Vryheidsfonds

Geagte Volksgenoot,

Die Volksraad het aan die finansiële komitee van die Volksraad die opdrag gegee om 'n oplossing te vind vir die finansiële uitdagings wat gepaard gaan met ons strewe na vryheid in 'n eie territoriale gebied.

Gevolglik is Die Vryheidsfonds in die lewe geroep, wat as 'n Artikel 21 Maatskappy bedryf sal word.

Doel van die Vryheidsfonds:
Om die finansiële middele te bekom wat benodig gaan word ten einde Die  Boere-Afrikanervolk behoorlik in 'n lewensvatbare, onafhanklike Volksrepubliek te vestig.

Die korttermyndoelwitte behels ondermeer:
1. Om die werksaamhede van die VVK  in so 'n mate te finansier dat persone wat hulself geroepe voel om by die Boere-Afrikanervolk se strewe na 'n eie vaderland aan te sluit, wel deur bemarking bereik kan word ten einde op die kieserslys geregistreer te word.
2.  Om alle aksies aangaande volksvergaderings en volkstemmings te finansier wat uitgevoer sal moet word ten einde volksbesluite aan die Regering via die Volksraad deur te gee.
3.  Om die kostes te dek wat deur die Volksraad aangegaan sal moet word ten einde hul take namens die Volk behoorlik uit te kan voer.
4.  Om dringende aandag te gee aan die inwerkingstelling van koste effektiewe kommunikasiestelsels waardeur landwyd en gereeld met die volk gekommunikeer kan word.

Ons besef ook dat niemand maar niemand, buite die persone op die amptelike Boere-Afrikaner kieserslys, sal enige sent bydrae ten einde ons te help om die suiwer ideaal van die verkryging van ons eie soewereine Volksrepubliek te bekom nie. Die teendeel is egter waar: 'n groot menigte buite ons amptelike kieslys (en ja ongelukkig baie Afrikaners ook) sal hul uiterste bes doen om ons pogings te kelder aangesien 'n duisternis redes verskaf kan word waarom dit nie in hul direkte belang is om ons te sien sukses behaal nie. Die geldmag van die Afrikaner-liberalis, gekombineer met die belastingvorderende kragte van die huidige regering, afgerond met 'n sousie van swart ekonomiese bevoordeling, laat ons absoluut aangewese op ons Skepper en onsself om ons eie finansiële heil uit te werk.

Uit hoofde van al hierdie bogenoemde sake, het die finansiële komitee van die volksraad besluit om hierdie behoefte daadwerklik aan te spreek. Daar is besluit op 'n eenvoudige debietorderstelsel waar die hele volk op 'n maandelikse basis klein bedrae tot die Volkskas bydra. Die minimum bedrag wat van elke kieser op die kieslys verwag word, is R100 per maand. Finansieel sterker persone word egter hartroerend versoek om ruimskoots hul bydraes aan te pas na bedrae wat R100 oorskry. Kiesers wat egter onder soveel finansiële druk verkeer dat hulle werklik nie by magte is om R100 per maand by te dra nie, kan 'n versoek tot die finansiële komitee rig vir 'n verminderde bedrag. Kom ons noem dit 'n vrywillige vryheidsbelasting. Waar elke persoon vir wie vryheid werklik belangrik is, 'n bydrae lewer om hierdie belangrike saak finansieel te steun.

Die idee is dat elke kieser op die kieslys so spoedig moontlik sy debietorder invul en ingee sodat die Vryhiedsfonds kan begin stukrag kry. Hoe gouer hierdie fonds begin stukrag kry hoe beter want tyd is teen ons. Dit gaan baie vinnig die fondse aan die VVK beskikbaar stel om ons volk se kieslys uit te brei na 'n veelseggende getal. Dit gaan ook vinnig die broodnodige fondse verskaf sodat die Volksraad op 'n professionele wyse te werk kan gaan ten einde ons Volk se vryheidsideaal tot uiting te bring.

In hierdie saak is dit ook belangrik dat die Vryheidsfonds medewerkers kry in die verskillende dele van die land. Gevolglik word daar 'n beroep gedoen op Volksgenote wat bereid is om op te tree as medewerkers, om die Volksraad te kontak by kontak@volksraad.co.za

http://www.vryheidsfonds.co.za/2001.html

Seënwense aan VVK Volksraad

Bravoland wens hiermee die nuut verkose Volksraad alle sterkte toe vir die groot taak wat voor die deur lê.

Ons weet dat die volk in goeie hande is met die puik manne wat verkies is. Dit is almal manne wat al diep spore in die volks akker getrap het .

Waar Bravoland 'n vry kuber staat is, bid en vertrou ons dat hierdie nege tal manne volks vryheid 'n werklikheid gaan maak in 'n begrensde grondgebied. Ons Hemelse Vader se seën word  julle toegebid in hierdie reuse taak wat julle namens die volk aanpak.

Bravoland beloof hiermee ook haar steun in enige take wat die Volksraad aanpak. Julle kan gerus op ons knoppie druk wanneer julle dit benodig.

Seën wense,

Alwyn de Klerk
Staatspresident

http://www.bravoland.co.za/forum/index.php/topic,6091.0.html

NUUSKOMMENTAAR - 3 Augustus 2011

Komaan, waar is julle stemme nou?

'n Groepie studente dink hulle is snaaks en neem 'n foto van ander studente wat maak of hulle Adolf Hitler is. Wat gebeur? Die radiostasie wat dit gedoen het, word gedwing om die foto en inskrywing van hulle Internet-blad te verwyder omdat hulle so onsensitief was.

Die mense wat kla, is geïdentifiseer as "luisteraars". Dit gaan oor gebeure wat 70 jaar gelede plaasgevind het toe hierdie studente nog nie eers 'n vonkel in Ouma en Oupa se oë was nie. Vir 'n groep mense is hierdie deel van die geskiedenis baie sensitief en hulle werk hard daaraan om te sorg dat die kollektiewe geheue behoue bly – almal in die wêreld moet altyd onthou wat Adolf Hitler aan Jode gedoen het.

Met watter weergawe van die geskiedenis 'n mens ook al saamstem, moet 'n mens hulle ter ere nagee – hulle slaag beslis daarin om die "Holocaust" lewend te hou.

As ons Boerevolkie maar kon leer om so op die kruine van empatie te ry, sou niemand ooit vergeet het van die onreg wat in die konsentrasiekampe teen ons mense gepleeg is nie. Maar dit lê ook in die verlede – nog meer onrusbarend is die onreg wat vandag gepleeg word teen hierdie selfde groep mense.

'n Vyf-en-vyftig jarige boer word in 'n graf gegooi en met klippe geslaan en gegooi tot hy dood is. Sy verlamde vrou word vasgebind en geterroriseer. Sy 84-jarige moeder word vasgebind en aangerand.

Mense, waar is die openbare protes, waar is die uitroepe van afsku?

Waar is die "luisteraars" nou? Hoekom hoor ons nie hulle stem teen hierdie onreg nie? Waarom word die regering en die polisie nie gedwing om in die openbaar om verskoning te vra dat hulle nie boere beskerm nie?

Wat se kos gaan die "luisteraars" oor tien jaar in Suid-Afrika eet as al die boere doodgemaak en verjaag is?

