Bernadine Kruger (16) deur taxi doodgery

Agtergrond:

Bernadine Kruger (16) is Maandag, 23 Februarie 2009, op pad na die Hoërskool
Garsfontein in Pretoria dood nadat 'n taxi eers aanhoudend vir haar getoeter
het voordat dit van agter teen haar bromponie vasgery en toe bo-oor haar
gery het.

Foto's wat by die toneel geneem is, is aan die e-pos aangeheg.

Luister gerus na die klankbane op ons aanlyn databasis by:
http://www.4shared.com/dir/13020745/16bd7efc/Bernadine_Kruger.html

*Bernadine Kruger nuusberig 24 Feb 09* - is 'n nuusberig wat vandag (24 Feb)
op Radio Pretoria uitgesaai is.
*
Bernadine Kruger se dood - Pieter Moller - *is 'n onderhoud wat vanmiddag
(24 Feb) op Volksmikrofoon op Radio Pretoria uitgesaai is.

-------------------------------------------------

Die polisie het aanvanklik nie die bestuurder van die taxi gearresteer nie,
hulle verskoning was dat die ondersoek nog nie voltooi is nie.

Vir die HNP was dit onaanvaarbaar en hulle het die volgende protesbrief aan
die SAP oorhandig:

Die Stasiekommissaris

SA Polisiediens

Garsfontein

Pretoria

Meneer

EIS TOT ARRESTASIE

Ons is tot in ons diepste wese geskok oor die feit dat iemand wat prima
facie 'n ernstige oortreding begaan, wat lei tot die dood van 'n kind, op
vrye voet gestel word, sogenaamd omdat die ondersoek "nog nie voltooi" is
nie.

Ons verwys na die gruwelike insident waartydens die 16-jarige Bernadine
Kruger van haar bromponie af gejaag is deur 'n onverskillige moord-taxi, wat
eenvoudig oor haar gejaag het, en nog bo-oor die meisie ook is, sodat haar
kort lewe op die mees gruwelike en barbaarse wyse denkbaar so beëindig moes
word.

Dit is absoluut onaanvaarbaar dat die bestuurder van die moord-taxi steeds
op vrye voet verkeer. Hy moes reeds op die toneel gearresteer gewees het en
uit die samelewing verwyder word, sodat hy nie nog dalk slagoffers kan eis
nie. Daarom eis ons nou dat hy onmiddellik in hegtenis geneem moet word.
Indien dit 'n blanke sou gewees het wat 'n swart kind doodgery het, sou hy
beslis al lankal vergete agter tralies gesit het. Die feit dat hierdie
taxi-bestuurder nie gearresteer is nie, is volgens ons die verlenging van
die Staat se beleid van swart bevoordeling, wat beteken dat selfs vermeende
swart misdadigers teen blankes, met sagter handskoene hanteer word as
vermeende blanke misdadigers, teen wie daar dikwels minder getuienis bestaan
as in hierdie geval. As die media ooggetuies kan aanhaal en daaroor
rapporteer, behoort die SAPD seker al méér getuienis beskikbaar te hê. Dus
is daar prima facie getuienis op grond waarvan dié man summier opgesluit
moet word.

Verder eis ons dat daar strenger opgetree moet word teen die wetteloosheid
van minibus-taxi's. Hulle is besig om die frustrasie van die publiek
sodanig op te jaag, dat die publiek een of ander tyd self die reg in eie
hande gaan neem. Dit sal slegs die gevolg wees van patetiese wetstoepassing
in ons land.

(Dr) PW Möller

ONDERLEIER

--------------------------------------------------------------------

Die volgende terugvoer is ontvang van een van die persone wat by die
oorhandiging van die eis betrokke was.

* 'n Uur gelede het die polisie ons in kennis gestel dat die taxi-bestuurder
in hegtenis geneem is, in die selle geplaas word en more in die hof sal
verskyn. So terloops is opgemerk dat dit 'n wit ondersoekbeampte was wat
die saak verder geneem het, waarop dr. Möller se opmerkings was: "Dis dié
dat die saak uiteindelik behoorlik hanteer is."*

---------------------------------------------------------------------

Die saak is tans onder bespreking op die kuberstaat Bravoland by die
volgende skakel:

http://www.bravoland.co.za/forum/index.php?topic=4644.msg56538;topicseen#new

----------------------------------------------------------------------

Vir meer inligting:

Beeld berig
http://www.news24.com/Beeld/Suid-Afrika/0,,3-975_2474929,00.html

Nuus 24 berig
http://www.news24.com/News24/South_Africa/News/0,,2-7-1442_2474990,00.html

Pretoria News berig
http://www.pretorianews.co.za/?fSectionId=&fArticleId=vn20090224033851469C623958

Beeld berig (Oor arrestasie)
http://www.news24.com/Beeld/Suid-Afrika/0,,3-975_2475352,00.html

