoof nie.
Want geregtigheid was my volk nog nooit deur andere gegun nie – en alte
dikwels het ons eie vlees en bloed lustig meegedoen om laksman te speel.
Geregtigheid moes ons telkens maar weer verkry op ons eie; ons ou klompie
volkstroue "eiegeregtiges" - strompelend en al te dikwels ook belaai met
sondeskuld soos alle mense – maar voortgedra deur die genade van die
Almagtige God van Bloedrivier. Want hier, anderkant die riviere van Kus, sal
Sy aanbidders, Sy verstrooide gemeente Sy offerande bring – en al is ons ook
'n ellendige en geringe volk, sal ons bly skuiling soek by Sy Naam...

Meneer Opperman, ek wil 'n beroep op jou en jou mede-direkteure doen: Sluit
aan by die stroom in hierdie volk wat weer, soos in 1836, weier om onder
vreemde heerskappy te buig, weier om die knie voor Baäl te buig. Sluit as
direksie aan, soos talle ander organisasies, by die Afrikanerfront en
groepeer saam met hulle om Selfbeskikking as die saambindende beginsel. Werk
saam, soos die Afrikanerfront-organisasies, met die Volksraad
Verkiesingskommissie aan die grootse taak om op 31 Mei 2011 ons eie
demokraties-verkose Volksraad ingehuldig te kry, wat ons eis om
Selfbeskikking ooreenkomstig die Volkereg gaan afdwing.

En as julle nie tot daardie stappe bereid is nie: Volg die eerbare weg,
bedank as Direkteure, en dra daardie rol oor aan die Verkennersbeweging. Ek
vra julle dit, nie in selfsugtige eiegeregtigheid nie … maar ter wille van
geregtigheid teenoor die vermoordes en seëvierendes van die Groot Trek en
geregtigheid teenoor hulle IDEE wat veronderstel is om deur die
Voortrekkermonument versinnebeeld te word: die IDEE van Volksvoortbestaan in
Vryheid, Onafhanklikheid, en Selfbeskikking danksy die uitredding van God;
met Staat en Owerheid wat Hom sal ken en dien in wetgewing, wetsuitvoering
en wetstoepassing… net soos alle burgers dit in hulle daaglikse lewe moet
doen.

Die uwe

Paul Kruger

VVK Registrasiedag

Registrasie-dag op Kleinfontein

Datum: 26 Maart 2010
Tyd: 15:00 - 21:00
Plek: Uit-en-Tuissentrum, Kleinfontein

Vanaf 17:00 kan aandetes by die geleentheid gekoop word.
Kerrie en rys teen R15,
vetkoek en maelvleis teen R12,
worsbroodjies teen R12
Koeldrank teen R8 en
heerlike poeding teen R5.
Gratis Koffie en tee!

'n Jong belowende kunstenaressie sal met haar sang ons aand kom kort maak.
Kinders kan baljaar op die springkasteel terwyl Pappas en Mammas
rondstaan en kuier.
Ouer mense sal 'n sitplekkie hê in die groot markiestent.

Ons het 'n rekening by KSKK ge-open: VVK-registrasies. Alle donasies
wat mense aan die VVK wil maak, sal deur die bankbestuurder oorgeplaas
word na VVK se bankrekening. Al die inkomste van die aand gaan ook na
die VVK se fondse. Ons borge het dit vir ons moontlik gemaak dat ons
bykans al die kostes kon dek.
Ons dank aan HVO wat baie ruim bygedra het,
asook Paradisum vir sy mooi bydrae.
Verder ons dank aan GHA, KSK Coetser Drukkers, Louisa Beyers
(kunstenaar), en vele meer!

Bankbesonderhede:
ABSA Bank (tjekrekening)
Kleinfontein SKK
Rek. nr 4060092627
Takkode: 632005
Verw. 126G

Navrae: Jan Beyers 082 443 0205
Namens Registrasie-beamptes
Kleinfontein

Projek 2010 Poslys

Geagte volksgenote

Ons wil u graag bewus maak van Projek 2010 en verwante gebeure. Ons
wil u ook inlig oor die voortdurende aanslae wat op ons volksgenote se
lewens gemaak word.

Daarvoor wil ons Projek 2010 se poslys uitbrei.

Stuur gerus 'n e-pos aan:

inligting@projek2010.co.za

indien u op die poslys geplaas wil word. Maak die onderwerp van die
e-pos "Projek 2010 poslys" om dit vir ons makliker te maak.

Besoek gerus ook ons webwerf by:

http://www.volksmoord.co.za

Ons sien uit daarna om van u te verneem.