Dieselfde geld vir belange-organisasie soos die Joodse Raad van Afgevaardigdes, die Black Lawyers Association, die Black Business Chamber en sommer ook die Islamitiese Raad. Net so geld dit vir die ANC Jeugliga wat so graag van die vette van die land lewe.

O ja, en moenie die ANC self vergeet nie. Ons eis dat hulle hul verontwaardiging uitspreek oor hierdie grusame voorval en elke ander een waarin 'n kosvoorsiener van hierdie land seerkry of vermoor word.

En laat ons ook maar self ophou om bewusteloos deur die lewe te gaan. Elke plaasaanval is 'n aanval nader aan jou! Staan op, praat, raak betrokke!

'n Foto in die kuberruim lok meer reaksie uit as 'n man wat lewend begrawe word. Waar gaan ons heen?

Ons daag hierdie groepe wat hierbo genoem is, en sommer al die ander belangegroepe in die land uit: As jy môre wil eet, staan op en spreek jouself uit teen die volksmoord wat besig is om op jou drumpel af te speel!

Los ons uit !

Mediaverklaring
26 Julie 2011



Mnr. Willem Pretorius, 'n Assistentredakteur by Die Burger, laat die suggestie in 'n artikel onder die opskrif "Van boomdief, Moneypenny tot Oslo", dat die Verkennersbeweging van Suid-Afrika, verantwoordelik is vir 'n boom wat iewers in die Kaap gesteel is. Blykbaar is die boom geplant ter "ere" van Mandela se lewe. Die Verkennersbeweging stel dit kategories dat die Beweging niks te doen het met die vermiste boom nie en ag Pretorius se belaglike suggestie as 'n kwaadwillige poging tot naamskending.

Die Verkennersbeweging is van mening dat, gegewe die realiteite van Suid-Afrika, die boom heel moontlik iewers in Khayelitsha gebruik is as vuurmaakhout. Indien dit wel so is, sou dit gepas wees - gegewe die feit dat die boom ter "ere" van Mandela se lewe geplant is. Mandela se bydrae om Suid-Afrika in 'n kleptokrasie te verander, kan immers nie gering geskat word nie.

Pretorius se vreemde omgang met die waarheid is egter nie net beperk tot sy vermiste (heilige?) boom nie. Vervolgens verklaar hy dat die ses persone wat aan 'n protes deelgeneem het teen die onreg wat teen Clive Derby Lewis gepleeg word en wat daarvan verdink word dat hulle plakkers in Mandela rylaan geplak het, almal lede van die Verkennersbeweging van Suid-Afrika is. Dit is egter 'n bekende feit dat hierdie protes gepleeg is deur die "Vriende van Clive" en dat al die persone beslis nie lede van die Verkennersbeweging is nie.

Pretorius se Afrikanerhaat word ook duidelik wanneer hy na die Abel Malan/Anton van Niekerk-insident verwys as "die lafhartige aanval op prof. Anton van Niekerk". Oor Van Niekerk se lafhartige aanval op die Afrikaner en elke seun van Suid-Afrika wat bloed vergiet het in die Bosoorlog, swyg Pretorius. Dit verbaas ook nie, aangesien dit blyk dat Pretorius nie sal toelaat dat feite inmeng met 'n "goeie" storie nie. Veral as die storie goeie propaganda-waarde het.

Pretorius se grootste belaglikheid is egter sy "kopsprong" in die artikel na Anders Behring Breivik van Noorweë in 'n desperate, absurde poging om die Verkennersbeweging van Suid-Afrika aan die bloedbad in Noorweë te koppel.

Die Verkennersbeweging van Suid-Afrika veroordeel die terroristiese optrede van Anders Behring Breivik ten sterkste, net soos wat die Beweging alle terroristiese optrede veroordeel, insluitende die bomme en brandende motorbande om weerlose Swartes se nekke waarmee Nelson Mandela en sy ANC-kaders onskuldige mense vermoor het.

Die Verkennersbeweging steun 'n vreedsame politieke oplossing en daarom steun ons die Volksraad Verkiesing Kommissie (VVK) se verkiesing wat in September 2011 sal plaasvind. In hierdie verkiesing sal daardie deel van ons Boere-Afrikanervolk wat onafhanklikheid wil hê, 'n Volksraad verkies wat daardie internasionale reg op selfbeskikking namens ons gaan opeis.

Die Verkennersbeweging het volle begrip daarvoor as Pretorius en sy geesgenote eerder in hulle "Nuwe Suid-Afrika" paradys wil aanbly. Maar die res van ons het ons eie staatkundige pad begin loop – voortgedryf deur ons eeue-oue vryheidsdrang; voortgedryf deur die Goddelose modder waarin sekere wit Afrikaanssprekende varke so heerlik rondrol; voortgedryf deur honger kindertjies met ouers wat werkloos of as dagloners weens "affirmative action" spartel om liggaam en siel aanmekaar te probeer hou; voortgedryf deur die gille van ons gemartelde bejaardes en verkragte volksmoeders en –dogtertjies. En soos ons nie in Pretorius en sy geesgenote se pad staan nie, beter hulle ook nie in ons pad probeer staan nie. Die boodskap wat ons aan hulle uitstuur is: Los ons uit. En hierdie boodskap moet hulle liewer nie ignoreer nie.

Ben Geldenhuys
President
Verkennersbeweging van Suid-Afrika

VVK Kandidate Toer

•   4 Julie 2011 Pretoria: H/V Pretoriaweg en Watermeyer, Silwer Valke Rugbyklubsaal 19:00
•   5 Julie 2011 Rustenburg: H/V Lucas en Benedenstr. HTS Rustenburg 19:00
•   6 Julie 2011 Pietersburg: H/V Voortrekker & Thabo Mbeki Laerskool Pietersburg 18:00
•   7 Julie 2011 Nelspruit: LNR-ITSG – Lapa Nelspruit 19:00
•   8 Julie 2011 Vryheid: APK Vryheid H/V Park en Smalstr 19:00
•   9 Julie 2011 Bloemfontein: CVO Dankbaar 19:00
•   11 Julie 2011 Port Elizabeth: Sal aangekondig word
•   12 Julie 2011 Oudtshoorn: CP Museum Rembrandsaal 19:00
•   13 Julie 2011 Stellenbosch: WP De Kock Saal Kamer van Mynwese gebou 19:00
•   14 Julie 2011 Beaufort-Wes: Jurie Taylor Klubhuis 19:00
•   15 Julie 2011 Kuruman: FRANCOIS DAUTH 19:00
•   16 Julie 2011 Vereeniging: HTS Vereeniging, Voortrekkerstr. 19:00
Laat weet u familielede en mede volksgenote van die geskiedkundige toer.

Vir verdere navrae kyk hier :  http://www.bravoland.co.za/forum/index.php/topic,5399.msg76854.html#msg76854

Ope brief aan FW de Klerk

Geagte Mnr de Klerk,
 
 
Onlangs in 'n bemarking video van die VVK, het ek die "beloftes" gesien wat u gemaak het na u besluit het om ons Vaderland aan 'n terroriste bende weg te gee. 'n Land wat oor meer as 300 jaar met die bloed en sweet van die Afrikaner se voorvaders gekoop en opgebou is. Ek stel dit aan u, dat u openlik gelieg het. Dat u geweet het dat daar geen kans onder die heerskappy van die ANC-terroriste bende sou wees van u beloofde eie skole, eie woongebiede en die belaglike "wigte en teen wigte" nie.
 