--
Werner Smook
084 271 4777

Voorsitter: Verkenners Jeug Pretoria

Bravoland Nuusbrief 02/2009

Geagte Bravolanders,

Bravoland is tans besig met 'n meningspeiling m.b.t die VVK. U insette
in die verband sal waardeer word. Volg die skakel:
http://www.bravoland.co.za/forum/index.php?topic=4621.msg56463;topicseen#new

Daar is 'n uitnodiging aan sakemanne gerig. Om die uitnodiging te
sien, volg die skakel:
http://www.bravoland.co.za/forum/index.php?topic=4641.msg56462;topicseen#new

Indien u weet van volksgenote wat op soek is na werk, daar is talle
werksgeleenthede vir volksgenote by hierdie skakel:
http://www.bravoland.co.za/forum/index.php?topic=4397.msg56432;topicseen#new

Indien u so bietjie inspirasie nodig het om deur die dag te kom, gaan
lees gerus hierdie gedagtes:
http://www.bravoland.co.za/forum/index.php?topic=4532.0

Moet ook nie vergeet van die Radio Pretoria spog-aand nie;
http://www.bravoland.co.za/forum/index.php?topic=4629.0

Laastens, indien daar iets is wat u bloot net nie kan glo nie en u 'n
antwoord daarop verlang, maak gerus 'n draai by hierdie draad en
vertel ons daarvan:
http://www.bravoland.co.za/forum/index.php?topic=4627.0

Vriendelike groete,

Ben

ns. Sien u almal by Majuba!

Nuus oor die VVK

2009 is verkiesingsjaar vir die politieke partye in Suid-Afrika; en
soos wat "die nasie" se verkiesingskoors oplaai in die aanloop tot
hulle beoogde verkiesingsdatum van 22 April 2009, merk die VVK dat
opgewondenheid ook in volksgeledere toeneem vir ons eie verkiesing wat
ons buite parlementêre verband gaan hou en waarin ons volk alleen gaan
stem. Ons beoog dus om hierdie rubriek weekliks op te dateer met die
nuutste verwikkelinge in die opwindende proses waarmee ons besig is.
Verwikkelinge wat – ons is dankbaar om te sê – uiters positief is en
'n duidelike sein uitstuur dat die momentum in vandag se
Bittereinder-geledere al vinniger toeneem om saam te span en ons
bedreigings, hoe donker ookal uit menslike oogpunt, met geloofsmoed
tegemoet te gaan:

1. Eerstens is ons lys van landwye Registrasie Beamptes flink op pad
na die 200-kerf (besoek die afdeling "Registrasie Proses" op hierdie
webwerf om te sien wie en waar hulle is); en is verdere Verkiesing
Streek Koördineerders aangestel by name Mnre. Henk van de Graaff
(Kiesstreek Noord-Transvaal), Izak van der Schyff (Kiesstreek
Noord-Vrystaat) en Andries Breytenbach (Algemene Verkiesing Streek
Koördineerder). Hartlik dank aan al hierdie persone – mag hulle groot
werk inspirasie wees vir al meer vrywilligers om die wa deur die drif
te help trek. (Van die os op die jas: Indien jyself of iemand wat jy
ken uit enige deel van die buiteland op besoek aan Suid-Afrika is of
hierheen op pad is, sal ons baie dankbaar wees om met jou in
verbinding te tree. Registrasie Beamptes wat in die buiteland woon- of
werk is nodig om ons vele volksgenote wat oor die wêreld versprei is,
behulpsaam te wees om in ons verkiesing te registreer).
2. Tweedens is die HNP se besluit van einde verlede jaar, naamlik om
ook sy deel in die aksie by te dra, aangevul deur verdere volkseie
organisasies. Luister gerus in hierdie verband na 'n onderhoud wat in
die volgende twee weke (beginnende 23 Februarie 2009) oor Radio
Pretoria uitgesaai gaan word in die program "Ons Vryheidsideaal" van
Prof. Hendrik van der Wateren. (Prof. Van der Wateren is Voorsitter
van die Afrikaner Front, 'n sambreelliggaam waarvan 25 volkseie
organisasies lid is). Ek spreek in die onderhoud ook ander
interressante aangeleenthede aan.
3. Mnr. Sakkie van der Schyff (Verkiesing Streek Koördineerder vir die
VVK se Kiesstreek Noord-Vrystaat) het eie inisiatief geneem en 'n
nie-amptelike groep op "Facebook" vir die Volksraad Verkiesing
Kommissie gestig. By "Facebook" ('n internet-gabaseerde sosiale
netwerk) kan enigeen gratis inskakel en kommunikeer, inligting
besigtig en nuus ontvang. Mnr. Van der Schyff het in die relatief kort
bestek van sy betrokkenheid by die VVK, 'n voorbeeld aan ons almal
gestel met sy groot motivering, gepaard met die inisiatief wat hy aan
die dag lê. Hartlik dank, Sakkie!
4. 'n Mooi bedrag is beskikbaar gestel vir die vrystelling van 'n
dokumentêre program wat in proses van vervaardiging is en op DVD
beskikbaar gemaak gaan word. Nie net ons verlede nie, maar ook ons
hede en ons toekoms gaan daarin behandel word teen die agtergrond van
dit waarmee die VVK besig is. Dit beloof om 'n monumentale werk te
wees!
5. Radio Pretoria saai tans ook 'n reeks advertensies uit ten bate van
ons eie verkiesing en dít wat daarvoor nodig is. HARTLIK DANK aan die
direksie van Radio Pretoria en besonderlik aan Mnr. Clem de Klerk en
sy voortreflike span.
6. Die VVK het 'n pos geskep vir 'n voltydse sekretaris of
sekretaresse wat oor uitstaande taal-, administratiewe- en
rekenaarvermoëns moet beskik. Die persoon sal ook oor gerekenariseerde
boekhou-vaardighede moet beskik, of dit moet aanleer. 'n
Vergoedingspakket word ooreenkomstig ondervinding en vermoëns
aangebied. Kontak ons gerus indien jy meen om die regte kandidaat te
wees.
7. Die laaste brokkie vir vandeesweek, is dat die VVK (in samehang met
ander volkseie organisasies) besluit het om 'n VVK-massaregistrasie
van kiesers onder ons eie volk te loods op die "nasie" se stemdag van
22 April 2009, wat juis 'n vakansiedag sal wees. Ons beoog om in
elkeen van die 15 kiesstreke landwyd soveel moontlike registrasiepunte
op 22 April op te rig. Indien jy hulp hiermee kan aanbied in welke
vorm ookal, kontak asseblief vir Paul Kruger op dringende basis.