Werner Smook
Projek 2010

Amptelike persverklaring uit Bravoland

Menseregtedag 2010

Dit is ironies dat Suid-Afrika 'n publieke vakansiedag het met die
"Menseregtedag". Dit terwyl 'n gemeenskap van Suid-Afrika, die
Afrikanervolk, geen menseregte gegun word nie. Selfs die mees basiese
mensereg, die reg op lewe, is nou die Afrikaner ontneem, deur Julius
Malema se sing van die lied "Skiet die boere, hulle is verkragters".
Die ANC beheerde regering van die dag se regverdiging van die sing van
hierdie lied, het ook tot gevolg dat dit nou feitlik regerings beleid
geword het. Gevolglik, het die ANC beheerde regering nou oorlog
verklaar teen 'n segment van die burgery – die Afrikanervolk.

Alhoewel die belangrikste mensereg,die reg op lewe, is dit ook nie
die enigste mensereg van die Afrikaner wat vertrap word nie.
Regeringbeleid soos Affirmative action, Swart ekonomiese bevoordeling
en kwotastelsels in sport en skole, het tot gevolg dat die Afrikaner
op alle lewenstereine onderdruk en verdruk word. Om die Afrikaner se
reg tot lewe te ontneem, is seker die logiese volgende stap.

Daarom sal geen regdenkende Afrikaner meemaak aan hierdie klug van
Menseregtedag nie en eerder hierdie dag gebruik om defensiewe
maatreels op te skerp vir die nuwe vlaag aanvalle wat gaan volg op die
skares wat vandag weer opgesweep gaan word.

http://www.bravoland.co.za/forum/index.php?topic=5313.msg67992;topicseen#new

PRAAG - Die Pro-Afrikaanse Aksiegroep

Malema - dis nie ons geveg nie

http://www.praag.co.za/dan-roodt-magazine-178/7579-malema-dis-nie-ons-geveg-nie.html

Die ongelooflikste ding is besig om in Suid-Afrika te gebeur: op die
vooraand van die Sokkerwêreldbeker is die land besig om te polariseer
soos ons nog nie vantevore - nie eens tydens die gewraakte
apartheidtyd - gesien het nie. Vandeesweek is Ernst Roets van
Afriforum-jeug gedreig dat hy en sy makkers deur die ANC-jeugliga
doodgeskiet sal word soos die IVP-ondersteuners destyds vanuit
Shell-huis byna 16 jaar gelede deur ANC-kaders afgemaai is. Negentien
IVP-betogers is in daardie voorval dood en niemand is nog ooit
daarvoor vervolg nie.

Klik op die skakel hierbo om verder te lees.

Boer wag nou nog vir Malema

Pretoria – Julius Malema, die president van die ANC-jeugliga, het
Vrydag nog nie opgedaag om 'n "boer" by Fort Schanskop suid van
Pretoria te skiet nie.

Ben Geldenhuys, die nasionale sekretaris van die Verkenners Beweging,
het vir Malema gewag om hom te kom skiet, maar Malema het teen 12:30
nog nie opgedaag nie.

Geldenhuys het Malema verlede week uitgedaag om hom te skiet nadat dié
omstrede jeugleier "skiet die boer" gesing het.

Geldenhuys het gesê dat as Malema so gretig was om 'n boer te skiet,
"kan hy kom en my skiet eerder as om ander mense op te sweep om
weerlose bejaarde boere en vroue te vermoor.

"Om dit vir hom maklik te maak sal ek by Fort Schanskop vir hom wag om
12:00 op 19 Maart," het hy verlede week gesê.

"Ek het nie ingegee nie, ek sal wag," het Geldenhuys gesê terwyl hy
Vrydag vir Malema gewag het.

Ishmael Mnisi, ANC-woordvoerder, het gesê dat Geldenhuys en sy
organisasie met Malema moet "gesels" en hom 'n geleentheid gee om
homself uit te druk.

"Hierdie is net 'n beheptheid met iets verregaande," het hy gesê en
bygevoeg dat enige verdere navrae aan die jeugliga gerig moet word.

Floyd Shivambu, die jeugliga se woordvoerder, was nie onmiddellik
beskikbaar vir kommentaar nie. Hy het verlede week gesê dat die
liedjie "uit proporsie geblaas is."

- Sapa

http://www.nuus24.com/Content/Suid-Afrika/Nuus/1479/426cc7cba953439dbd09301de61ec58c/19-03-2010-02-01/Boer_wag_dat_Malema_hom_skiet