Dit was my voorreg om Deon Opperman se nuutste produksie: "Tree aan" te gaan kyk wat handel oor die Nasionale diensplig wat ek en ander jong Afrikaners uit liefde vir ons Vaderland gedoen het. Wat ons gedoen het omdat ons bedoel het wat ons gesê het wanneer ons gesing het; "Ons sal lewe, ons sal sterwe, ons vir jou, Suid-Afrika". Dit was vir my uiters hartseer om die duisende name te sien van die jongmans wat gesneuwel het aan die grens, terwyl hulle ons land en ons land se veiligheid beskerm het. Ek was nie hartseer omdat hulle die hoogste offers gebring het vir 'n land wat ons beloof het om voor te sterf nie, maar hartseer omdat u daardie offers gereduseer het tot 'n onbenullige daad, bloot deur u lafhartige oorgawe van ons geboortereg. U moet my baie mooi verstaan, die geboortereg waarna ek verwys is nie die reg om oor ander volke te heers nie, want geen volk het die reg om oor 'n ander te heers nie, maar die reg tot 'n eie vaderland, waar ons as eerste klas burgers behandel word en aan wie ons bereid is om voor te beloof: "ons sal lewe, ons sal sterwe, ons vir jou.....". Maar daardie reg tot patriotiese vaderlandsliefde, het u in u almag van ons ontneem en ons broers, die seuns van die Boerevolk, wat die hoogste offers gebring het om vir ons daardie reg te verseker, het u op gebraak. En nou moet ek vra; vir wat? Vir 'n Nobel prys vir vrede? Vrede nogal, dit terwyl derduisende van die Boerevolk se bejaardes, boere en vrouens vermoor, verkrag en vermink word. Selfs driejarige dogtertjies word op die mees barbaarse manier vermoor deur die barbare wat u oor ons aangestel het. Dit alles sodat u 'n Nobel prys kan kry. Sies!
 
Ek lees ook in die media dat u deesdae baie kritiek het oor die manier waarop die terroriste bende aan wie u Suid-Afrika gegee het, regeer. Is dit dalk u skuldige gewete wat u nou tot sulke stappe laat oorgaan? Dit is te min te laat. Die bloed van die seuns van die Boerevolk wat op die grense van hierdie land gesterf het, is op u hande. So ook die bloed van elke bejaarde, elke plaasboer en elke kind wat vermoor is sedert 1994. Ek is dankbaar dat die Liewe Vader u aan die lewe hou om u handewerk te aanskou.
 
U moet egter besef dat hierdie volk, nie langer op hom sal laat trap nie. Dat hierdie volk in September 2011 'n verkiesing gaan hou, waar ons 'n Volksraad gaan kies wat ons internasionale reg tot selfbeskikking sal op eis. Ek hoop dat u ook hierdie nuwe republiek sal sien tot stand kom. Weet egter, met alles in my wese sal ek veg om te verseker dat u nooit toegang tot hierdie nuwe Afrikaner republiek sal verkry nie. U wou Azania gehad het en daarom verdien u om u laaste dae in Azania te sluit. Mag die geskiedenis u onthou vir wat u was en mag dit so wees dat u naam in die toekoms in die selfde asem genoem word as Idi Amin en Robert Mugabe.
 
Die uwe,
 
 
 
Ben Geldenhuys


Lewer hier kommentaar :  http://www.bravoland.co.za/forum/index.php/topic,5948.0.html

Slag van Donkrhoek Herdenkingsfees

 

 

Media Verklaring

 

Tussen die 11de en die 12de Junie 1900, het die Boeremagte 'n deurslaggewende oorwinning behaal teen die Britse magte by Donkerhoek. Hierdie slag, bekend as die Slag van Donkerhoek en ook soms as "The battle of Diamond Hill" word hierdie jaar herdenk op die 10de en 11de Junie 2011 by Die Pos op die Tandem plaas net buite Kleinfontein.

Vrydag die 10de Junie 2011 se program begin om 19h00, met 'n Cantus, aangebied deur die Bibambus Cantus Gilde van Pretoria.

Saterdag die 11de Junie 2011 se program skop om 10h30 af. Die dag beloof om 'n feestelike herdenkingsdag te wees, met 'n feesrede wat gelewer sal word deur Advokaat Jan van Zyl, verskeie kunstenaars en 'n perde kommando optrede. Boeresport, skyfskiet en 'n springkasteel is maar van die aktiwiteite wat die dag aangebied sal word en verskeie kosstalletjies sal ook die dag teenwoordig wees.

Kom herdenk ons kultuurerfenis, op 'n feestelike wyse by 'n volkseie terrein.

 

SLAG VAN DONKERHOEK REELINGS KOMMITTE

3 JUNIE 2011

 

Meneer die President , beskou u die burgers van Suid-Afrika se veiligheid as prioriteit ?

                                   

Minister van Beveiliging Bravoland

sanderis@bravoland.co.za

04 Mei 2011

U verw : Departement van Beveiliging , Kantoor

Insake : Geregtigheid in die Nuwe Suid-Afrika

Geagte Staatspresident ,
      Meneer Zuma , dit is jammer dat ek my pen in gal moet doop in hierdie skrywe wat ek aan u rig in die hoop dat u sal sien Suid-Afrika vereis geregtigheid as een van die bestandele vir 'n suksesvolle samelewing . Ek verwys hier spesifiek na me. Jeanette Odendaal (45) wat deur die hande van 'n geregsdienaar gedood is.

Ek is bewus van die feit dat uself die voorval ten sterkste in die media - Televisie en koerante veroordeel het en prys ek u vir die spoedige optrede . Dit is egter jammer vir my om te sê dit is nie genoeg nie ! Geregtigheid kan nie geskied deur 'n enkele veroordeling nie , die strewe na geregtigheid is 'n jarelange aanhoudende proses wat deur die betrokke rolspelers gedryf moet word . Ek is bewus dat u korrupsie wil stop , maar terwyl die staatsorgane , die verskillende departemente van u regering besoedel en besmet is met korrupsie en onbevoegdheid sal die strewe na geregtigheid net 'n droom bly wat nie kan realiseer nie a.g.v. die verrotte elemente in u staatsdepartemente .

U Polisiehoof , Genl. Bheki Cele, nasionale polisiehoof het gesê die polisie-ondersoek moet eers afgehandel word voordat daar enigsins van polisie-wreedheid gepraat kan word. Nou , ek kan nie mooi verstaan wat hy eintlik probeer sê nie , vir my kom dit voor asof hy die polisieman wat me. Jeanette Odendaal (45) koelbloedig doodgeskiet het se optrede probeer regverdig . Verder sê hy in antwoord op mediavrae oor of dié voorval op 'n tendens van uitermate geweld by die polisie sou dui, gesê die polisie kom uit die samelewing "en ons leef in 'n baie gespanne en gewelddadige samelewing". Hy het weer daarop gewys dat polisielede binne die wet moet optree.
Kom ons kyk na : "en ons leef in 'n baie gespanne en gewelddadige samelewing". Die SAPD se onbevoegdheid om misdaad effektief te bestry is die direkte gevolg van die samelewing waarna Genl. Cele hier verwys , om dit as verskoning te gebruik dat 'n SAPD Sersant 'n onskuldige vrou koelbloedig vermoor het is totaal en al onaanvaarbaar en ironies genoeg erken hy dit in nie soveel woorde nie met " Hy het weer daarop gewys dat polisielede binne die wet moet optree. "  . Om die hele SAPD as onbevoeg te beskryf sal onbillik van my wees , ek is bewus daar is wel talle uitstekende polisielede wat onselfsugtige diens aan die gemeenskap lewer en hul bes probeer om misdaad te beveg; maar dit is ongelukkig net 'n handjievol en sal die land se misdaadprobleem nie kan oplos nie .