Daarmee groet ons tot volgende week hierdie tyd, wanneer ek terugvoer
sal gee oor ons aktiwiteite by die Majuba-vieringe van 27 en 28
Februarie. Ons wil 'n dringende beroep op alle volksgenote doen om die
komende naweek na Majuba, ons vryheidsberg, op te ruk en ook die VVK
daar te besoek. Elkeen wat ons daar kan sien om die papierwerk af te
handel wat 'n verkiesing op internasionale standaard vereis, spaar ons
die geweldige bedrae wat dit deesdae kos om die land te deurkruis. Van
ons kant af geld dit veral die volksgenote wat ver van Pretoria woon.
Kom ons wees dus in reuse getalle daar!

Groetnis van huis tot huis –
Paul Kruger
22 Februarie 2009
Voors.: Sentrale Komitee

Spogplaas nou vervalle

Bo, mnr. Sias Strydom se plaashuis drie jaar gelede. (Onder) Só lyk
die huis nou.

14/02/2009 21:41 - (SA)

Willem Pelser

Hazyview

Skaars drie jaar gelede was mnr. Sias Strydom se familieplaas Altyd
Beter naby Hazyview 'n spogplaas waarop enige piesangboer trots sou
gewees het.

Toe die Giba-gemeenskap 'n grondeis teen die plaas ingedien het, was
die piesangboorde, trekkers en pakhuise in so 'n goeie toestand dat
die regering Strydom R3,2 miljoen vir die grond aangebied het.

Die piesangs het geil gegroei in dié vrugbare aarde en die drie huise
op die plaas was pynlik netjies.

Toe neem die staat die grond oor. Aanvanklik het alles goed gegaan.

Die projek is destyds voorgehou as 'n voorbeeld van hoe
grondhervorming in Suid-Afrika eintlik gedoen moet word om te slaag.
Die geheim is samewerking tussen boer en grondeiser, is toe gesê.

Mediagroepe het joernaliste en fotograwe gestuur om na die
suksesverhaal te gaan kyk. Maar binne drie jaar het dinge drasties
verander.

Verlede week het Strydom self gaan gaan kyk hoe dit nou daar lyk.

"Wat ek gesien het, het my letterlik laat huil van ontsteltenis,"
vertel Strydom die afgelope week.

Toe trekkers langs 'n piesangboord gebreek het, het die nuwe eienaars
dit net daar gelos. Later is die stukkende trekkers vir onderdele
gestroop – om te verkoop, óf om in ander trekkers te gebruik.

Toe die kweekhuise se dakke afgewaai het in 'n storm, is dit net so
laat staan. Onderdele van die plaas se waterpompe, wat in Strydom se
tyd die boorde gevoed het, is stuk-stuk weggedra.

Die netjiese vierslaapkamerhuis waar hy en sy gesin gewoon het, is erg
verwaarloos. 'n Tweede huis, wat Strydom verhuur het, is nou 'n
murasie.

Nagenoeg 37 ander boere in sy omgewing het ook aan die staat verkoop.
Hulle is ruim vergoed: tussen R30 000 en R100 000 per ha.

Maar vir die meeste boere, soos Strydom, was dit nie genoeg om weer 'n
boerdery van dieselfde kaliber elders te begin nie. Strydom het 'n
hoewe gekoop en 'n tuisnywerheid begin.

Die 1 500 plaaswerkers wat vir Strydom en die ander boere gewerk het,
was die groot verloorders toe die grondeisers die plase oorgeneem het.
Die meeste het hul werk verloor omdat die grondeisers die plase self
wou bewerk, sê Strydom.

Die omstrede landboumaatskappy SAFM (South African Farm Ma-nagement)
is in 2006 deur die regering aangewys om die 38 plase te bestuur. Die
hele gebied se plase het toe bekend gestaan as een groot plaas
Burgershall.

Die afgelope drie jaar het die hele projek met rassse skrede
agteruitgegaan: SAFM het feitlik heeltemal in duie gestort en na
bewering skuld dié maatskappy Absa meer as R100 miljoen.

Boonop het 'n dispuut tussen twee groepe grondeisers verlede jaar
ontstaan oor wie presies die regmatige eienaars is van die 38 plase.
Boerdery-bedrywighede en instandhouding het erg gekwyn.

Vandag sal dit R6 miljoen kos om sy eertydse plaas weer te herstel tot
wat dit destyds was, sê Strydom.

Die Burgershall-grondeis wys presies wat verkeerd is met
grondhervorming, sê dr. Theo de Jager, adj. pres. van Agri SA.

"Die regering moet ewe veel aandag skenk aan landbou-ontwikkeling as
aan grondhervorming. Dis tog twee kante van dieselfde muntstuk," sê De
Jager.

Hy sê die staat hou hom bloot besig met die herverdeling van grond –
sonder om aan die sake- of produksie-kant van die landbou te dink.
Volgens De Jager is daar ook byna geen samewerking of sinergie tussen
staatsdepartemente wat met landbou gemoeid is nie.

"Die verskillende departemente praat eenvoudig nie met mekaar nie.
Elke week bel 'n staatsdepartement ons by Agri SA om te hoor wat sê 'n
ander staatsdepartement hieroor of daaroor," sê De Jager.

Met druktyd kon kommentaar nog nie verkry word van die kommissie op
die herstel van grondregte in Nelspruit nie.

Oorsprong:Rapport

http://www.news24.com/Rapport/Suid-Afrika/0,,752-2460_2470100,00.html

Dros Restaurant Silverton Pretoria

Dag
Ek wil my restaurant se diens personeel blank maak, dit werk nie is
daar blanke mense in my omgewing wat werk soek?

ek het altyd 'n plekkie!

Dros Watermeyer
silverton
072 967 9248

Polisie geweld op blankes

Glo erg aangerand deur metrolede
Jan 27 2009 02:42:42:910PM - (SA)

'n Vrou wat na bewering Vrydagaand deur Ekurhuleni-metropolisiebeamptes
aangerand is gaan 'n siviele eis teen dié gesag instel.

Me. Yolandi Brits van Brakpan aan die Oos-Rand, wat glo deur dié beamptes
geskop en geslaan is tydens 'n klopjag by The Doors nagklub in Edenvale, het
ook 'n strafregtelike saak by die Edenvale-polisie aanhangig gemaak.

Mnr. Albert van der Bult, haar prokureur, het Dinsdag gesê hulle beplan om
met ander slagoffers wat ook glo tydens dié klopjag aangerand is, te
vergader "sodat ons almal saam siviele en strafregtelike stappe kan neem".

Brits het aan Beeld vertel hoe sy in die gesig geskop en met vuiste regoor
haar lyf geslaan is. "Ek wou bloot my ID uit my motor gaan haal om hulle te
wys toe dit gebeur het." Sy het glo in een stadium haar bewussyn verloor.

Die voorval het gebeur toe sowat 40 Ekurhuleni-metrolede 'n klopjag op die
klub uitgevoer het. Verskeie ooggetuies het later vertel hoe klubgangers
hardhandig gehanteer is.

Insp. Mveli Nhlapo, woordvoerder vir die metropolisie, het gesê die voorval
sal ondersoek word. "Mense wat voel die metropolisie het nie reg opgetree
nie kan sake aanhangig maak. Ons ondersoek alle klagte."
http://www.news24.com/Beeld/Suid-Afrika/0,,3-975_2459700,00.html

Onbevoegdheid en wanadministrasie van SA Onderwysdepartement

AfriForum Jeug het gesê dat hy gratis regsadvies gaan gee aan die
2008-matrikulante wat benadeel is deur die departement van onderwys se
onvermoë en wanadminsitrasie met hul matriekuitslae. Hier is 'n paar
van die stories wat ingesamel is. Dit is vandag, meer as 'n maand
nadat die matriekuitslae beskikbaar moes gewees het, in 'n verslag
bekend gemaak:

Chante-Lee van Vuuren – Confidence College, Pretoria

Chante-Lee wag nog vir haar uitslae vir Toerisme en Verbruikerstudies.
Die departement het vir haar gesê dat haar punte "moontlik verlore"
is.