Die Onafhanklike Klagtedirektoraat (OKD) het in die lig van verskeie onlangse voorvalle van skynbare polisie-wreedheid gister gesê dit is uiters belangrik dat die polisie Suid-Afrikaanse burgers se grondwetlike regte te alle tye moet respekteer. Só het mnr. Francois Beukman, uitvoerende hoof van die OKD, op 'n nuuskonferensie gister in Emalahleni gesê nadat hy en ander OKD-lede die familie van wyle me. Jeanette Odendaal (45) op Middelburg besoek het.
"Ons het hulle verseker die OKD sal die saak ordentlik, onafhanklik en onpartydig ondersoek en sal toesien dat geregtigheid geskied," het Beukman gesê.

Net om geregtigheid eenmalig te laat geskied is ook nie genoeg nie , dit is 'n ingewikkelde probleem wat deeglike sorg en aandag vereis om die probleem in sy geheel aan te spreek . Die vraag is nou : watse stappe gaan en kan geneem word om te verseker dat dieselfde voorval nooit weer sal gebeur nie ?

Ek kan voorstel dat u 'n onafhanklike kommissie saamstel wat se doel sal wees om te bepaal hoe effektief en bevoegd u verskillende staatsdepartemente is , met die resultate wat u sal ontvang van die onafhanklike kommissie se verslae kan u bepaal of dit nodig sal wees om u verskillende staatsdepartemente te herstruktueer en indien wel tot watter mate .




Die uwe ,


S.Maartens

Minister van Beveiliging
Republiek van Bravoland
http://www.bravoland.co.za

Vry , vryer , VVK !

Vir die laaste 17 jaar staan die Boere-Afrikaner volk onder vreemde heerskappy. Die regering van die dag se beleidstukke, grondwet en optrede is deurspek met kommunistiese denke maar word onder die vaandel van demokrasie en menseregte as edel voorgehou. Dit terwyl menseregte geen noemenswaardige plek kry in die bedeling nie, tensy jy 'n krimineel is. Die aard van die demokratiese stelsel verskraal die moontlikheid van 'n verantwoordelike regering tot bykans nul en die gevolg van dit alles is dat grond, rykdom, menswaardigheid en lewens van blankes gestroop word en aan tans bevoordeeldes gegee word.

Wat is die oplossing? As daar geen opsie binne die partypolitieke bestel bestaan nie, moet ons daarbuite gaan soek. Dit is presies wat die VVK gedoen het. Volgens die riglyne deur die plaaslike- en internationale volkereg daargestel, fasiliteer die Volksraad Verkeising Kommissie 'n verkiesing waarin die volk vir hom leiers kan verkies tot 'n volksraad. Die volksraad sal dan met 'n mandaat selfbeskikking vir die volk eis.

Terwyl die besonderhede uiteraard nog nie ter sprake is nie, behoort die visie van die einddoel reeds in elke vryheidsgesinde Boere- Afrikaner se verbeelding te vergestalt. 'n Eie regeringstelsel, 'n eie Godsdiensbeleid, eie howe, eie hospitale waarvoor mens nie belasting, mediese fonds en dan die mediese kostes ook te betaal nie. Dienslewering deur volksgenote in jou eie taal. Paaie wat in stand gehou word sonder dat duisende ekstra tolle geëis word. Hierdie is enkele gedagtes van hierdie toekomsvisie.

Om hierdie doel te bereik moet soveel as moontlik volksgenote registreer by die VVK en stem vir die volksraad.

Op 9 April 2011 word verskeie registrasiepunte van vroegoggend af in Pretoria bedryf. Kyk uit vir die tente, volg die musiek of die reuk van worsrolletjies en registreer in die Ooste van Pretoria op die hoek van Lynnwood en Hans Strydom; of in die Weste by die park in Van der Hoff Weg; of in die Noorde by die Bosveld Deli op die hoek van De Wilt en R513; in Verwoerdburg op die hoek van Theuns van Niekerk en Escort straat in Wierdapark of in die Moot by Codonialaan net noord van Michael Brinkstraat.

Doen jou deel vir die vryheidseis van jou volk en registreer by die  VVK!


Die Verkennersbeweging van Suid-Afrika

Die Bravolander Maart 2011

Lees hier verder .

Die gety draai

Gister het ons gewys op die skielike opvlam van ongelukkigheid met regerings in Afrika. Egipte het sy president reeds weggejaag, en intussen blyk dit dat Libië vir alle praktiese doeleindes reeds in twee dele verdeel is. Muammar Ghadaffi en sy ewe diktatoriale seuntjie het reeds beheer oor die een deel van die land verloor waar die opstandelinge teen hulle regering reeds die mag oorgeneem het. In die deel van die land wat die Ghadaffi's nog beheer, maak hulle van aanvalshelikopters gebruik teen hulle eie burgers om hulle mag in stand te hou.

Afrika is senuweeagtig vir soortgelyke opstande. Hierdie vuurtjie kan uiteindelik 'n verterende veldbrand word wat baie lande kan tref en wat uiteindelik daartoe kan lei dat selfs meerdere state kan ontstaan. Soedan het onlangs 'n deel van sy land stembus toe geneem in 'n referendum om te bepaal of die suide van die noorde wil afskei. Hulle het oorweldigend ten gunste daarvan beslis, en die wêreld het sonder sweem van twyfel daardie referendum erken en aanvaar die totstandkoming van die nuwe Suid-Soedan. Selfs die ANC-Ieier, Jacob Zuma, het in sy staatsrede die nuwe staat gelukgewens met sy totstandkoming.

Libië gaan heel moontlik ook in twee state verdeel. Dit word al hoe duideliker dat die ou koloniale eenheidstate verbrokkel in volkstate.

Suid-Afrika is ook 'n produk van kolonialisme waar die Britte die onafhanklikheid van die Boere-republieke van hulle geroof het, en toe uiteindelik hulle in 'n unie saamgesmee het, en daardeur ook 'n koloniale eenheidstaat tot stand gebring. En ook hierdie eenheidstaat het van tyd tot tyd sy spannings opgelewer, want eenheidstate werk nie. Daarom dat dr. Verwoerd 'n beleid in werking gestel het waarvolgens die land ook in volkstate verdeel sou word.

Dat Zuma Soedan se afskei-gedeelte erken, beteken dat hy begrip behoort te hê vir 'n volkstaat. Daarom behoort hy begrip te he vir 'n Boere- of Afrikaner-volkstaat. Sy probleem is dan net dat die werkende en presterende deel wat die hele land aan die gang hou, dan onder sy beheer sal uitkom, en dit is waarom daar so angsvallig aan die eenheidstaat geklou word sodat die gans wat die goue eiers Iê, deur kruissubsidie die grootste ellende kan verhelp.