Kotie van Eck (ouer) – Sir Val Duncan Collage, Phalaborwa

Daar is vir haar gesê dat haar seun al sy vakke gedruip het. By
navraag kon sy nie ʼn konkrete antwoord ontvang nie. Daar kon nie vir
haar gesê word wat haar seun se opstuurpunte of sy finale punte is
nie.

Francois Britz – Hoërskool Hoogenhout, Bethal

Francois se finale punt vir Lewensoriëntering is 50% minder as sy
opstuurpunt. Dit beteken dat hy, volgens die departement, 0% in die
eksamen gekry het. Hy sê dat sy hele klasgroep vermoed dat hulle
punte foutief is.

André de Klerk – Hoërskool Volksrust

André is ʼn musikant en het beplan om Musiek te studeer by die
Universiteit van Pretoria. Na afloop van die eindeksamen het ʼn
amptenaar van die departement van Onderwys aan hom gesê dat hy 81%
gekry het in die eindeksamen, maar op sy rapport het gestaan dat sy
uitslae nie beskikbaar is nie. Nadat hy gaan kla het, het hulle sy
rapport verander met die woorde: "voldoen aan minimun slaagvereistes".
As gevolg van die probleme met sy punte kon hy nie gaan studeer nie
en het hy sy beurs verloor. Die hoof van die betrokke afdeling van
die departement van Onderwys het aan hom gesê dat hulle sy punte het,
maar dat hulle (die departement) nie weet hoe om dit te verwerk nie en
dus kan hulle nie sy punte vir hom gee nie.

Ryno Henry – Bloemfontein

Ryno en sy hele klas wag nog vir hulle Afrikaanse punte. Die
departement het vir hulle gesê dat hulle die eksamen weer moet gaan
skryf omdat hulle punte nie beskikbaar is nie, en dat dit hulle R500
elk gaan kos.

Fredrick Basil Kourie – Hoërskool Hoogenhout, Bethal

Fredrick is ʼn toppresteerder, wil graag Medies studeer. Hy het nog
nooit minder as 80% vir Biologie behaal nie. Sy Biologie-opstuurpunt
was 95%, maar die gemiddeld wat vir hom gegee is, is 68%. Hy sê dat
dit nie moontlik is nie, aangesien die vraestel vir hom maklik was.
Hy sê dat daar ook probleme met sy Engelse punte is. Hy is afgekeur
vir Medies en gaan nou oorsee.

'n Kort begrip van die VVK (Volksraad Verkiesing Kommissie )

1.

Alle volke op aarde, OOK ONS volk, het 'n REG op selfbeskikking.

2.

'n Volk is 'n groep mense wat 'n gemeenskaplike afkoms en 'n unieke
lewenswyse deel.

3.

Selfbeskikking is die reg van 'n volk om homself te regeer met wette
deur homself gemaak volgens sy eie waardestelsel en unieke lewenswyse.

4.

Die reg op selfbeskikking word internasionaal erken (byvoorbeeld in
die Volkereg en deur die Verenigde Nasies) maar ook in die huidige
Suid-Afrikaanse Grondwet (waarvan Artikel 235 inhou dat die reg tot
selfbeskikking deur 'n taal- en kultuurgemeenskap geëis mag word, en
dat daardie reg in 'n territoriale gebied beslag kan kry).

5.

Ons beskik nie oor die reg op selfbeskikking op grond daarvan dat ons
Blank is nie. Selfbeskikking is 'n reg wat aan volke kleef, nie aan
rasse nie.

6.

Volke maak nie op selfbeskikking aanspraak omdat party volke beter of
slegter as ander sou wees nie. 'n Spesifieke volk eis selfbeskikking
op grond daarvan dat hy altyd anders as enige ander volk op aarde is.

7.

Die reg op selfbeskikking kleef aan ons volk – nie aan organisasies of
individue binne ons volk nie. Daarom kan geen organisasies of
individue uit hulle eie besluit (hoe goed dit ookal bedoel word) om
ons reg op selfbeskikking namens ons iewers te gaan opeis en te beding
nie. Die reg op selfbeskikking kan SLEGS NAMENS 'N VOLK OPGEËIS EN
BEDING WORD DEUR DIEGENE WAT VAN DIE VOLK DAARTOE OPDRAG ONTVANG HET
DEUR MIDDEL VAN 'N VRY, REGVERDIGE EN DEMOKRATIESE VOLKSVERKIESING –
met ander woorde, deur verkose afgevaardigdes wat 'n MANDAAT om dit te
doen, van die volk ontvang het.

8.

As beginpunt in die proses om 'n einde te maak aan die geweldige
verdrukking waarin ons verkeer, moet ons volk dringend so 'n
verkiesing hou deur middel waarvan ons 'n Volksraad sal kies wat oor
'n mandaat sal beskik om ons reg op selfbeskikking op te eis en te
beding; op nasionale- sowel as internasionale vlak.

9.