Tog word die druk na selfstandigheid al meer. Weer eens is dit nie in ons volk se vermoë of aard om op 'n Libiese-wyse sy selfstandigheid herstel te kry nie. Maar die Soedan-opsie, van 'n stemming of referendum, is wel moontlik. En tans is die proses wat die Volksraad Verkiesing Kommissie (VVK) aan die gang gesit het, waarskynlik die naaste daaraan en die meeste geskik daarvoor.

Die VVK poog om 'n verkiesing in Mei vanjaar te hou om volksverteenwoordigers verkies te kry om hierdie vryheidseis gestalte te gee. Met die gety wat in Afrika besig is om te draai ten gunste van volkstate en afskeiding, is die tyd waarskynlik baie ryp daarvoor. Daar is egter nog nie naastenby genoeg mense vir die VVK geregistreer om die proses bo enige twyfel geloofwaardig te maak nie. Daarom is dit belangrik dat inisiatiewe soos 'n paar naweke gelede, dat registrasiepunte op openbare plekke ingerig word, nou uiters noodsaaklik om vaart agter die proses te sit.

Helaas is daar enkelinge wat selfs uit hulle pad gaan om hiedie proses te frustreer, en ons betwyfel die eerbaarheid van sodanige motiewe. In hierdie kritieke tyd van ons volksgeskiedenis, durf ons nie moedswillig stokke in speke steek nie. Laat elkeen doen wat sy hand vind om te doen, solank dit opbouend en positief is ter bereiking van ons vryheid. Ons ondersteun steeds die VVK en sy prosesse en doelwitte en sou graag sien dat hierdie proses van nou af in tempo sal toeneem om uiteindelik 'n reuse sukses te word. Ons volk het reeds genoeg mislukkings gehad, dis weer tyd vir 'n sukses op pad na vryheid. En die gety is aan ons kant.



http://www.radiopretoria.co.za/Nuuskommentaar.php

Die Afrikaner se reg tot selfbeskikking

Die Afrikaner se reg tot selfbeskikking

 

Die jongste uitspraak van Mnr. Jacob Zuma m.b.t. 'n Afrikaner tuiste, gaan beslis debat rondom die kwessie van selfbeskikking vir die Afrikaner ontlok. Die Verkenners Beweging van Suid-Afrika verwelkom hierdie debat. Wat die Verkenners Beweging egter nie verwelkom is Mnr. se aanmatigheid dat hy nou namens die Afrikaner kan besluit waar hulle tuiste is. Mnr Zuma vergeet, of is moontlik onbewus, dat elke volk op aarde in gevolge die volkereg, het die reg tot selfbeskikking, ook die Afrikaner volk. Dit is verder elke volk se eie besluit of hulle wil vry wees en nie die besluit van een of ander regime se hoofman of leier nie. Selfs daardie persone binne 'n volk wat nie hulle eie tuiste wil he nie, kan nie namens die vryheidstrewende gedeelte van die volk besluit of hulle wel geregtig is op hulle eie tuiste al dan nie.

 

Mnr. Zuma is reg dat daar geen liggaam is wat 'n mandaat het om  daardie Afrikaners wat na 'n eie tuiste streef te  verteenwoordig nie. Nog nie, want die Afrikaners wat streef na 'n eie tuiste is wel besig om 'n verkiesing te reël onder die bekwame hand van die Volksraad Verkiesings Kommissie. Mnr. Zuma moet egter kennis neem dat die blote feit dat hierdie Volksraad nog nie verkies is nie, nie vir hom skielik die reg gee om namens die Afrikaner te wil besluit waar die Afrikaner se tuiste is nie. Die Afrikaner sal op 'n demokratiese wyse ons eie Volksraad verkies. Hierdie Volksraad sal 'n mandaat he om namens die Afrikaner, ons vryheid op te eis. Die grondwet van Mnr. Zuma se regering maak voorsiening vir selfbeskikking in Artikel 235. Hierdie jongste uitlating van Mnr. Zuma skep die indruk dat hy homself bo die grondwet van sy eie regime plaas.

 

Mnr. Zuma se uitlating dat die Afrikaner nie 'n Orania kan skep nie, is net so teenstrydig met sy grondwet en kan selfs as rassisties beskou word, aangesien hy hierdie reg kondoneer vir die Zoeloes, Vendas en Xhosas, maar die volk waarna hy verwys as die enigste blanke stam van Afrika, vir hulle wil hy 'n verbod plaas op hierdie reg.

 

In tussen sal die Verkenners Beweging van Suid-Afrika onverpoosd die verkiesing wat deur die VVK gereël word hierdie jaar steun en ondersteun. Sodat die vryheidstrewende Afrikaner vir homself 'n Volksraad kan kies. Sodat hierdie Volksraad 'n eis op selfbeskikking by Mnr. Zuma se regime kan instel en indien Mnr. Zuma steeds van die oortuiging is dat die Afrikaner geen reg het tot selfbeskikking nie, sal daardie Volksraad hulle beroep op die Volkereg. Die feit bly staan, 'n gedeelte van die Afrikanervolk is moeg vir die onderdrukking en is op pad na selfbeskikking in 'n eie begrensde grond gebied.

 

 

Ben Geldenhuys

President

Verkenners Beweging van Suid-Afrika

 

In ons kubervolkstaat

Wat is Bravoland?


'n Kuberstaat vir die Bloedrivier Geloftevolk! Bravoland het tot stand gekom, grensloos, onafhanklik, uit die versugting van die Afrikaner/ Boerevolk na vryheid!

Elke lid van die Bloedrivier Geloftevolk en ALMAL wat hulself met die stryd van die Bloedrivier Geloftevolk vereenselwig is welkom in Bravoland. U word vriendelik uitgenooi om deel te word van die snelgroeiende kuberstaat.

Bravoland is uit die volk vir die volk... en moet (in spesifiek die forum) gesien word as 'n verhoog. 'n Verhoog waar u as burger kan opstaan, u kennis en ondervinding kan aanbied in die toepaslike "departement", hetsy dit onderwys, energiesake, veiligheid, finansies, ensovoorts is.

Bravoland het geen politieke affiliasie nie, maar deur die samewerking van alle burgers (van alle Afrikaner/Boere-organisasies en/of partye, moet Bravoland gesien word as u spreekbuis – waar u u vrese kan openbaar, u vrae en kwellinge kan verwoord, u siening mag uitlig en in die proses ook deur kundige kennis gehelp en/of gelei kan word.

Daarom dat Bravoland geskoei is vanuit 'n volkstaatkonsep. Die doel van die "kuber-volkstaat" is dan ook om u as burger aan te hoor.

Feite is dat die Afrikaner-kultuur, -geloof, taal en geskiedenis vandag onder ontsaglike druk is en dat dit stadig besig is om verlore te gaan. Hier in Bravoland sal daar pogings aangewend word om, deur kundige leiding en bestuur, juis ook hierdie kwessies aan te spreek en dan ook met daadwerklike optredes te poog om dit te implementeer.

Word deel van Bravoland. Kom deel u kennis en ervaring en help om ons volk weer op te bou.