So 'n verkiesing moet deur onsself gereël en gefasiliteer word, omdat
die liggaam wat normaalweg verkiesings in Suid-Afrika administreer
(die "Independant Electoral Commission") slegs verkiesings onder die
breë Suid-Afrikaanse bevolking behartig. Daarom was daar gedurende
2007 op twee volksvergaderings besluit om ons eie liggaam op die been
te bring wat 'n volksverkiesing vir bogenoemde doeleindes kan reël, en
daardie liggaam staan bekend as die Volksraad Verkiesing Kommissie
(VVK). Al die nodige infrastruktuur was teen Februarie 2008 gevestig
(skaars ses maande na sy stigting) en is die proses om kiesers te
registreer volstoom aan die gang.

10.

Anders as enige ander inisiatief, besluit die Kommissie nie vir die
volk wie sy "leiers" moet wees nie. Kandidate vir die Volksraad word
deur enige persone wat as kiesers geregistreer is, genomineer mits 'n
kandidatuur deur 'n honderd ander geregistreerde kiesers gesekondeer
word; en die volk self –naamlik die geregistreerde kiesers- sal sy
leiers uit hierdie kandidate verkies in die vorm van 'n Volksraad.

11.

Sodra die Volksraad verkies is, is die Kommissie se taak afgehandel.
Aspekte soos die moontlikhede van 'n onderhandelde skikking, die "waar
en hoe" van 'n gebied waarin ons onsself sal regeer, en al dergelike
vrae is aspekte wat juis deur die Volksraad hanteer sal word. Die
Volksraad sal daardie aspekte ook hanteer onderhewig aan
meerderheidsbesluite wat die volk telkens op volksvergaderings sal
neem na gelang van die aard van verwikkelinge wat die proses oplewer.

12.

Dit is derhalwe voortydig en sinneloos om ons nou oor die
implementering van ons reg op selfbeskikking te verknies. Op hierdie
stadium gaan dit bloot oor die opeis van ons reg op selfbeskikking; en
die verkiesing van 'n Volksraad wat oor 'n mandaat vir daardie doel
sal beskik. Daarom weier ons om tans te verval in allerlei
bespiegelings of wanhoop wat die verloop van die proses betref ná die
Volksraad verkies is.

HNP verwerp aantygings oor verkiesings

HNP
Posbus 1888 Pretoria 0001
Tel (012) 335-8523/4
Faks (012) 335-8518
info@hnp.org.za www.hnp.org.za

Mediaverklaring

HNP verwerp aantygings oor verkiesing

Gerugte wat sedert die middel van verlede jaar versprei is dat die HNP
sy standpunt oor deelname aan die onwettige ANC-regime se verkiesings
gaan verander, is tydens 'n openbare vergadering van die HNP in
Eloffsdal, Pretoria deur mnr Wouter Rust, onderleier van die HNP,
finaal die nek ingeslaan.

Mnr Rust het in sy toespraak gesê die HNP staan onveranderlik by sy
korrek bewese standpunt dat Blankes nie moet stem in die
ANC-verkiesings nie. Om te gaan stem, is om legitimiteit (wettigheid)
te gee aan 'n onwettige regime. Deur te stem, moet die kieser die
uitslag van die verkiesing aanvaar, en dit beteken dat Blankes wat
stem na die verkiesing die ANC as regeerder en die toestand wat die
regeerder skep, moet aanvaar.

Die kieser weet ook nie wie die land regeer nie. Hy het uit dokumente
aangehaal waarin die wegbreek van Lekota reeds meer as vier jaar
gelede beplan en gedokumenteer is. Mnr Rust het daarop gewys dat die
magte wat regeer, besluit of die regeerder Mbeki, Zuma, Lekota of
selfs die DA is. Daar is geen verskil wie die regering oorneem nie,
die resultaat sal dieselfde wees.

Hy het 'n beroep gedoen dat Afrikaners konsolideer buite die bestel
deur nie te stem nie en 'n politieke krag word met net een doelwit:
die herwinning van die Afrikanervolk se vryheid waar die Afrikaner
weer oor homself sal regeer in sy vaderland.

LJ VAN DER SCHYFF
HOOFSEKRETARIS

15Januarie 2009

HNP aksies landwyd om kiesers te registreer by VVK

HNP
Posbus 1888 Pretoria 0001
Tel (012) 335-8523/4
Faks (012) 335-8518
info@hnp.org.za www.hnp.org.za

Mediaverklaring

HNP: Aksies landwyd om kiesers te registreer by die VVK

Die HNP het hom verbind om landwyd vergaderings en ander byeenkomste
te reël waar Afrikaners ingelig en die geleentheid gebied sal word om
as kiesers te registreer op 'n onafhanklike kieserslys vir die
Afrikanervolk.

Mnr Andries Breytenbach, onderleier van die HNP, het by 'n openbare
vergadering in Eloffsdal, Pretoria die besonderhede van dié
onafhanklike verkiesingsplan vir die Afrikanervolk bekendgemaak.

Hy het gewys op die voorskrifte van die Volkereg dat elke volk ter
wêreld die reg het op selfbeskikking. Daardie reg geld ook vir die
Afrikanervolk. Die land wat ons as Blank Suid-Afrika geken het,
behoort volkeregtelik aan die Afrikanervolk. Ons sal nie ons aanspraak
daarop prysgee nie, het mnr Breytenbach gesê.

Afrikaners sal landwyd op 'n kieserslys geregistreer word. Dié
kieserslys word deur die onafhanklike VVK (Volksraad Verkiesing
Kommissie) geadministreer. Dit gebeur buite die ANC en het niks te
doen met die regering se IEC nie. Wanneer 'n voldoende getal kiesers
geregistreer het, sal die VVK 'n verkiesing reël waar 'n
verteenwoordigende liggaam vir die Afrikaners gekies sal word. Dit
word die Volksraad genoem. Dié liggaam sal dan volgens die voorskrifte
van die Volkereg die proses aan die gang sit om die Afrikanervolk se
vryheid en regmatige besit op te eis en die eis te internasionaliseer.

Mnr Breytenbach het gesê die vryheidstryd van die Afrikaner sal met
dié aksie momentum kry. Daar was die afgelope 15 jaar baie min
daadwerklike aksies om ons vryheid te herwin. Die HNP gaan hom daarop
toespits. Daarom sal die HNP landwyd vergaderings hou om die boodskap
van vryheid uit te dra en die volk te besiel.

Die vryheidsplan is baie positief deur die gehoor ontvang en bykans
elke teenwoordige het as kieser by die VVK registreer.

LJ VAN DER SCHYFF
HOOFSEKRETARIS 15 Januarie 2009

"PRAAG - Die Pro-Afrikaanse Aksiegroep"

PRAAG-nuusbrief, nr. 1, Januarie 2009 9de jaargang

Voorspoedige nuwe jaar aan elke Praager
Mag 2009 vir u 'n blink jaar wees!
Ons wens elke PRAAG-lid 'n opwindende nuwe jaar toe; mag al u wense en
ambisies vanjaar vervul word, D.V.

Konsolidasie gedurende 2008
Groei in webwerfgebruik en lidmaatskap in die vorige jaar
Gedurende 2008 het die Pro-Afrikaanse Aksiegroep hom opnuut gefokus op
die volgende vier gebiede:

1. Nuwe media in Afrikaans. PRAAG is tans die enigste Afrikaanse
organisasie wat oor 'n eie e-dagblad in die vorm van www.praag.co.za
beskik. Sedert Januarie 2008 het die aantal lesers van www.praag.co.za
verdriedubbel en ons voorsien nogmaals groei vanjaar soos wat meer en
meer mense bewus raak van ons gratis webwerf propvol vars nuus en
kommentaar, met ongeveer 15 nuwe artikels wat daagliks gepubliseer
word, soortgelyk aan die webwerwe van gedrukte dagblaaie in Afrikaans.

2. Uitgewery en elektroniese publikasies. Ons heruitgawe van Paul
Kruger se biografie deur D.W. Krüger het ietwat langer geneem as wat
verwag is, maar dié belangwekkende hardebandboek van 640 bladsye sal
binne die volgende twee maande op die rakke wees, ná maande se harde
werk en proeflees. Ons het ook gedurende 2008 ver gevorder om 'n
e-boekstelsel te implementeer waarmee ons met streng
kopieregbeskerming boeke elektronies kan publiseer in die
Mobipocket-formaat wat ook op selfone gelees kan word. Dit gaan 'n
eerste in Afrikaans wees.

3. Taalhandhawing. Sedert 2000 toe PRAAG gestig is, is ons een van die
min Afrikaanse organisasies wat onverskrokke standpunt ten gunste van
Afrikaans as openbare taal innneem. Onder andere het ons Standardbank
en Woolworths oor hul miskenning van Afrikaans gepak en dié veldtogte
sal in 2009 'n veel meer sigbare vorm aanneem.

4. Aksies oor veiligheid. Gedurende die jaar was ons steeds betrokke
by die opleidingskampe van TLU Veiligheid en het eie strategiese
beplanning rondom veiligheid gedoen.

Aanstelling van Gustav Venter as Bestuurder: lede en organisasie
'n Strydros vir die Afrikanersaak gaan ons help om die VRYHEID
2013-ideaal te bereik
Gustav Venter, wat reeds op 'n vrywillige grondslag by PRAAG betrokke
was, is sedert 1 Janurie vanjaar aangestel as Bestuurder: lede en
organisasie. Ons mikpunt is om vanjaar 2000 betalende lede vir PRAAG
te werf ten einde ons strategiese doelwit van Afrikanervryheid in 2013
te bereik. Nie net is Gustav 'n talentvolle skrywer en joernalis wie
se uitmuntende rubrieke op www.praag.co.za te lese is nie, maar hy is
ook 'n geesdriftige organiseerder wat begeesterd is oor PRAAG se
potensiaal om dié voertuig te word waardeur die Afrikaner verlos gaan
word van geweldsmisdaad, grondhervorming, regstellende aksie,
taaldiskriminasie en alles wat daarmee saamhang. Van meet af aan
vanjaar sal huidige PRAAG-lede gekontak word om hulle by aktiwiteite
in hul eie gebiede te betrek, maar ook om ons te help om ons
organisasie verder landwyd te versterk, ten einde daardie VRYHEID
2013-ideaal te bereik. Ons vra elkeen wat vir ons toekoms omgee om hul
geesdriftige samewerking aan Gustav te gee sodat ons sommer vinnig ons
doelwitte vir die jaar kan bereik. 083 690 6257