Word nou deel van die toekoms, sluit aan by Bravoland by http://www.bravoland.co.za/forum

My Geld Praat Afrikaans

Jingo Afrikaners

In sterk vereenvoudigde Nederlands, feitlik al Afrikaans, skryf Eugene
Marais in 'n hoofartikel in Land & Volk in 1891 as volg:
"… die vyande van di Afrikaanse taal is Jingo-Afrikaners – mense so
lag gevalle dat jy lus het om jou mond uit te spoel as jy hulle name
noem. Ons het al baie slegte nasies en mense in ons tyd gesien, maar
nog nooit iets lager of gemener dan Engels-gesinde Afrikaner wat sy
moedertaal – die taal door sy vaders gesproke – verag."

Vandag sal ons met Eugene Marais se stelling kan saam stem. Vandag,
net soos in 1891 is daar ook sulke mense. Jingo–Afrikaners. Die
moderne Jingo-Afrikaners word verseker vandag net soveel verag en in
sekere gevalle selfs meer. Dink maar aan die gevoel wat 'n FW de Klerk
of selfs 'n Koos van der Merwe van die IVP by mens laat. Die term
Jingo is egter gegee aan Afrikaners wat besluit het om ter wille van
hulle nuwe meesters, Brittanje, te verengels. So kry mens vandag talle
mense met Afrikaanse vanne, maar wat skaars twee woorde in Afrikaans
kan praat. Hulle is Engels. Jingos.

Daar is nuwe Jingos ook. Dit is daardie Afrikaners wat die ANC ter
wille wees. Wat verkies om hulle kinders in 'n staatskool te sit sodat
hulle kinders die ANC propaganda kan insluk. Wat selfs hulle kinders
in Engelse skole sal sit, sodat hulle kindertjies tog nie moet
"sukkel" om aan te pas in die "nuwe" wêreld nie. Jingos. En asof dit
nie erg genoeg is nie, maak hulle ook hulle kinders groot as Jingos.
Kinders van die wêreld. Humanisties, kerkloos, liberaal en verlore.

Die aftakeling begin natuurlik eerste by ons taal. So sal die ANC 'n
skool verswart juis deur die skool te verengels. Ons taal is 'n wapen
wat teen ons gebruik word, maar kan ook dien as 'n kragtige wapen in
ons guns. Dit is egter belangrik dat ons besef dat 'n taal wat geen
kommersiele waarde het, sal uit eindelik sterf. Die behoud en groei
van ons taal sedert sy ontstaan was juis sy kommersiele waarde en nou
gooi van ons mense dit weg sodra hulle vermoed iemand is dalk Engels.
Hoeveel Afrikaners slaan onmiddelik oor na Engels sodra hulle moet
besigheid doen nie? Selfs as hierdie Afrikaners kliënte is, weier
hulle om aan te dring of selfs te vra om in Afrikaans bedien te word.
Skandelik. Jingos? Ek hoop nie so nie. Miskien is dit daardie Boere
goeie maniere wat mense dwing om oor te slaan Engels toe sodra hulle
reken die ander persoon gaan sukkel in Afrikaans. Indien dit so is,
is dit een stukkie goeie maniere wat ons sal moet weg gooi, as ons nog
enige liefde vir ons taal oor het. Ons sal moet aandring en meewerk
dat ons taal sy kommersiele waarde behou.

Die Afrikaner se laaste mag is gesetel binne sy ekonomiese krag.
Werkkrag, kapitaalkrag en koopkrag. In sy koopkrag rus sy mag om
Afrikaans se kommersiele waarde te behou. Dit verg ook nie groot
inspanning nie, al wat dit verg is om duidelik te verklaar: My geld,
praat Afrikaans.

Onlangs het die Solidariteitgroep 'n bankverslag die lig laat sien.
Hierdie verslag volg na aanleiding van hulle geveg met ABSA oor ABSA
se aandringing op swartkwotas in Rugby. Die Solidariteit verslag het
gefokus op die bankkostes van sekere banke en op hierdie manier die
banke teen mekaar op geweeg. Kostes is egter net een faset van
bankwese en in my beskeie mening amper die onbelangrikste. So
byvoorbeeld is diens 'n baie belangriker aspek. Indien 'n onderneming
se kostes hoog is, maar sy diens regverdig die koste, dan is dit
regverdigbaar as waarde vir geld. Mens verwag tog nie om by 'n een
ster hotel en by 'n vyf ster hotel die selfde prys te betaal nie. As
Afrikaner is diens in Afrikaans vir my uiters belangrik. Dit wys dat
die onderneming met wie ek besigheid doen respek het vir my en genoeg
waardering het vir my besigheid dat so onderneming my in my eie taal
sal bedien. Feitlik geen van die banke in Solidariteit se studie kan
dit waarborg nie, of bied selfs aan om mens in Afrikaans te bedien
nie.

Indien diens in Afrikaans aangebied deur vriendelike Afrikaners vir
iemand belangrik is, is die Ko-operatiewe banke soos Oranjekas en
Kleinfontein Spaar en Krediet die enigste opsie. Met die kaartstelsel
en elektroniese bankdienste wat Oranjekas nou ook aanbied, het mens
amper nie meer 'n verskoning om beledig te word om in Engels gehelp te
word by die "ander" banke nie. Afrikaans sal kommersieel oorleef deur
instansies soos Oranjekas en ander, maar dan slegs as Afrikaners wat
nie Jingos is, hierdie instansies ondersteun.

AWB Openbare vergadering

Westfalia Avontuurkamp

ONTHOU VAN WESTFALIA KAMP!

- - - - - - - - - - - - - - - - - - - - -
Ons kamp vanjaar weer vanaf 4 tot 11 Desember 2010 op Westfalia tussen
Tzaneen en Duiwelskloof. Almal kan weer kom saam werk en speel tussen
mede Boere-Afrikaners.

Die AVKB is 'n beweging vir die vrye jeug van die Afrikanervolk,
begrond en gerig deur 'n Bybels-Christelike lewens en wêreldbeskouing.

Alle jongmense met durf en wat nog murg in hulle pype het, is welkom.
Die sluitingsdatum vir inskrywings is 27 November 2010.

Die inslag van die kamp is beveiliging van ons geloof, volk, kultuur,
ons lewens en goedere.

Ons gaan skerts, lag, sing, avontuur hê, ernstig wees
en baie beleef en ervaar!

Moenie na die tyd spyt wees nie, wees op die voorpunt, wees gereed vir
enigiets wat op jou wag, wees getrou aan jou Christelike beginsels en
kom geniet 'n onvergeetlike ervaring!
- - - - - - - - - - - - - - - - - - - - -

DIE TEMA HIERDIE JAAR: - - IN DIE VOETSPORE VAN ONS HELDE - -

http://www.facebook.com/event.php?eid=154537024586246

Oranjekas , Bank vir die volk

DIE KAS – BANK VIR DIE VOLK

Dit was die uiterste armoede van Afrikaners na afloop van die Tweede
Vryheidsoorlog wat 'n aantal manne tot die besef gebring het dat die
optrede van Britse bankiers gestuit moes word. Uiteindelik sou die
klein, skugter begin gemaak word met 'n handelstak wat ook die
hoofkantoor sou wees van Volkskas Kooperatiewe Bank. Die stadige groei
aan die begin kan toegeskryf word aan die enorme skuldlas van
Afrikaners by volksvreemde bankiers waar hulle gyselaar gehou is.

Geleidelike groei, nuwe planne en Afrikaner-denke het daartoe gelei
dat daar uiteindelik 'n eerste volwaardige tak opgerig word van Oom
Bossie se Bank. Een na die ander opregte Afrikaner seun en dogter is
in diens geneem – mense waarvan die harte warm geklop het vir die saak
wat hulle dien. Eers in 1938 word 'n nuwe strategie gevolg.
Volksgenote van 'n bepaalde dorp of distrik moes die werwing van nuwe
kliënte begin. As daar uit 'n distrik genoeg beleggings, voldoende
sakeondernemings en gewone salaristrekkers 'n onderneming teken sou
die bank oorweging gee aan die vestiging van 'n nuwe takkantoor.

Die groot banke uit Brittanje het die nuwe bank met smalende
opmerkings begroet en verduur. Toe Volkskas uiteindelik besluit om sy
koöperatiewe mantel te verruil om 'n volwaardige handelsbank te word,
het Afrikaners gehoop en vertrou dat die regte besluit geneem is.

Volkskas Beperk was alle banke voor toe daar besluit is om uitsoek
klante wat oor jare hulle eerbaarheid getoon het, 'n kaart beskikbaar
gestel wat bekend was as 'n welwillendheidskaart. Daarmee kon die
houer daarvan by enige handelsbank enige bedrag onttrek. Hierdie kaart
was moontlik gemaak weens die eerbare optrede van sy kliënte wat
hoofsaaklik Afrikaners was.

Uiteindelik sou die koms van die Nuwe Suid-Afrika ook die hertoetrede
van die Britse Imperialis verhaas word, en word ABSA gestig om
daardeur die Ploegbank, Volkskas Bpk. se naam vir goed te laat
verdwyn.

ABSA met sy nuwe aanslag, weg van Afrikaner sentiment, geskoei op die
lees van die Onderdrukker, het nie net die Afrikaner se taal verwerp
in sy aanslag nie, maar het sy eeu-oue haat teen die oorwinnaars van
Majuba ten volle laat geld deur Afrikaners te vervang met
volksvreemdes in sy personeel strukture. Uiteindelik sou die geliefde
Volkskas waar haas elke Afrikaner tuis gevoel het, met wrewel in die
hart sy bankdienste voortsit by sy grootste vyand.

Toe, een dag, kom vyf Afrikaners weer byeen – en daar word die eerste
sooi gespit om weer 'n koöperatiewe bank vir die Afrikanervolk te
vestig. Die verantwoordelikheid om so 'n enorme daad te verrig sou
groot invloed uitoefen op vyf manne se lewens waar hulle weereens moes
begin om met 'n verarmde volk se bietjies-bietjies geld moes woeker om
'n volksekonomie te help vestig.

Net soos Volkskas, is Oranjekas as koöperatiewe instelling gestig. Die
beginners daarvan, net soos Volkskas, het min kennis en ervaring
gehad van die bankwese. Net soos Volkskas se oom Bossie, was die
geloof sterker as die rykdom van kennis. Net soos Volkskas was dit die
verarmdes wat eerste hulle aandele gekoop het om Oranjekas te vestig.
Net soos Volkskas, het Oranjekas reeds sy eerste diep spoor getrap in
die harte van Afrikaners – dit is weer Die Kas !

Maar daar is een verskil: Oranjekas het te midde van aanslae
hardnekkig voortgegaan en binne die eerste twee jaar op 'n netto wins
begin opereer. Met die geloof van 'n klein direksie en 'n paar honderd
aandeelhouers se ondersteuning wink die toekoms om 'n nuwe hoofstuk in
die geskiedenis van ons volk se voortbestaan te skryf. Daar sal nog
dae van teenspoed en terugslae wees, maar niks sal die Afrikanerdom
weer van sy swaar verdiende goed kom beroof nie want sy aandeelhouers
sal biddend waak oor hierdie kosbare kleinood.

Clem de Klerk - September 2010

Die Boere sal nie stilgemaak word nie

Die Boere sal nie stilgemaak word nie

Besoek ons by: http://boereenheid.phpbb3now.com
Boekmerk dan die skakel

Die vorige forum is in sy totaliteit van die internet verwyder a.g.v
duistere redes onbekend aan ons.

Ons het nie gaan lê nie, en het onmiddelik ingespring en 'n nuwe
tuiste geskep. ONS SAL NIE STIL WORD NIE!

Ons nooi elke iedere lid van die volk uit om ons te besoek by die
bogenoemde skakel. Kom registreer vandag nog en raak weer deel van
ons projekte, soos die boereplaas, blanke armoede verligting en
opheffing van mede volksgenote!

SIRKULEER ASSEBLIEF SODAT ALMAL KAN KENNIS NEEM!

Projek 2010 nuusbrief

Geagte Volksgenote

Die nuutste nuusbrief van Projek 2010 is op ons webblad te sien by:

http://www.projek2010.co.za

(onder die opskrif: NSA-Volksmoord duur voort)

Besoek gerus die webblad vir die nuutste inligting en versprei die
boodskap aan volksgenote wat nie besef wat in die land aan die gang is
nie.

Soos altyd, is dit uiters onaangenaam om die boodskap aan u te stuur.
Dit is egter nodig dat die omvang en aard van hierdie gruweldade teen
ons volk eers, sover moontlik, algemene kennis word. Dit is my
oortuiging dat eers dan, aksies in die verband die nodige vrugte sal
afwerp.

Tot dan, blyk dit 'n hartseer feit te wees dat daar nie die nodige
steun vir Projek 2010 uit volksgeledere gekom het nie. Daar is
sekerlik 'n verskeidenheid redes hiervoor wat wissel van
onbetrokkenheid, oningeligtheid tot 'n gebrek aan besef hoe belangrik
dit is dat die projek suksesvol is.

Ek vra u daarom oudergewoonte om die boodskap/inligting te versprei.

'n Hartlike dank aan elkeen wat ons behulpsaam is in die verband.

Werner Smook
Projek 2010

Onderwys moet selfrespek herwin

Mediaverklaring met verwysing na die onderwysstaking en die SAOU se rol
daarin.

Groete

Leonard

www.indicato.co.za______________________

Leonard van der Dussen

Besturende Direkteur

indicato_logo_jpg_jpg

Tel 012 664-2300 Faks 012-644-2902
Posbus 16985, LYTTELTON, 0140

1ste Vloer, Barclayssentrum, h/v Burgerlaan en Cantonmentsweg,

Lyttelton. Verwoerdburg

Pdf dokument hier beskikbaar :
http://groups.google.com/group/onsstem-van-die-nasie/browse_thread/thread/e16b1f945289b307