Facebookgroep
PRAAG op Facebook groei tot 750 lede

Binne slegs enkele maande vandat Albertus Kleingeld 'n Facebookgroep
vir PRAAG geopen het, het die groep aangewas tot 750 lede. Van die
begin af was PRAAG 'n tegnologies gedrewe organisasie wat in pas met
die internet en ontwikkeling van nuwe media gegroei het. Ook die
Facebook-fenomeen bied aan ons 'n geleentheid om ons aksiegroep te
bemark en die Afrikanersaak verder onder die groot aantal Afrikaners
wat aan Facebook se sosiale netwerk deelneem uit te brei.

Planne vir 2009
Organisasieversterking, diplomatieke en internasionale aksies,
media-ontwikkeling

Waar ander Afrikaanse organisasies reeds boedel oorgegee het of die
ondergeskiktheid van die Afrikaner en Afrikaans aanvaar, gaan ons
vanjaar voort om:

1. Ons organisasie te versterk sodat ons in die geval van 'n
verslegting van politieke of ander toestande (soos in Zimbabwe
byvoorbeeld) 'n rol kan speel om Afrikaners op 'n groot skaal te
mobiliseer deur middel van ons ontwikkelende kommunikasievermoëns.

2. Intellektuele leiding te verskaf daar waar soveel verwarring rondom
die wesentlike kwessies in Suid-Afrika heers.

3. Diplomatieke aksies teenoor buitelandse ambassades in Pretoria,
asook simpatieke organisasies en groepe in die buiteland te voer.
PRAAG beskik oor die strategiese aanvoeling en intellektuele statuur
om sinvolle internasionale verhoudings in die belang van
Afrikaneroorlewing in Suid-Afrika aan te knoop en uit te bou.

4. Om nuwe Afrikaanse media soos webwerwe, e-boeke en e-nuusbriewe
verder te ontwikkel ten einde 'n onafhanklike kommunikasiekanaal te hê
wat nóg aan die staat onderhewig is soos die SAUK, nóg aan die Brits-
en Amerikaans-oorheersde geldmag wat geen waarde aan die Afrikaner se
oorlewing en langtermynteenwoordigheid in Suid-Afrika heg nie. Deur
die waarheid oor Afrika en internasionale strategiese kwessies op 'n
sinvolle en toeganklike manier aan ons lesers te bied, word hulle nie
net ingelig nie, maar bou ons ook aan die suksesverhaal van Afrikaans
op die internet.

Ons saak is dringend
Afrikanermoedeloosheid mag ons nie verhoed om sukses te behaal nie

Terwyl die hoofstroommedia 'n rooskleurige prentjie oor Suid-Afrika
skep, weet ons van die moedeloosheid wat onder die meerderheid
Afrikaners heers sover dit ons toekoms in ons vaderland betref. Vele
mense is steeds besig om na Australië en ander lande te emigreer of
emigrasie as enigste toekomsdroom te aanvaar.

Ons mag nie toelaat dat hierdie moedeloosheid ons verlam nie. Ons tyd
is min. Die toekoms van Zimbabwe is verseël in die vroeë tagtigerjare
toe 'n groot aantal blankes die land verlaat het, waarna dit net 'n
kwessie van tyd was voordat radikale Afrosentriese politiek sou
seëvier en die land weens 'n gebrek aan kundigheid in duie sou stort.
Indien die aantal Afrikaners in ons land onder 'n kritiese massa sou
verval, is ons ewe verlore as die blanke Zimbabwiërs.

Daarom is dit so noodsaaklik dat ons vanjaar berge moet versit om die
oënskynlik onafwendbare af te weer. Daar bestaan nou 'n
geleentheidsvenster vir die Afrikaner, gegewe die vloeibare
internasionale politiek en swart verdeeldheid in Suid-Afrika, om weer
sy vryheid terug te kry, al is dit net gedeeltelik en binne 'n kleiner
gebied as dit waaraan ons in die verlede gewoond was.

Ons mag nie, ná al die onbesonne foute wat in die onlangse geskiedenis
deur Afrikanerleiers begaan is, hierdie allerlaaste kans laat
verbyglip nie!

U ondersteuning, hetsy finansieel, hetsy as vrywillige organiseerder
om PRAAG uit te bou, is wat die verskil gaan maak.

Maak kontak by inlig@praag.org!

Dr. Dan Roodt, direkteur