ONDERWYS MOET SELFRESPEK HERWIN
Indicato neem met skok en teleurstelling kennis van die
Suid-Afrikaanse Onderwysersunie (SAOU) se deelname aan die
staatdiensstaking en die samewerking met organisasies van
kommunistiese ingesteldheid soos Cosatu. Die ontevredenheid met
vergoedingsvlakke vir onderwysers word verstaan, maar die wyse waarop
hier opgetree word, kan nie goedgepraat word nie.
VERKEERDE WERKSWYSE EN KEUSE VAN BONDGENOTE
Die wyse waarop die stakings gereël word, met pette, T-hemde wat
uitgedeel en nog daarby "Bring jou vuvuzela!" en straatoptogte (SAOU
se WK Nuusflits 38 van 2010) verlaag onderwysers tot maar net 'n nog
'n groep werkers wat ronddans. Dit lyk of onderwysers - insluitende
die oorwegend Afrikaanssprekende korps van die SAOU - die vervlakking
wat menseregte en al die sosialisme wat deur Kurrikulum 2005 in die
skole ingedra is nou geabsorbeer het tot op 'n punt wat daar weinig
onderskeid tussen "leerders" en hulle onderwysers is as beide hulle
laat aftrek na 'n humanistiese lewensbeskouing van gelykheid en
menseregte.
Die SAOU se webblad dra verskeie dokumente van die staking onder
beheer van "Cde" (comrade) sus en so, 'n term waarvan Afrikaners en
regdenkendes wat die kommunisme verwerp en bestry, hulle voorheen
duidelik afgeskei het. Dis 'n skandelike dag dat die eens trotse SAOU
nou in hierdie geselskap voordeel soek.
VERGOEDING IS PROBLEMATIES
Dit is so dat die onderwysberoep oor baie jare beskadig is deur
vergoeding wat nie tred gehou het nie, en nie erkenning gegee het aan
die professionele status en besonder belangrike posisie wat dit in 'n
samelewing behoort te hê nie. Dit is ook op die oomblik waar dat
onderwysers gerus beter vergoed mag word, maar as die onderwysberoep
homself verlaag tot stakings waarin hulle boonop soos 'n klomp
kommunistiese arbeiders met pette, T-hemde en vuvuzelas die strate
invaar, doen hulle self mee aan die afbreek van die status van
onderwys, wat in beginsel 'n edele en hoogstaande funksie in die
samelewing behoort te wees. Die regering moet ook verantwoordelikheid
aanvaar vir hierdie steurings in die onderwys as belastinggeld links
en regs vermors word en in korrupsie opgaan, terwyl onderwysers nie
opgebou word vir die belangrike rol wat hulle in die samelewing vervul
nie.
VERHOUDING MET PRIVAATSKOLE
Hierdie optrede van die SAOU is onverantwoordelik en rig onberekenbare
skade aan in die geloofwaardigheid van die uitoefening van dissipline
in skole. Dit is ook 'n terugslag vir die verhoudinge van die SAOU met
privaatskole – en veral daardie privaatskole wat ernstig probeer om
Afrikaanse christelike onderwys te handhaaf – as die SAOU met die
werkersvakbonde in kommunistiese wyse van optrede saamspan pleks
daarvan om sterker aansluiting te soek by die Afrikaanse christelike
onderwysinisiatiewe.
Ouers wat ernstig is oor die handhawing van onderwysstandaarde en die
opsoek van christelike onderwys vir hulle kinders, moet kennis neem
dat hierdie staking die antitese tussen staatsonderwys en christelike
privaatonderwys versterk, en dat die maak van besliste keuses tussen
staatsonderwys en christelike onderwys nie langer uitgestel kan word
nie.
Die christelike privaatskole, en meer spesifiek rolspelers soos die
Beweging vir Christelik-volkseie Onderwys (BCVO) en ARSO (Aksie
Reformatoriese Onderwys) wat tot 'n mate die ruimte vir Afrikaanse
christelike onderwys te beset, moet egter ook besin hoe lank die
onder-gekapitaliseerde situasie in hierdie geledere volhoubaar is.
Intussen moet ons almal die onderwysers wat hier aanhou werk - dikwels
met beperkte hulpbronne en met onbevredigende vergoeding – salueer.
Dat hierdie personeelkorps nie staak en ronddans nie, is 'n beskamende
voorbeeld vir die SAOU se lede en moet ouers opnuut laat dink in
watter skole kinders regtig leer hoe die gelowige sy lewe inrig, en
waar daar standhoudende onderwys is waar roepingsbewustheid sigbaar
is.
OPLOSSINGS
Die huidige regering het al dikwels gewys hoe min hy hom werklik aan
sy bevolking sy behoeftes steur en die staking gaan weinig invloed op
die regering hê. Dit breek onderwys net nog verder af.
Christelike Afrikaanse onderwys moet sy wortels terugvind, met insig
hoe om dit in praktyk werkbaar te maak in die Suid-Afrika van die
21ste eeu. Die pad vir gesonde onderwys is een wat los staan van die
huidige regering en aansluiting soek by westerse standaarde, en vrye
onderwys is wat onder eie beheer van die gemeenskap vir die die
onderwys opgestel is, staan, sonder regeringsinmenging.
Dit is bereikbaar deur privaatonderwys wat die Bybel bely en ken, en
wat die onderwyser betaal wat sy werk werd is (Lukas 10:7; 1 Timotheüs
5:18). Dit verg sake-insig wat skole tot stand kan bring wat nie net
in geestelikheid sterk staan nie, maar ook 'n realistiese bestaan en
loopbaan aan onderwysers kan bied. Die Afrikaner-sakemanne, geestelike
en onderwysleiers se kundigheid moet saamgevoeg word om skole op te
rig wat leerlinge en onderwysers vanself sal aantrek, en wat werklik
in die 21ste eeu onderwys lewer.
As die skande van die staking waarin Afrikaner-christenonderwysers nou
meedoen in die kommunistiese styl, kan dien om ons wakker te skud; om
ons op te roep om met wesentlike kapitaal skole te bou wat die mooi
ideale, maar sukkelende formate van Christelike Afrikaanse onderwys
tot die eer van God en die voordeel van hele samelewing kan sterk
maak, dan kan hierdie staking dalk tog 'n goeie uitwerking hê.
LEONARD VAN DER DUSSEN
Besturende Direkteur
Selfoon : 082-5732-732
Epos : lvddussen@indicato.co.za
AGTERGROND
Indicato Inligting (Edms) Bpk se aandeelhouers is al meer as tien jaar
betrokke by privaatonderwys. Die Indicato-kurrikulumstelling is 'n
standpuntinname vir Christelike onderwys en met spesifieke verwysing
na die Afrikaner se wese wat met calvinisme en veral die gereformeerde
belydenis wat geformuleer is vanuit die hervorming van die 16de eeu
verbind is.
Indicato sien die begrip "skool" in die 21ste eeuse konteks as 'n
instelling wat gesonde basisonderwys lewer, sport speel en
kultuuraktiwiteite beoefen sodat leerlinge binne hulle skool 'n
samelewingsverband ervaar met onderrig as die formele produk, terwyl
die wyse van hoe ons Suid-Afrikaanse samelewings sport- en
kultuurbeoefening aan dieselfde skool verbind, erken word.
Die sakemodel vir suksesvolle en volhoubare skole moet die 21ste eeu
verstaan, wat korporatiewe beeld en bedryf gebruik en nie in 'n
post-modernistiese samelewing nie op grootskaalse vrywilligers
lojaliteit kan reken om te groei nie.
Leonard van der Dussen is ook voorsitter van Laerskool Raslouw en
Hoërskool Raslouw, onafhanklike privaatskole wat deur 'n filiaal van
Indicato besit word en het dus aktiewe daaglikse insig in die
werklikheid van christen-Afrikaneronderwys.
Die volgende webblaaie word aanbeveel vir verdere agtergrondinligting:
www.indicato.co.za
www.raslouwskool.co.za
www.saonderwys.wordpress.com
www.saou.co.za
www.bcvo.co.za
www.arso.co.za
www.aros.ac.za